諫山創令到我眼濕濕

進巨作者 諫山創 近日出席咗2022 anime nyc
雖然此前已經曾為fans對結局不滿表示抱歉 活動前亦講過希望大家唔好騷擾佢
但本人現身提及呢件事係首次

https://youtu.be/FtmWmw9WIyM
睇得出佢其實都幾怕醜 道歉個陣都少驚觀眾會噓佢
大家比正面回應時見到佢驚訝 眼濕搞到我都眼濕

其實唔鍾意結局唔緊要 我自己都覺得唔係最好嘅結局 更似係之前劇情太好 對比落嚟結局唔掂咁
但我認為無論如何唔需要鬧埋創哥 又話佢食開屎又狗咁樣
佢twitter 應該日日都睇到有人鬧佢睇咗成年半相信心理壓力好大
同埋老實講應該好少可能嘅結局可以滿足到大部分人

與其因為結局而講成套係糞作 倒不如感謝創哥咁多年嚟帶比我哋嘅回憶同經歷
又或者最少認同結局前嘅劇情係好睇嘅 咁樣唔好咩

Btw 唔洗Po我唔知道個圖 我唔係嚟吵結局好壞

無咁大個頭唔好戴咁大頂帽

結局其實有咩問題

與其鬧作者不如鬧神作黨
有啲野無謂夾硬吹捧
前面好還前面好 (應該話去到動畫現時進度都仲係神)
但結果有爭議係事實

x2

其實個結局幾好

雖然係bad end

我算係神作黨 睇我user name就睇到
但我純粹係覺得即使結局爭議 單係前面嘅劇情同埋佢build up到最後補晒咁多伏筆 已經算神
我覺得個個人有唔同意見 但唔需要咁針對個作者

啲人想一個漫畫家解決到現實世界咁多年以嚟都解決唔到嘅問題

太縱容盞以後更多糞作 輝夜巨人東京復仇者鬼滅夢幻島全部長篇爛尾對死忠讀者係好大精神攻擊

我唔會屌巨人啦 因為前面真係好好睇

佢單行本有機會改劇情㗎喎

到而家我都覺得巨人係神作

單行本最後打仗去返棵樹到覺得得幾好 結局雖然唔係非常好 係差少少時間交代所有野 長篇漫畫黎講算收貨
利申：有買齊

廣東話版：
「艾倫你一直到底為咩而戰？」

「唉唔知，是撚旦啦」

全劇終

我也不知道.jpg

抄 巴哈討論區

屌 咁個漫畫家唔撚好懶醒帶個主題出黎呀嘛 係個漫畫家自己想解決先

冇問題，啲讀者有問題之嘛

這個麻

由其係作者都認結局大爭議就算啦 的確唔洗針對
我尊重佢想整個自己想整嘅結局
咁佢依加都尊重番我呢啲睇咗前面12x話神作level嘅讀者對個唔夠神嘅結局有不滿

艾倫最後變番艾撚 可能一個19歲青年睇咗2000年歷史都依舊係一個19歲屁孩
但始祖嗰段真係零伏筆 愛情無啦啦變咗主線