有時唔知女朋友究竟鐘唔鐘意自己

過左幾日先打番千字文過黎，內容都係講自己呢排點 有咩煩，但我自己睇到既就係話我唔了解佢 唔體諒佢

心諗面對面又傾過問過 message又講過幾次，你都可以咩都唔講，就算分手都係隔幾日先講一堆野，仲要唔係挽留，淨係講其實我都有諗你 都有準備到禮物比你咁

佢依種人咪比佢搵返啲各有各玩既情人囉
人夾人緣 你係痴身既咪搵個痴身女友
其實冇乜問題
或者佢都唔鍾意
有啲女真係搵個掛名男友 實情出去蒲
唔洗覺得自己有問題
每個人拍拖要既野都唔一樣

一樣，唔夠一個月俾人飛左

你悶咪唔想回囉

咁自私唔好拍拖啦

我個ex都幾似樓主你個ex，佢同我一齊嗰陣都係唔係好理我，對我都幾冷淡，但我照每日sd 我嘅野佢睇。有時我想同佢吹下水但佢係隔幾個鐘先覆，變相傾到都冇癮。問過佢點解咁遲覆，佢話同frd 出街要盡興，唔想玩電話。我都理解嘅，但佢夜晚返到屋企得閒都唔同我傾計就有啲離譜，幾個月黎都係咁，最後我都頂佢唔順分左手。

分左手之後佢仲鬧返我轉頭，話我盡左力都留佢唔住係我嘅不足，將所有責任推卸晒係我身上，佢自己就係度扮受害者。

佢依種人口講話我係佢男朋友，但行動上證明我只係隻兵。依種人根本唔適合拍拖，太自私，又或者佢地根本唔愛對方。

雖則身邊嘅人都話我分得好，但我就係唔捨得佢

咁夜都唔訓 係幾似，佢都有講過同fd出街唔會點覆，呢樣我覺得好正常既

但都係走啦/番屋企之後都唔會搵我/講聲，咁已經證明你係佢心目中地位有幾低，我就睇得好開，唔會作賤自己 ，所以就算啦 希望你都諗得通

Thx Ching, 不過我同你唔同嘅係我分左手之後我試過挽留佢，最後當然失敗喇

但佢同你個ex最大嘅分別係佢話佢仲鍾意我，只係唔想再拍拖，唔想再磨合。

有時都真係唔知啲女人諗乜，係人都睇得出佢已經唔係鍾意我，佢偏偏硬係要話鍾意我，鍾意我但又同我一齊架喎，我真心唔理解

終於分咗手 中間復合過
最後都係唔work

佢嘅行為同樓豬講嘅一樣，中間我都懷疑過自己係咪要求太多，好彩見到呢個post

一早要咁做 分左手而家好開心 唔會再懷疑自己同內耗

的確係，唔夾就係唔夾。雖然唔開心但希望快啲會過
後悔中間心軟復合咗又拖多幾個月


祝樓主生活愉快