《過時·過節》電影討論區

就係條數唔合理呀

如果你話中間中左六合彩，就唔會個老母仲去做保母，老豆仲開的士啦。

8年供滿層樓，仲要有80萬儲蓄，仔女冇工作，真係好hong kong family
個個家庭三房私樓冇難度

謝君豪唔出聲都係做緊戲，正到痴線
呢套戲最好睇係演員
連你話唔吸引嘅edan都交到戲

而敘事上面用好多暗示同象徵
面嗰浸暴烈，內裡含蓄
本身係好嘗試
但如果係要改善嘅，我一係會設計一個實嘅event或者events去推個故事
而家係一家四口各自巧合地學到啲野
好少主動做一啲野，多數被動
（當然去到最尾和好嗰啲位係有主動，但前面學習人生課題嗰啲無乜主動嘅成份）

又或者啲象徵揀一至兩樣去強化佢
例如螞蟻，依家螞蟻呢樣野好似間中提一提咁
乒乓波同湯丸都可以拎黎玩
依家好多暗示同象徵，但無一個好強嘅線索串起所有情節
如果仔細拆解螞蟻嘅所有特性再放返落一家四口度，然後將阿陽投射落一開始同舅父玩嗰隻迷途嘅螞蟻
咁就可以喺最尾有螞蟻歸家嘅感動
原來就係家庭係講愛嘅地方、要卸除一切防衛乜乜乜

ok,you win

已經第2套毛舜筠加兩個mirror
下一套又輪到邊兩個mirror?

由何超儀出品，錢小蕙監製，何爵天執導，毛舜筠、鄭中基、呂爵安（Edan）、柳應廷（Jer）、劉江、黃文慧、黃又南、余香凝等主演的新戲《死屍死時四十四》今日（21/5）舉行開鏡儀式。

毛舜筠搵到流量密碼

開頭塑造到毛舜筠咁難頂，迫到老豆發癲，edan竟然因為咁而走左八年，已經搞到成套戲投入唔到落去

聽講係導演自己真人真事 真係走左8年

咁鬧交嗰陣佢未返到去
返到門口剩係見到老豆攞住把刀指罵緊老母

連告急都冇。。。

得罪講句

何導今套先算真考牌

所以好多畫面應該都只係導演嘅真實經歷再加多少少煽情，樓上唔使諗到咁深入，諗到啲畫面隱喻咁多嘢

睇導演專訪係想拋個去留命題俾大家諗，但觀眾討論好似想要多啲愛回家既感動，唔知係咪表達上既誤會

大把人屋企問題嚴重過呢出戲

起碼呢套野入面唔係真正家暴，
個個唔洗做都唔愁食住，
仔又有祖屋住
又唔係真係爭產

最慘其實係個老豆，俾個老婆一路壓迫，冇一個家庭成員幫佢講說話

但賣感人/真實，一路瞳行 好過呢套多多聲。

琴日睇完
可能畀呢套嘅期望較低所以覺得還可以
最開頭一家人喺車嗰場，一場就可以睇晒成家人特質，呢度要讚。
老母嘅野蠻，同埋對好多事情都埋怨其他家庭成員點點點
老豆內裏細心，但係唔識表達感受
所以一見到車後尾廂冇位放湯圓盤菜就已經諗住捧住佢坐成程車，點知佢嘅細心都係唔畀佢老婆理解…..
點
家姐就全程只係聽歌，完全唔想理屋企嘅事
到eden，最初都只係掛住打psp,但係見倒父母之間又關係開始薑起上嚟嗰陣，家姐又唔想理，所以調停呢個角色就由佢嚟。
然後冇諗過處理得最差嗰場戲就係我要離婚
謝君豪攞刀嗰度唔知係咪剪接問題，完全出咗戲
｜
｜
｜
相信呢度好多人應該係對吖陽離家出走8年嘅動機感到好疑惑，自己邊睇邊諗倒一家人喺車廂嗰幕，陽其實對於呢頭家好厭倦，好想逃避，直到見倒老豆揸刀對住老母嗰陣,以佢調停者嘅定係嚟講就緊係即刻衝上去制止個老豆先，呢單嘢之後就離家出走啦。呢個舉動係欠缺合理性，但係有陣時情緒爆起上嚟嗰陣就係咁，衝動起上嚟嘅時候咩都做得出，你問番當時人點解會咁做嘅話，佢都只會講”我都唔知吖”。

同埋呢8年裏面吖陽心目中係咪只有憎恨老豆呢件事而令佢執着到走佬8年？呢樣喺吖陽口中所講嘅係籍口嚟，當自己都做錯咗嘅時候好易會因為自尊心而唔敢去坦誠，呢個係人性
同埋喺佢自己整嘅嗰隻game 入面，睇得出佢真係好想同老豆對話，只不過都係唔敢。唔知番到去屋企人又會點諗自己，會唔會又喺度嘈交？唔知。總之就係驚。

所以呢邊一邊睇吖陽口講點樣記住件事8年，點樣用離家出走去懲罰老豆，呢一切其實都係用嚟逃避家人嘅籍口嚟
吖陽自己與其一直困喺呢個野蠻老母嘅屋企都夠晒攰，仲要個家姐都唔肯幫吓口，唔願理咁樣，人性啲去諗的確係幾攰
可能吖陽即係導演本身，所以喺角色上嘅一啲矛盾爭扎好完滿咁展現出嚟，覺得走佬8年未算係完全唔合理。

我覺得個原意係幾好
特別係結局嘅處理
祖屋嗰邊一班係諗面對自己嘅錯,但係未能及時去補教
當個對象決定要走嘅時候就變成遺憾


而另一邊廂就係打開個心,願意大家願意去坦誠願意去對話,慢慢去重新建立關係

有啲佩服巴打你可以睇得咁深入
最初老豆捧湯圓嗰度,自己都只係睇到面嗰層
即係唔想啲嘢去倒到瀉晒出嚟

你都幾好笑，套野唔好睇就要黑面，條女仲要驚比你鬧，唔想睇咪唔好睇囉，又唔係你條女做導演，黑乜撚野面

可能因為本身都有業餘咁玩下戲劇
做戲劇嘅野好講象徵

樣樣野都可以倒瀉，點解要係湯丸呢？
如果導演其他位無呢啲含蓄野，都仲可以估佢係求其寫
但睇落唔似
例如主題曲講屋企無全對無全錯，馬拉仔norman 都話佢睇到黑白色就會暈