《過時·過節》電影討論區

依套唔會係爛戲，但唔會係佳作咁解

係咪如果有相關經歷去睇嘅話會容易投入嗰類?

呢套迴響好兩極
有相似經歷，或者份人細膩啲，會比較易入局
入到局就會發覺套戲所有細節都係重點，無野係嘥
一開波揸車去祖屋嗰幕已經龐大信息量

入唔到局就會kick 喺一開始鬧交個位
唔知老母、阿仔做乜咁大反應
（雖然都有人唔知老豆點解咁大反應，但相對少）
然後就當然唔會對啲細節有感受

去到最尾甚至連resolution 都似係交俾觀眾揀
edan 嗰邊似係已經覺醒
阿媽嗰邊好似未
等觀眾選擇edan 定毛姐
但當前面已經有班人入唔到局，去到個resolution 咁做，就更加令人唔知想點

所以scmp 條友可以讚到今年one of the best
石琪嗰啲就覺得套野無料到

結論係大家可以入場睇下套戲同自己有無緣分
因為呢套戲真係睇影評都無意思

至於演員方面無乜野可挑剔
係阿撈唔夠放，演得唔夠調皮，有種扮調皮嘅感覺
要再磨練下

介唔介意講吓點樣為之畀觀眾去揀?

其實實會聽過身邊朋友既人有依D發生，連登都大把

《過時·過節》製作特輯．角色篇


https://youtu.be/7flm9Ybs4LI

呈現左兩個選擇咁解

但個moral 都好清晰架喇
導演想講嘅野喺主題曲都講埋
成套戲就係以溝通為主題
謝君豪同阿談嗰邊就要誠實面對自己嘅感受
毛姐同edan 嗰邊要放低對屋企人嘅期待

所以都唔係好算有得揀
揀左畀你架喇我覺得

套戲其實唔係咁差
最難頂係除左袁澧林之外個個角色都唔討好
好難同情d角色 無論呀媽呀爸定呀仔

想嘥吓時間去睇人鬧交不和睇人家嘈屋閉嘅就去睇啦

1）演員都係跟劇本演，劇本麻麻就會令演員幾用力都無補於事，拎刀個場毛舜筠似個癲婆同老公爆晒seed咁可能導演就係想呈現呢種情緒崩潰啦但因為嚟得有啲突然，整場戲真係難以投入～

其實我覺得唔使一定要寫到拎刀又離家出走咁極端，寫吓好似一開場個啲女人同男人節奏唔同而產生嘅矛盾，男女角度唔同又會引致咩衝突？仔女又點睇老豆老母鬧交同點喺家嘈屋閉之中生存？一定更多人有共鳴

2）故事好跳tone，個阿仔唔聲唔聲走咗8年，個老豆唔聲唔聲話（劇透）呢套野啲人一係就唔做，一係就一嚟要離家出走、離婚，剩係諗到4個字：「搵戲嚟做」，為咗營造衝突而整個突破性發展出嚟，但因為之前冇乜build up，觀眾係跟唔上劇本節奏同角色一齊同憂同悲

3）全套戲唯一正常角色係袁澧林飾演嘅表姐，大概係因為佢唔係呢家人嘅核心成員，所以冇被沾染啲古怪溝通模式／反應導演話佢代表咗觀眾問點解阿仔要離家出走8年，不過阿仔個答案係好鬼令人黑人問號：「我唔喺度佢地先可以相安無事」吓？咁有把握？真係要講句哪來的自信？唔俾之後又重演多一次阿爸拎把刀出嚟呢一幕？搵野嚟拗，仲要每次鬧交其實佢老豆係被動果個，反而佢老母先係成日撩交嗌但反而係同老母有偈傾，同老豆就咁決絕

睇返edan個訪問又係話覺得個角色（即係導演原型）離家出走8年咁誇

4）乜屋企人鬧交係香港人獨有架咩？其他國家屋企唔鬧交架？英文片名叫hong kong family真係想問句are you sure?叫miss hong kong就以為真係可以代表到香港？家嘈屋閉人人都經歷過，但離家出走真係唔係人人可以想像到佢個心路歷程，係需要更有說服力嘅原因去合理化呢個全戲嘅其中一個重心劇本掛住自肥講導演經歷，冇諗過點樣令觀眾去投入呢個萬中未必有一嘅決定

