是咁的，我開賣一架萬幾蚊日本二手車，咁有人pm我話有興，話帶埋條女過來幫手睇車，點知就出哂事。
條女一來就拎住個電筒驗我架車，咁我都冇咩所謂，日本車出名冇嘢壞，你咪驗。佢就係咁彈我架車花，又問我係咪劏車場度買。我同佢講架車我換過啲零件（o2 sensor + 大電一共$5000）。
佢話我比人搵咗笨柒，佢話o2 sensor 係德國賣$200，$5000 可以換埋頭尾bum 把。我真係想知邊間車房做到咁平，同埋未見過人咁冇禮貌，你唔鐘意咪係心入面或者細細聲講囉，唔洗成個長舌婦咁呻啊，我都冇當面話你樣衰啦大姐！
試車個陣就精彩，佢係條街地板油+重break。我當面提佢話唔好，佢就覆我話好熟依頭冇事。大老你咁樣危駕，我比人1823點算，仲要我啲平車，你咁揸有損耗㗎大佬。
我事後fb inbox 話佢，佢竟然話翻我轉頭，我實在太嬲，決定比大家判斷一下。
當然大家可以笑我柒頭，做咩唔當面屌佢之類。沒錯，我認，所以我決定比翻買家部份資訊比大家準備下，因為佢會當你架車係法拉利咁試。
。
