Sega旗下夢幻之星系列最新作《夢幻之星 Online 2:新世紀》,免費遊玩大世界ARPG,無論極限玩家定係鹹魚都可以搵到自己樂趣
日服官網:https://pso2.jp/
美(國際)服官網:https://pso2.com/
雖然名入面寫住PSO2,但實際同前作宜家唯一有聯繫就淨係得翻cosmetics類物品,無需要擔心啲玩咗10年既老屎忽玩曬
遊戲賣點1:高自由度創建角色
由前作開始已經係賣點既角色創建系統嚟到ngs更上一層樓,加埋眾多合作活動(賣點1.5?),自己最中意既角色都可以還原。 唔講咁多自己睇圖啦,真係整乜都得。
遊戲賣點2: 大地圖自由探索(基本上)無讀條
最近12/7更新之後四個大地圖(Aelios, Retem, Kvaris, Stia),分別對應平原,沙漠,冰山,火山四個區域,每個都有自己獨有怪物,獨特玩法等特色。大地圖內亦有不同小區域比玩家探索,採集,農怪等唔同活動。小區域之間冇讀條*享受無縫探索,大地圖之間就有條橋咁,格硬講都可以話係冇讀條既
另外每個地圖都有自己既 “紫塔”,咩係紫塔呀,其實就係當前版本既極限怪,比一眾極限玩家挑戰自己
*載入方式算係先放你入一個淨係得地圖既房,之後真係load完再tp翻你入正規房間,老實講就真係幾無縫既,不過載入時間視乎電腦網絡,話0讀條又小小誤導既
遊戲賣點3:持續更新+活動
宜家更新進度基本上係(全部大約)每2個禮拜一個小更新,2個月一個中更新,半年一個大更新。
小更新就係服裝池之類既細微野,中更新就會有啲地圖上新既野玩下,大更新就係新大地圖(i.e 上面四個地區)。每逢過節都有啲活動玩下咁,主要模式基本上都係打怪做任攞分換禮物咁,不過都會有新副本玩下,有時仲會有新攻擊模式既怪打添。
遊戲(賣點?)4 : 靚靚畫質
好啦好啦樓主係咪講到冇嘢好講攞啲咁既野扮遊戲賣點呀?err一半半啦,不過!靚畫質對一眾當RPG係奇跡暖暖既玩家嚟講係超超超重要的!見到隔離ff14就知道呢類玩家佔比甚高呀,畢竟唔係個個對挑戰極限有興趣架嘛,幫個女影相一樣重要!宜家仲有四個完全唔同既地區,啱曬一眾影相系玩家!下面留啲玩家既screenshot (小弟都有一張),大家就明呢個賣點幾重要
好啦,我想玩呀樓主,邊度玩呀? 咁就要揀翻國際服定日服啦!
國際服
各大平台(steam ps switch microsoft epic)即down即玩
課金方便(經平台)
一開就英文
無需vpn
相對差既市場(通脹度度都有,但係國際服比較嚴重)
玩家質素(遊戲內有方法對付,但係國際嗰邊就有啲。。開服嗰陣請過各大twitch streamer玩過,比入面既玩家嚇走咗 gm管理宜家好咗,不過有啲野治標不治本)
sjw(美服呢家野大家都明,角色冇得矮過140cm,某啲福利唔見咗等等)
ping (自己明)
日服
玩家質素(個人經驗玩咗6年未見過有問題(再括號可能係我之前未識日文))
市場相對良好
冇censorship
ping
日文(對一部分人可能係優點,畢竟原汁原味嘛,不過大部分睇唔明又真既,不過!可以解決!詳情睇下面!)
vpn(嚟喇嚟喇,呢個勸退唔少人。不過個人覺得呢啲一次性程序無需要因而走人。)
2樓再講點開