屈我啦屈我啦我OK㗎(36) [新片：正義迴廊/過時‧過節/窄路微塵]

覺得件事大部分係真，仲好有共鳴
係佢表達爭啲嘢

晞哥大讚過時．過節
Interesting
又開始想入場睇下發生緊乜事

我屋企又係試過咁嘈法

（以下過時過節微劇透慎入）
其實edan把口唔講到明佢因為乜野原因而因為個件事離家出走，仲有得幫佢兜，例如係佢自己唔想成日睇見家嘈屋閉之類

但edan講到明唔返去嘅原因係「佢地依家之所以相安無事係因為我唔喺度」（呢句預告有，唔算劇透）
我聽到個時真係黑人問號，吓？佢地嘈交完全唔關edan事架wor，佢咁肯定佢唔喺度就相安無事？佢唔畀佢老豆又再（劇透慎入）

同埋之前真係鋪得唔夠，edan因為呢件事離家出走，呢件事應該要係導火線，而非最大原因，而個最大原因係鋪得唔夠

而成個故事後續走向係因為edan離家出走而起，咁連佢離家出走都唔合理的話，根本叫唔到（會認真諗邏輯）嘅觀眾投入落去之後嘅故事

同埋阿談條線係好q多餘又冇內容，佢同個男仔條線又悶又唔合理

劇本邏輯薄弱係最難頂，搞到就算演員演到七情上面，都唔會令我投入到個故事

唔關幸唔幸福家庭事
的確現實中聽過有人屋企出現戲中個件事
屋企父母鬧嚟鬧去亦係平常事
但會唔會over到剩係呢件單一事件就離家出走8年？呢件事出現之前佢同老豆／家庭個關係鋪墊得唔夠，所以出事後佢有呢個反應係突兀
仲要edan其實係好清楚老豆性格，個件事前面個場戲，仲幫老豆講野
但發生事之後就經常強調老豆做錯事（講嚟講去其實都係個一件事），咁大仇口咁不可原諒，但之後個結局係（劇透慎入）

本身期望放到好低
但謝君豪做得好好睇

篇幅表達唔到呢樣野，反而成日強調佢好介意當年件事，走8年都係因為咁

但佢身體最誠實，佢走8年呢樣野真係同佢呢個感受係互相矛盾

佢個角色其實都有唔合理嘅地方，所以佢做到咁都算係咁
要用眼神多過對白做戲，唔易

呢個反而唔覺好矛盾，唔知你有冇經歷過
內心好想「認錯」，但就係好多原因令你講唔出口，甚至有人問起都會否認

根據𝟮𝟬/𝟭𝟭戲院場次數目及預售情況 (包括夜場) 推算，
截至下午𝟯時，
🔸《黑豹𝟮：瓦干達萬歲》單日票房推算超過$𝟭,𝟳𝟬𝟬,𝟬𝟬𝟬｜電影上映𝟭𝟮天暫推算累計票房超過$𝟯𝟱,𝟵𝟬𝟬,𝟬𝟬𝟬
🔹《正義迴廊》單日票房推算超過$𝟭,𝟬𝟬𝟬,𝟬𝟬𝟬｜電影上映𝟮𝟱天暫推算累計票房超過$𝟮𝟯,𝟵𝟬𝟬,𝟬𝟬𝟬
🔸《忽然心動》單日票房推算超過$𝟭𝟬𝟬,𝟬𝟬𝟬｜電影上映𝟰天暫推算累計票房超過$𝟭,𝟭𝟬𝟬,𝟬𝟬𝟬
🔹《明日戰記》單日票房推算超過$𝟭𝟬𝟬,𝟬𝟬𝟬｜電影上映𝟴𝟴天暫推算累計票房超過$𝟴𝟭,𝟬𝟬𝟬,𝟬𝟬𝟬


