玩左半粒鐘Persona 5 Royal，以為係恐怖game，點知係蝙蝠俠

Miss又正又好用wor

打完若葉，成個暑假的目標就係衝爆五圍去。


衝爆知識，唔洗再係圖書館同咖啡店到溫書啦！


衝爆勇氣，唔洗再去食漢堡包啦！


休息左成個月，宅女終於肯幫手啦！


Game Over！


結果成單野都只係雙葉設的局嚟！



之後暑假最後一個禮拜就變左雙葉同學有交流障礙，變左廢萌番。


有咩問題一律找Google大神幫手。


千金小姐奧村春出場，網友評價小春太遲出現。結果Royal版再出多個爆機完先用到的學妹。


最後升埋體貼，唔洗再去花店Gay Bar打工。同其他網友結果一樣，都係9月升爆5圍去。第1輪目標完成，可以準備爆Bad Ending玩第2輪。


下一輪對手確定，今次打跨國漢堡包集團(食完漢堡包升爆勇氣之後就過橋抽版)！



跨國集團充漢野心，業務突破銀河系To The Moon！


天然呆怪盜X吉祥物萌貓，又多個新官配。


原來只要攞本相簿就可以查到怪盜的真實身份出來，咁用AI人面辨識系統都得啦！


老土都爆炸的政治聯姻，而男方又去鴨志田呢類流氓，為左防止小春賣春，又有3個禮拜慢慢磨...

唔追還唔追但miss愈早升爆愈好
女記就真係可以不理

bad end 成就唔包喎 點解要沖bad end？ 冇任何意義

保留五圍

既然睇住攻略玩
點解要玩二週
正路p5r除咗隱藏boss
其他嘢可以一週目搞掂

打唔打算全成就先 如果要就應該一周目玩真結局 否則可能最遲三周目先全成就到

我本身諗住玩3輪，1 bad 2 原版結局 3 Royal 結局

咁無野了 我收皮先
我記得你真女轉3玩晒咁多結局痴線佬嚟

bad ending唔係得揀完選項睇劇情就得?load番save咪可以繼續玩落去

係全部6個，真係逐個逐個打一個存檔玩曬

想快D第2輪滿5圍開局

我p5r都係打咗真結局only
其他上youtube補完

Btw鍾意p5r個bad end
劇透

整體我覺得值得九十幾分
故事，玩法都好好

雖然戰鬥系統已經係日式回合制黎講最好，但對比歐美回合制玩法都係差d
玩到後期都係想快d結束戰鬥

歐美會合制好玩D?

唔係嘛
畫功音樂氣氛一流冇得講
但故事一般
Gameplay非常煩
我玩咗十小時到圖書館玩插書
忽然諗
佢改成動畫一小時內就得吧
搞乜搞到十小時都未打個老師……
仲話乜十幾日俾你打佢
個女角十幾日內都唔知俾佢中岀幾多次了
已棄game了
唔明你地點可花,100小時咁有耐性玩……
人大咗見不合理嘅地方果斷棄game

所以，我樓主
Cap圖俾新手睇
期待你整到結局

暑假比足成個月你打若葉，不過成個月只係期限唔係真係要打足成個月，通常都係2-3日解決佢，之後就係自由活動等期限出劇情。不過心急無耐性真係唔太適合玩，佢唔係SMT，10分鐘過完intro，然後dump你去大沙漠到養牛鬼蛇神。

Win11突然跌FPS有冇人知會係咩原因
玩左咁多日都冇野玩到6.6號 突然開始疾疾下咁
一開驚係main menu已經開始疾

皇家版同普通版有咩分別
見steam特價都想入手

打完最終大佬之後如果丸喜升到9lv會進入新劇情打新大佬，替身有第三tier

點解星期六日佢哋都要返學

星期六啫
星期日唔洗

今次正式打奧村殿堂，事件一直過於順利，黑暗的爪牙亦都悄悄迫緊。


即使係千金小姐都有婚姻自由，小春替身覺醒。


有大砲的女人？


血汗工廠慘不忍睹，全是被洗腦的黎生，我嘅訴求就係想返工。



終於要打奧村，結果班韭菜機械人比想像中更耐打，為左對付呢班綠色鐵罐，我特登將小春練到64lv去學全體大念動攻擊。


商界無親情，就連自己個女都被割韭菜。


但腦細自己本身就係垃圾一名。


當然商人亦難逃被自殺的命運。


班怪盜團終於知道自己比人帶風向啦！


雖然普通人睇唔到殿堂的存在，不過祐介憑空消失都太可疑吧！


仲要一直Keep住犯罪證據，一封挑戰信就爆曬所有野出來。


我讚成惣治郎，成班中學雞根本唔識政治，唔係智商掉線如龍司就係心靈脆弱如雙葉。係現實社會一早玩完。


然後又被一個來歷不明的偵探繼續帶風向去打黑警。


雙葉很儍很天真X1


雙葉很儍很天真X2


大家都係口袋裏的戰爭，唔洗咁自責。


法庭果然係有錢人的玩意，得班鯨魚課金玩家先玩得起。


期間二五仔明智亦都Show埋佢個假替身攻擊出來。