你呢段好似周圍都見到咁

我都覺得離家出走呢樣野係唔易理解

衝動嘅野，一下就係
好似黃子華話齋，就算個男人話幾愛條女都好，個男人寧願為條女去死都得，但你唔會見到男人織冷衫

嗰下俾老豆打完，離家出走幾日都好正路
但要用離家出走黎懲罰個老豆，仲要持續8年（現實中係15年），咁個力量要大好多
我都要反覆經歷我老豆啲言語暴力好多年，依家先決定一世唔同佢講野

我會明阿陽嘅做法，因為自己經歷過
但我都覺得手法上，如果呈現埋出黎，或者做一啲象徵、暗示，咁會比較好
因為我明白，係因為經歷過而有得腦補
但對於家庭幸福嘅觀眾黎講就唔知發生咩事

我自己做個估計
可能導演想強調家庭無全對無全錯呢個概念（as per 主題曲歌詞 aka 阿陽家書）
所以堅持做呢個處理，如果唔係就會變左令觀眾judge 謝君豪真係錯左，搞到edan 要走

而呢個選擇就決定左套戲兩極評論
有類似經歷或者家人嘅好中意
無經歷或者家庭和睦嘅就好憎

呢套戲係我第一套戲睇到一半走人

有咁難睇嗎

好平淡，基本上成套戲冇咩起伏
隔離位睇到瞓咗
唔覺有咩感人位

未至於好好睇
但亦唔算差
每個演員演技都唔差
特別係謝君豪
真係冇得輸

垃圾到震
但依然一堆鏡粉係度刷分

有mirror 已經可以唔入場

談同個條友行山玩石仔拖左勁耐

公道自在人心
套戲好唔好有入場親眼睇嘅總會知道
至於嗰啲分就算喇
冇晒公信力㗎喇

好難想像點解而家仲有呢類戲
仲要故事本身贏埋獎
大佬真係聽套戲名都feel到老土
睇埋預告仲扣埋分

阿撈就算啦
佢本身演技真係要磨鍊下
唔係Edan、Lokman同AK嗰種嚟

【演技】
呂爵安 > 楊樂文 > 江燁生

【觀眾緣】
江燁生 > 呂爵安 > 楊樂文

中唔中意套戲好閒
我都講左套戲做左呢種處理必定係兩極lol

但係後面我都係回應你 我認為無道理嗰部分
我以前都有寫下劇本
咁個命題就梗係我定架啦
你做觀眾嘅可以中意我個命題或者唔中意
唔中意嘅就真係自己去講，或者睇第套戲
呢段你唔覺得係無理取鬧就真係無計

好似正義迴廊咁
天導要探討乜野係公義
你走去問張顯宗個原生家庭對佢犯案係咪最大原因
如果你咁做，呢種唔係無理取鬧係乜呢？
人地個命題都唔係講呢樣
電影乃至戲劇，係選材同剪裁嘅藝術，唔會樣樣講家嘛大佬

至於你話人地個核心思想唔清晰
都係嗰句，你可以唔中意，但無理由話唔清晰掛
我寧願你講點樣呈現嘅問題
因為首先，我都無睇導演嘅訪談就入場睇左優先場，結果第一次睇我都莫名其妙「吓完左？」
所以我後面駁你嘅野唔係我一味唱好，亦唔係我了解左個戲先去睇，純粹覺得你講嗰啲野唔係好make sense，唔好成日扣人帽子

至於點解我會直覺覺得係導演選擇
因為我估佢係好固執
佢好想講家庭無全對無全錯呢樣野，寫埋落首歌度
於是就放棄加強角色衝突嘅motive
我估佢係唔想加重個motive，例如係加重謝君豪做嘅野，就會令人覺得佢真係好錯

所以我個描述就係話呢套戲會好兩極
入唔到局嘅人不屑回想細節
入到局就津津有味

呢啲描述就客觀嘅，都講明有人會中意有人唔中意
但你就覺得個世界圍住你轉，人地唔認同你反駁你就叫做一味唱好
咩叫一味唱好，依家登報紙好多嗰啲評論就真係一味唱好喇
唱到都唔知寫嗰個有無睇過套戲