肚餓想去食吓嘢，試吓D新餐廳，點知望望個餐牌，叫樣嘢都平均$150，仲要細細份⋯
望咗好多間都係咁，門面好靚，入面坐滿晒人，個個都叫好多嘢食
見到有間台灣嘢，諗住叫個鹽酥雞飯同珍珠奶茶食，點知淨係個飯都過百，杯珍珠仲$48杯，即刻冇叫行返出來
附近開咗間新既「歡樂天地」⋯入去望吓重溫吓兒時回憶⋯點知換個遊戲幣都要$2一個，玩個game都要6-8個幣⋯
見人地一家大細玩得好開心，碇彩虹，fing錢咁fing，我自己就唔捨得玩⋯望住個細路玩
成個商場好多後生夫妻⋯個個著潮牌⋯細路都著牌子衫，同我細細個差好遠⋯
行咗成個商場⋯樣樣都幾百幾百，好貴，見到人地好歡樂玩，食，消費，但自己一樣嘢都唔捨得係到洗，好似自己唔屬於呢個地方咁
最後行咗去禾輋搵間平平地既茶記食嘢算⋯
真心唔明D人點解可以搵咁多錢，食得起，玩得起⋯係咪個個月入十萬㗎？
一家大細食餐飯都$500-700，又玩又買嘢，點解咁有錢既？
