壓力大嘅人係點拍拖的

冇壓力嗰陣 拍拖就正正常常 有講有笑
一多嘢做/大壓力就好agitated
唔講出嚟又屈住屈住 黑口黑面 佢都唔自在
同佢呻又好似spread緊negativity 搞到佢都有壓力

就算講完 其實除咗安慰我 佢都幫我唔到
所以講又唔係 唔講又唔係
但最後面對件事嘅 都係我自己一個
因為人係孤獨的 冇人可以幫到我


我真係唔識點拍拖呀 或者我唔適合任何關係

另一半正常既話係會幫你減到壓
加壓既就建議分手

係the fact that 我講咗出嚟 佢想幫都幫我唔到 再多嘅「加油」都係徒勞 依家成日好驚佢會覺得我好難頂

壓力大咪扑野

唔係下下都有用 治標唔治本

治本既話要轉工/放長假去旅行

我係壓力大嘅人
ex同我而家老公嘅做法好唔一樣
例子：
通左好幾晚頂做功課
個part time course交份大功課前24小時先發現login唔到system交功課
我原地崩潰，即刻email左faculty同student affairs話login唔到
件事其實已經處理晒
打俾當時係男朋友既ex，佢淨係識怪我點解咁大頭蝦
我話想你安慰下我
佢話安慰你都幫唔到件事
結果我係小巴大聲話其實我已經處理好件事，只係好想你安慰下我，你咁都唔肯做，收線啦你
同埋每次佢有野做得唔好，鬧完交佢會覺得因為我壓力大遷怒於佢


同老公未結婚前，返工好大壓力
日日都喊住問點解俾人針對
一星期至少三晚訓得好差，訓一兩個鐘
晚晚做到8點
我老公聽我呻，約我食飯聽我講
成日勸我轉工，唔好浪費人生係啲唔會欣賞自己既人身上
個陣真係好負，成日都想死咁款
我都同我老公講我係咪好煩日日放負放到內疚
但佢會同我講兩個人係一個unit
啲野可以一齊面對
機緣巧合下搵左第二份工
雖然一個月少5k
但而家做得好開心，又訓到覺
好多謝我老公無係我最低谷個陣放棄我，佢會聽完好理性咁分析
如果我話我唔想聽，淨係想安慰，佢會聽我講
一個好既陪伴者真係可以救返一個人
而家都係好多野做好忙，但做得開心
少左壓力，覺得大家相處都開心多左
我中意睇既歌手既演唱會唔係佢杯茶，但佢見我睇得開心
唔會介意我霸左屋企部電視睇
當時所有野都有來有往
我日日都買好多餸，堅持每日都煮飯
一來平啲二來健康啲
星期六日煮啲複雜啲，例如紅酒燉牛肉個啲、或其煲下湯
只要大家肯對段關係付出，其實無話點樣既人係拍唔到拖
我個人又煩又小氣又計較
都會夾到一個願意接受我，仲覺得我好好既人
佢會睇到我既優點，會欣賞我既付出
自然個人會無咁tense
對佢態度又會好啲，相處又會舒服啲
而家我都有學習下佢既待人處事
祝樓主都搵到同你夾既另一半

溝通技巧要學

另外當你情緒高漲最好都係停一停（唔係要消失/silent treatment），同對方講要少少時間，過一粒鐘搵佢（要有definite timing）

拍拖有壓力一律建議分手

不如你見見心理醫生先

你唔識處理總比得一個人面對 只能自己幫自己打氣好

首先係無心理醫生呢樣野
得臨床心理學家同精神科醫生
其次係我同我老公相處得好好
工作無問題
老爺奶奶好錫我
請問你覺得我邊度有問題？

你點處理

可能佢覺得你抗壓能力低 易喊
但我覺得好正常

調轉性別 效果會好唔同

瘋狂做愛

其實相處既野好講大家磨合
就算係第二pair大壓力女+caring男都可以拍唔成拖分手
唔好被框住男應該點女應該點
我搵55k一個月，我老公當時23k一個月，而家都係一截距離
按連登講法係咪又可以飛甩條仔？
我老公係咪又要覺得自卑分手？
有好多優點缺點同點去接受，只有當事人先可以去做判斷同評論
嘗試多啲接受世界好多可能性
唔好俾兩性既既有概念框死自己
一段關係最緊要睇返雙方點付出點處理

好多時都係聽多
另一半就係會做呢樣嘢
如果你愛佢嘅
無論佢做咩力量一定比其他人大好多
唔係一個普通朋友比得上
你諗清楚你同佢究竟咩關係

我就係人版

你真係情緒有啲問題
遇到另一個稍為硬淨少少嘅都唔得掂
好在你老公接受到

其實真係唔關兩性事
你係真係好難頂嗰type
有事要揾人做洩氣袋 男定女都好難頂
你老公應該無咩壓力先頂得順你

好少男人會諗/講佢同老婆係同一個unit
絲打你真幸福

係所以我都好錫我老公
同埋要從佢身上學習