第一次賣車賣到咁唔開心

佢有冇車牌？

你就真係on9 仲話正常

只可以話俾試既都係傻仔
要試 你驗車 師傅會幫你試
你話爛車唔想哂錢驗 咁人地冇穿冇爛揸到出黎俾你你仲想點？

你會試係一件事 俾唔俾你試係一件事
俾你試先係on9仔 有咩意外 唔知搵邊個

其實唔想咁煩可以賣俾車行，但通常低價啲
你想高價走就私人放
如果要人落訂先有得上架就真係等到有人肯先得

可能依家好多人都可以唔上架就肯落訂
但我一定唔肯
上架已經一千幾佰
架都未上，又唔知有冇撞過
咁就話要落訂
咁樣同去車行買車無乜分別

或者你又諗下，幾個人黎睇車，第一個人黎睇又話上架，第二個人黎又話上架，我應該賣俾邊個？同邊個去上架先？你唔落訂，我一定不停咁俾下一個人睇車既啦，我點知你係咪玩野。

同埋如果到時驗到有咩事，我一早已經講明，退返晒訂金俾你，咁佢又同意，咪俾訂我嘍。

都係果句啦，你係買家，一定保障自己，我係賣家，都係保障自己，咁咪搵到岩既先買賣嘍。我賣既，我有我要求，你接受到既，咪跟嘍，跟唔到咪下一位。
反正我又賣得出，你既方法，你又買得到，無咩問題，我只係分享我自己咁樣賣車0者，從無打算要人地跟我呢套。

咁你要慢慢等啲牛奶仔幫襯你

我就係呢個原因，hold住部車俾你，我收返少少訂，唔覺得有咩問題。

但理論上驗到有問題唔係應該要退返訂
有問題都可以殺訂咁佢幾好賺

本人試過去車行睇車，比訂先著車，仲話唔會兜出去試行，著到就一定要買二話不說就同個fd即刻走，仲要專登山長水遠去睇呢一架，唔係車展

有心買既隔一兩日就上架驗啦 講埋曬啲剩係保障自己既藉口

邊個約你先咪同邊個上架先，a約左你今日上架，b約你聽日上架
今日上完架，a落訂咪賣俾a，就係咁簡單

你一早講明肯退訂嘅情況就好似車行賣車要落訂先可以上架一樣

你講左部車如果上架發現有A,B,C,D,E嘅問題就可以退訂
咁如果上完架發現原來有F,G,H,I,J嘅問題，到最後咪又係口同鼻拗

我都係同你分享下，亦無打算要你跟我依套

問題可以有好多種
每個人嘅定義都唔同

賣家覺得避震漏油、水箱漏水無問題
只要部車行到停到就得

咁我覺得接受唔到依啲問題
咁佢又肯唔肯退訂呢

以上嘅情況係我求其講，一部車可以有千百種問題
咁係唔係落訂前要全部例出嚟

A睇完車先，約5日後上架，B睇完車先，約3日後上架？C睇完車，約2日後上架， 我賣俾C? 咁點同A/ B講？部車我賣左啦？

依啲真係唔好嘥時間
唔講以為買經典收藏車
全世界得佢一部

直接講囉，無落訂你係邊個都賣得

咁咪就係嘍，我咪就係同佢地講，你落訂，我唔會俾其他人睇, Hold俾你，佢地就落左訂俾我，跟住去上架了。成件事就係咁。

你知架車有問題都唔講出黎
你而啲咪搵水魚
如果你架車係有千百種問題咁唔該你劏咗佢算啦

我係買家嘅身份呀
盲俠

邊個上架先咪賣比邊個囉，其餘一律咪話有師兄準備上架，叫佢等一至兩日囉，都係果句，有心買既點會曬上架錢玩9自己

我自己約睇車通常會同一日上埋架
約出睇基本野，睇完見個車主揸去車房直接上架
啱就落訂，唔啱就下一部

咁就無哂依啲煩惱

再講，好多人只係識揸
個車主自己都唔知有咁多問題

所以咪話上架前俾訂唔安全

調返轉我係買家，如果我睇中架車我就直接約上架，冇問題就扑鎚架啦，唔通我咁得閒架架都約出黎驗咩，約得上架架車冇問題就9成成交架啦，咪先約先驗囉，成交左咪推曬之後d人囉，你賣車要保障唔想次次都要上架，買家何嘗唔係想一鎚定音

除非身有屎架車有問題，你驗完一定過唔到關

咁樣都賣得出架車同你做事手法岩唔岩係2件事，識車既人冇可能會咁做

其實我無煩惱，我2次叫人落訂hold, 人地都即落。
同埋可能我自己心態賣到就賣，賣唔到就車行trade in新車，又唔會急。
唔係所有人都有相熟車房，或者車房有期俾你，車都未睇，都唔知岩唔岩，都唔會話即時約定車房上架啦。

我係支持唔落訂上架喎你get錯我意思？