玩左半粒鐘Persona 5 Royal，以為係恐怖game，點知係蝙蝠俠

冇洗白到
第三學期佢都係黑
無印冇特別感覺
R反而仲鐘意佢

我自己都未玩到去第三學期，佢點黑法？

佢只係一啲原因先強迫入隊
佢完全冇反省過 唔會貓哭老鼠
仲會串主角團天真過天真嬌

無乜點黑，只係無再戴假面具好似最尾認咗係奇拿嘅夜神月咁

自己中左反間計都仲咁串？

新島殿堂前自由活動，因為奧村老豆大爆死，所以小春會離隊，直頭中左二五仔個天仙局要打新島冴先至歸隊可以打印象空間。


織田Gamer受到各方欺凌之後最終自己亦黑化埋走去做胖虎搶錢。


好彩小學雞心智脆弱，凶佢一句就乖乖聽話，唔洗跑印象空間食怪盜正義鐵拳。


雙葉妹妹再次挑戰去人多的地方，可惜又再次被人潮捲走了...


不過宅女識用Google Map搵路，無事啦！


同斑目一樣完全唔會理藝術，對個星媽嚟講只係用來搏出位的工具。


又要去印象空間揼怪獸家長，影子本體係莉莉姆，遲早實推佢個女做雞。


東鄉終於可以認真比賽唔洗再作假了。

新島殿堂後自由活動，明智最後7同8級Coop解鎖，因為11月20日明智就會變節，所以呢段時間係明智升Coop最後機會。另外最後一個Coop小春亦解鎖。




小春的能力係種蔬菜攞補MP道具，例如可以補滿1人MP的月光蘿蔔。雖然理論上應該唔會有唔夠MP打大佬的情況，不過都係預防萬一種定先。







千金小姐的煩惱，成個劇情就係溏心風暴爭家產。






結果就算跑完殿堂，小春最關鍵的渣男未婚夫問題都未解決。




借刀殺人就係有風險，下面真正做野班友儍豬豬就笑話不斷啦！





明智中二病發，Joker慘被勁敵。


雖然話係全力一戰，但實際上又係放水，目的只係想試探Joker實力，心地惡毒。明智Coop升至8級最後兩級劇情升。






呢個世道怪獸家長仲惡過老師，個仔女一有咩損傷就就報上校董會同做報警撚。


又係一個母夜叉類的怪物。


信也亦明白到真正的強大並唔係周街撩交打做胖虎，而係保護弱者的心。信也高塔路線完結，日間Coop得返雙葉同小春。



自閉症總是有一D癡線技能。


即使跑完月亮Coop，三島依舊都係路人空氣。


原來宅女以前都有朋友。





為左賭錢而迫個小學囡囡下海影CP，罪大惡極，一定要食怪盜正義鐵拳。



最後1次跑印象空間，之後的小春Coop唔洗打怪獸家長。(因為佢老豆已經死了...)





宅女初嘗戀愛滋味。


棋手原來虛有其表，無左佢呀媽幫手出Cheat，無奇績發生輸Q左比賽。


認清自己實力後決定返新手場刷低Lv玩家衝排位。棋手星星線結束，所有夜晚Coop全解，夜晚真正可以自由活動了。

最後就係Joker反間計智取明智，當然亦都要多謝明智同國安警察太on 9。


一個鬆餅令明智立即破功，結果被嘲笑成鬆餅偵探。當然一個同警察有良好關係仲要突然幫怪盜團講好說話，之後又 迫你去打警察本身就已經好可疑。


結果反間計就係咁展開，計中計。


仲有個最主因係地利，個審訊室係地下，即使轉送到異世界都唔會知道出面有個大賭場出現。


然後明智就好興奮咁係元宇宙到打飛機，實際上Joker仲係異世界發呆。又乜理由明智被傳送到異世界佢會唔知？佢自己都有導航Apps，仲要見證Joker偷秘寶但殿堂無崩壞再加上現實世界新島冴精神奕奕都唔懷疑。


當然仲要多謝一班連執屍都懶的國安署人員。


馬沙你暗算我！！！


新自護成立，Make Japan Great Again.

