ex:
個人冇乜社交 生活圈子得我
成日chur 講電話
打比我之前唔會message 我問我得唔得閒先
令我覺得無啦啦私人時間被干擾
有時唔想傾都唔比我cut 線
做野忙唔覆佢就會發脾氣
同朋友出街佢都會講說話我聽
有時同佢講我唔鐘意佢做某啲行為
佢會否定、反駁,久而久之我更收埋自己
現任(相處得好好)
佢自己係99%安全型、較佛系
會同我講佢去邊/做緊乜、比promise、規劃人生
令我覺得有安全感
但同時大家各自有社交圈子、自己生活
唔會干涉大家
我同邊個去街、做啲咩,
佢會話「你覺得舒服說就講 唔想講都唔緊要 我相信你」
打電話比我前會message 問左我想唔想傾先
如果忙冇覆 佢都會triple text 但係講下其他話題
唔係死chur 話做乜唔覆我果啲
或者話「知你忙緊、加油」之類
同佢講我唔鐘意佢做嘅某啲嘢
佢一定會道歉先、會認真聽同溝通
因為逃避型好少會講心底話
一講如果你冇聽/冇改善好易會心灰意冷
同佢相處超級自在
佢對自己都好有自信 都佢好信任我
一齊一年左右我開始慢慢冇咁逃避型
變返正常啲、熱情啲、敢表達自己
有好多研究話逃避型遇到個適合嘅安全型
係會慢慢變返偏向安全型的