玩左交友app一排勁有感（69)

@咩APP最多人玩？
係香港而家黎講應該係以下幾個APPS最多香港人玩
Coffee meets bagel/CMB：大家講起想認真識人就會話玩CMB，但其實而家無論咩APP都一樣多SALES，CMB都唔例外。
CMB特點係每日只會派特定既MATCH畀你睇，如果你同對方SET既preferences都match到(例如大家揀既歲數/身高都within range)，大約每日會有十幾個係suggested度派畀你揀，你LIKE曬都係唔洗畀BEANS/豆既。discover度就會隨機出，你要like就要畀beans，beans用完就要課金架啦。Chatroom會係七日後自動expire，想繼續係app傾就要俾豆。不過樓豬試過同人瘋狂傾計，個chatroom會自動extend。
CMB password: 年齡+身高+相數目，身高可以改。

Bumble：其實同tinder好似，都係swipe left swipe right，無CMB咁多花臣。但個人覺得入面多外國回流返黎既人玩。個app以女仔做主導，就算match左如果女仔唔出聲先都唔會開chatroom

好緊要既一點係，你一SET UP PROFILE佢會畀好多PROFILE你睇，當你每次SWIPE個陣其實佢係幫你建立緊data base，第時派畀你既PROFILE好多都係根據返你一開始SWIPE人既PREFERENCES去派。

Tinder：哩個好經典好出名都唔多洗講啦

樓豬覺得tinder真係好悶，入面好多假相同埋sales，試過swipe五分鐘都無一個like得落


omi：同TINDER差唔多，入面都多香港人玩既

BUMBLE/TINDER/OMI都有verified profile功能，但其實哩個功能都唔一定可靠
因為樓豬試過用自己相再verify然後換明星相上去，佢detect唔到你換左相架

所以唔好以為有藍剔就一定係真相


sweetring：聽講男user一定要課金先可以like到人同埋send msg，所以相對比較chur?
因為個陣可能filter set得唔好所以d msg係咁入黎，而且我一like佢又會幫我自動send msg(一段預設既INTRO)畀對方，唔係太習慣所以玩左一日就del左

GOODNIGHT：傾電話式交友app
其他巴打分享：
唔課金基本上Match唔到


Heymandi/HMD：唯一一個唔洗用相既交友APPS，可能因為無相所以大家話題好似大膽D。樓豬玩過一個禮拜HMD，女USER D CHAT INVITE真係多到接唔切

有幾個TERMS一定要識：紀巴=紀律部隊，人地=有另一半，SP/FWB/SL=sex partner/freinds with benefit/secret lover，簡單黎講即係約炮囉。
聽男仔講就話入面好多肥婆，聽女仔講就話入面好多人淨係想約炮

但樓豬就覺得用黎kill time一流，但要長遠傾或者發展就係有D難度啦。

@課唔課金玩好呀?
樓豬就真係課過金玩啦，CMB/BUMBLE/HMD我都課過，但你問我有無分別，我就覺得分別唔大啦。
除左可以一次過睇曬LIKE既人之外，其他功能真係好雞肋



@如果想玩有相既APP，擺咩相好呀?
樓豬建議擺相既順序係一張全身相，一張半身相，一張大頭相
想再多D就擺你玩活動既相，同朋友既合照(但最好遮住人地個樣)，有寵物就擺同佢既合照
上面既相可以睇到你既身形，你既樣貌，你既興趣，你既圈子，等人想由你D相開話題都容易D

@PROFILE打咩好呀?
PROFILE切忌打論文，無人想睇你千字文呀，簡單D描寫下自己性格，痴身就寫痴身，鍾意獨立既另一半好需要me time既就寫埋。雖然好多人都係唔睇profile架啦不過都唔好咩都無呀，乜都無好似sales


@玩app有咩要注意?
第一樣同最重要係保護自己

無論網上面定係出黎見都好，無論你係男仔好定女仔好，一定一定要保護自己。
世界上好人好多，但壞既人都唔少，你永遠唔知哩個識左幾個鐘幾日既人係咩人，
佢表現得幾真心都好，都唔好以為自己好了解佢

另外就係唔好咁上心，玩apps快來快去，哩個唔岩就好快搵到下一個，傾左一陣就上心或者投入感情，但對方又唔係認真既話就好易受傷



請用不推文回覆

勁多match，但就係無個傾到落去，一兩日就已讀聖誕尾班車

我唔經唔覺玩cmb omi tinder hey
踏入第六年
正式告別單身
進入第七年
單身

Lm

留名

唉lm

個個都話約咗人好忙

唔明啲人唔想出街見咁online傾嚟有咩意思？

小弟經驗，包裝自己，比人一個好嘅第一印象好緊，令你會多d match

覺得比人撚

男定女
兩個極端嚟

其實好正常，特別係玩apps

邊個唔睇樣