去一轉沙田新城市，覺得依家D人好有錢⋯

沙田市中心地下啲野食真係勁貴

都算 唔好食丫嘛

真心講句，住沙田好耐住沙田，後來情願搭車/揸車去其他區買野食野都唔會特登去市中心，見到假期停車場外面條隊真係笑而不語

好耐冇去沙田新城市，隔一輪D餐廳好多唔同晒，開咗好多cafe，新日本fusion，食cake店

肚餓想去食吓嘢，試吓D新餐廳，點知望望個餐牌，叫樣嘢都平均$150，仲要細細份⋯

望咗好多間都係咁，門面好靚，入面坐滿晒人，個個都叫好多嘢食

見到有間台灣嘢，諗住叫個鹽酥雞飯同珍珠奶茶食，點知淨係個飯都過百，杯珍珠仲$48杯，即刻冇叫行返出來

附近開咗間新既「歡樂天地」⋯入去望吓重溫吓兒時回憶⋯點知換個遊戲幣都要$2一個，玩個game都要6-8個幣⋯

見人地一家大細玩得好開心，碇彩虹，fing錢咁fing，我自己就唔捨得玩⋯望住個細路玩

成個商場好多後生夫妻⋯個個著潮牌⋯細路都著牌子衫，同我細細個差好遠⋯

行咗成個商場⋯樣樣都幾百幾百，好貴，見到人地好歡樂玩，食，消費，但自己一樣嘢都唔捨得係到洗，好似自己唔屬於呢個地方咁

最後行咗去禾輋搵間平平地既茶記食嘢算⋯

真心唔明D人點解可以搵咁多錢，食得起，玩得起⋯係咪個個月入十萬㗎？

一家大細食餐飯都$500-700，又玩又買嘢，點解咁有錢既？