佑介好撚頂癮

東鄉仲中二病過佢。

其實我真係幾鍾意呢個角色
尤其佢第三學期 同Joker一樣會堅持自己一套理念
唔算有強行洗白 只係繼承番佢郵輪最後個反英雄形象
不過我未玩到爆機可能仲有變數

佑介係撚中二病

不過佢一沉醉係藝術世界就會亂講一堆癡線野

有冇人知後期主角用邊隻persona 同技能點配好

後期點會用死一隻persona

極端Ｄ玩反彈流，用法夫納加餘下8x屬性反彈

有時間＋心機就無限s/l壓耐力

明白，仲拓荒緊。岩先打完奧村殿堂。未知邊隻P 好用要留

第一round就合多Ｄ唔同P，大不了將用開隻P save落圖鑑，日後用＄call番出黎

其實P只係P屬性＋技能卡嘅載體

圖鑑愈滿，接觸到嘅技能就愈多，日後就合到更岩使嘅P

Persona 5唔同SMT 3，好多Boss都有弱點，所以要準備定唔同屬性的替身。

P系列最麻煩係D勁獸要滿好感度先有，迫人交朋結友。

獅童殿堂前自由活動，最後的自由活動機會，打完獅童之後緊接就打聖杯同偽神，唔會再有時間升Coop。



成班怪盜團比人通緝都仲要全體人物一齊踩點，仲要係正議事廳到，擺明係煽動顛覆國家政權。



獅童見到怪盜團都咁客氣，竟然無派成Team國安去捉人？




然後殿堂係救生艇，當然係唔會接走班異見流亡小屁孩啦！



沒有、沒有、沒有、通過！！！


呢家打手收屍佬有個好華麗個名叫「善後者」，不過英文再衰D叫"Cleaner"。


然後就升埋最後小春同雙葉的Coop去。






呢個應該愈來愈少呢D百年老店，不過我見識少，次次睇到新聞話某某結業我都黑人問號。





然後渣男又嚟求婚...








個社長又真係肯陪個大小姐一齊癲，走去開咖啡店。




最後原來一直以來個未婚夫問題只係大小姐諗多左...







最後大小姐自己創業去開咖啡店，原本個大爆炸漢堡就放置Play比班細的繼續玩爛。



替身進化完大小姐女皇線結束，可惜無得睇溏心風暴爭家產...









就算係宅女都知道乜野係戀愛，期待爆機後情人節劇情。



貓貓咁可愛，我唔要宅女啦！






完成成就：墳墓少女復活！！！



宅女替身進化後依舊成個外星黑科技，似D最終大佬第一形態咁。


最後爆曬所有Coop都仲有17日慢慢磨，之後可以悠閒整替身、完成雙子課題，準備好曬就可以打獅童、聖杯同偽神爆機去。

正式開始打獅童殿童，可以體現到二五仔明智有幾癡線，完全唔明白點解佢人氣咁高。


就算去到殿堂都諗住食野。


當然搵人去搞廢人化獲利的人唔單止得奧村老豆啦。


影子本體係八歧大蛇，早知係咁就帶祐喜個須佐之男上場啦。


阿伯，你好。可唔可以將龍司踢出隊呀？


結果就用最老土的美人計去吸引舊貴族，其實只係龍司想睇囡囡吧！


可惜對方對村姑無興趣，好彩杏公主有貴族氣質呃到人。


不過對手衰多手，點都要開打。


影子本體係佛鈕司，P5佛鈕司強左好多，唔係SMT3入面比隻小妖精電死的垃圾。


當然政客自然同傳媒打好關係。奧村黑心食物事件都係佢地谷出來的。


電視台就只顧收視率，食人血饅頭。影子本體係哈奴曼，影子無重新設計過，仲老土過龍司個孫悟空。



怕醜宅女突然惡到...求IT毒撚的心理陰影面積。


影子本體竟然係妖精國王女王咁傳統？


最後的中Boss係黑幫老大，至少呢個老大比較正經，唔會好似金城咁Yo來Yo去。




我反而想睇下幅墨水畫鳳凰紋上身效果係點，可以搵Sims 4整小人試下。





不過藝術家就係咁高傲，敬酒唔飲飲罰酒。影子本體係隱形鬼，果然係隱藏係黑暗之中默默收屍的清道夫。


Joker又被強行競爭對手化...


原來係父子仇殺...


幫獅童周街殺人放火就係超越佢報仇？


因為友誼是巫術！


不能同意更多！！！


明智儍豬豬到呢家先知自己已經被清算...


明智卒！


如果唔係為左第三學期，呢D心理變態極端自卑變自大完全零好感，直頭當佢一開始並唔存在好過！

我一周目唔夠時間，明智淨係升咗幾格都入到第三學期
淨係要入第三學期應該可以唔洗理佢

第三學期主要條件係丸喜10級，明智10級係為左令佢係第三學期替身進化。

我一周目起碼有六七個人升唔到十級
隻game真係要升太多角色羈絆，時間唔多充足，做多少少無謂嘢好似釣魚、打下棒球咁就升唔晒
睇落去好似好自由，其實唔多自由