玩左1個鐘頭SMT3，原來係恐怖Game嚟

5代啲怪有專用技 有特殊動畫 幾正

迦具土無邊無盡之光幾勁，Debuff左佢4次都扣成Team 1半血

上下限唔係3?
定意思抵銷1層

達成緣的結局，之後easy mode補埋寂、結、自由同惡魔結局，最後再玩DLC開真惡魔結局爆機。

SMT 3 Buff Debuff 上限係4，隻game最衰係唔會顯示敵我上方的Buff Debuff狀態，要自己記。

打通左舊惡魔結局：人修羅開無雙打走曬所有人，迦具土嬲到走場，東京得返大沙漠，氣氛接到去SMT 5，不過應該兩個作品無咩關係。


星期六日一口氣用easy mode打通埋剩底個4個結局去，雖然有99lv寵幫手，但跑迷宮都需要時間，咁都磨左我80幾個鐘頭，終於可以玩新野開葛葉DLC玩埋真惡魔結局去。個DLC改左好多細節同多左好多勁寵，係威力加強版嚟。

今日開始打真惡魔結局，一開始係醫院得到人修羅力量後搭lift會傳送到神秘空間進行撒旦的考驗，不過連所羅門神將佛鈕司都電死左，區區鬼火、餓鬼、木靈根本唔係對手。


出醫院後葛葉雷道首次出場，不過暫時無互動...

雷道bb
樓主玩得好快，我仲差老師結局未玩

III同V嘅關係。。。

1周目有練寵之後開easy mode速通埋其他4個結局去

出到醫院後來到代代木公園，係我之前頭5次玩我係會野放隻垃圾妖精去，但DLC深界其中一1道門需要佢開門，所以就比佢坐板凳算。



然後就係澀谷遇上千晶，再經阿瑪拉網絡來到銀座，途中誤入深界地區，可惜被黑衣婆串人修羅太廢，被強行送走。


為左證明自己的實力，來到銀座第1件事就係去返DLC練功場刷錢贖返我個10項全能抗性隊返嚟，包括全屬性無效的棺材莫特同大天使米迦勒以及老婆妖精蒂妲妮亞。下次將會挑戰Darksoul難度令人卡關的死亡Boss鬥牛士獸。

冇記錯嘅話隻pixy係可以合嘢,只要隻嘢開門時仲o係度

係可以合野，不過自己養左太多痴線佬，唔洗派吉祥物上戰場。

來到銀座地下通道就可以遇上卡關王鬥牛士獸。


睇來有D低估左佢


根本鬥牛士獸就出場太早，鬥牛士獸係銀座地下通道出現，但要去到池袋先至解鎖惡魔之書，仲要當時低lv連御魂都合唔到，更加唔好提配招整靚寵。結果就得翻班垃圾陪你打飛機，人修羅又要去見天使。佢重要零弱點一開場就升滿曬回避率，連我班99lv牛鬼蛇神都可以打miss。仲要有招全體連擊劍，打到我得翻5滴血極危險，如果再唔好彩中多下帶著班99lv牛鬼蛇神都可以打輸就認真失禮 。當年班玩家係點樣係資源貧乏的情況下1周目打贏鬥牛士獸架？果然老玩家都係怪物嚟！


打贏鬥牛士獸就可以解鎖深界，就可以攞到死兆石去合班卡關魔人啦！

我都係鐘意用但丁多D 雷道就想佢唔好留係咁危險既地方

我記得果陣係帶一隻衝擊吸收既仲魔同全體補血就可以慢慢打死,主角就裝學龍卷既禍魂

但丁要錢，雷道免費，加上但丁唔屬於smt系列，所以唔想揀佢

20lv以下木靈、風精靈、山靈、野槌、貓妖、天命細女同木葉天狗有衝擊抗性。

玩低難度／睇攻略玩梗係簡架

太耐之前玩,我記得好似都係一隻加避/命中,一隻降佢避/命中,一隻奶媽,禍魂唔記得食咩,人修羅隊哂力速之後打咗兩三次就過咗佢

我normal打鬥牛士，只係拉左1 team 99lv出來屌打佢，無諗過佢升爆回避率後都可以堅持到第個回合，仲打到我得翻5滴血

辛苦曬大家，低lv情況下真係buff debuff大戰，正常係去到迦具土塔先至buff debuff攻防

來到銀座通過左審判，再次來到曼陀羅基地時突然有隻惡靈出現(可惜遊戲無得收惡靈，似似地得餓鬼用)，葛葉雷道華麗登場。


同Soul Hackers 2一樣識得用槍械射擊，不過我成team都係物理吸收，輕鬆捉子彈。


再見完牛頭天王之後就可以打大僧正，一出場就來個jump scare，果然係恐怖game嚟。


大僧正冥想專屬技吸血吸魔，因為係萬能屬性所以我Team 10項全能抗性隊都擋唔到。另外佢亦會用即死技，好彩人修羅無中招直接Gameover 。

之後我唔會衝去虛無機構著，我會先解鎖深界第1層，睇下迷宮係咪咁難行先。

當年我玩普通版先，爆左3 次已經知道buff/debuff 同pass turn既重要，所以dante 版冇難度

我去到座迦具土塔就學識buff debuff，因為隻隻大佬都出萬能技，不過打雷道 但丁版要面對鬥牛士就要好早期就學識buff debuff