好好睇喎,特別係啲改編原版唔同嘅地方,我都幾鍾意,最後逃脫嗰度都起碼合理
唯一要彈就係
1.toyko中彈前後冇分別,中彈純粹為咗煽情
最好笑係丹佛老竇中彈中返同一個位,就要死
Toyko傷口處理都唔使做,就生龍活虎咁樣
2.同埋氣球派錢嗰度有少少誇張,正常嗰段時間爭分奪秒仲邊有時間set up咁多嘢
角色處理方面
Tokyo冇咗原版 懶係咁愛敢恨嗰種煩膠 有返柏林領導團隊嘅能力
柏林都唔錯,雖然冇咗原版嗰種瘋狂嘅魅力,但係都做到8-9成
首爾呢個新角色都幾討好幾型格
奈洛比就差過原版太多,新版同原版嗰種熱情率性感覺差太遠
丹佛傻更更都幾可愛,同廠長條女又幾襯
廠長條女仲要比原版靚勁多,外型已經屌打原版,最尾嗰集為咗愛情開槍射差佬型到癲
里奧就冇乜性格特別,純粹靚仔宅男咁樣
廠長part 2比原版都做少好多仆街嘢
最尾其實好慘,幫咗咁多手,一分錢都收唔到,仲要應該冇埋份工同條女
Professor同警監就好似冇咗原版嗰種火花
但成套嘅節奏基本上做得好過原版好多
少咗啲談情說愛,同埋Toyko累人累物嘅情節
改編情節都有意外驚喜
希望會拍埋搶劫國家金庫