正義今個星期都差唔多有900萬票房

睇佢講嘅野feel到佢都幾幸福
阿琪條線個課題係要對自己誠實
而呢樣唔係人人做到

口不對心或者做嘅野同想嘅野唔同係好多人嘅問題
你問一個人點解唔可以對自己誠實，點解唔可以做自己想做嘅野，點解唔可以講自己真正諗緊乜
好多人都唔知點解

所以陽同玲都係，一味期待人自動波
但係「還是期待卻使它加速破毀」
一味期待只係會奶野，家庭關係要共同經營而唔係中彩票咁期待、等運到，抽中好sweet 嘅jayden 仔
所以陽嘅vr老豆唔會俾到個真老豆阿陽，jayden 亦唔係阿玲嘅屋企人

利申：已經無同老豆講野成年幾
同阿陽諗法一樣，好想令老豆知道自己錯，知道自己講錯說話會一世無左個仔，佢用自己唔返屋企黎懲罰個老豆，我用唔同佢講野黎懲罰佢
但我已經中左阿陽個陷阱，好難開返口同老豆講野
就算我睇完套戲知道個戲嘅moral 係講溝通，我都唔覺得我可以開返口同老豆講野
可能又要等8年啦，哈哈

而我個起因比起阿陽更弱
外人睇一定覺得好無聊
純粹係我想做某啲事業，我老豆又踩我又盛，完全無鼓勵
跟住就escalate到鬧交同打交

但同陽一樣，佢話阿真無做到老豆嘅責任
爭拗嘅野係累積嘅感覺黎
唔係眼望到嘅一個半個event
正如正義迴廊入面
張顯宗殺老豆老母都唔係一個半個原因
不過套戲唔係主力講親子關係或者講溝通，先無人質疑佢殺父母有無力
同埋有晒報道，大家知道就算佢殺父母嘅理由幾薄都好，都係殺左

不過又咁講
過時過節個故事就係導演自己故事
所以個爆發點就係咁

“開不了口”既感覺其實好個人，

呢套戲其實值得介紹大家用“試睇”既方法入場，睇完中唔中真係得自己先知

所以話

其實就真係咁撚樣

我個諗法其實係
「明明唔止我一個錯，點解又係我開口先」
我由細到大，個老豆都係唔講道理非常狼戾超級口賤
但細個嘈完大鑊，次次都係唔知點解係我道歉，有好多次甚至道理上我一啲錯都無都係我道歉先
呢啲感受都係累積，所以點解我話睇完套戲知係要溝通，但係我都未必開到口
因為我覺得太唔公平

可能自己原生家庭就係咁撚垃圾
我一睇就投入到阿陽個諗法
直頭依家就係咁樣做

講不出口我明，但佢唔係講不出口咁簡單，係身體力行去走8年，亦只係因為呢一件事，係太over
同埋我之前都講，老豆除咗個件事之外都冇講佢有幾衰
咁嬲老豆係講唔通，所以我話再多d鋪墊先會令成件事變得合理
再講佢自己都話，出走個原因係想老豆
咁既然佢都知老豆係會咁即係佢心目中老豆都係會反省嘅人，咁又嬲咁耐做乜

著重邏輯同幸唔幸福家庭冇關，多謝你分享你嘅經歷，我完全理解你反應，唔因為我幸唔幸福家庭，只因我覺得邏輯合理

抽走阿琪條線係唔影響故事完整性，仲有佢無啦啦所以我先話佢條線多餘
當然未必所有觀眾著重故事緊湊性

其實我覺得你真係說出個重點來
你個經歷起因係真係同你爸有關係
而陽個件事嘅爭執起因係同陽自身冇關，此為我理解到你對你爸態度而唔理解陽嘅原因一

我一啲都唔覺得你有咁嘅反應係無聊，非常合理
同埋你反應亦冇陽咁over，所以我完全理解
你爸係踩中你地雷，就咁睇亦非一日之寒
但陽對爸嘅憎恨埋怨係除咗個件事就冇再mention佢老豆點衰
如果話係單純唔鍾意屋企，咁應該嬲埋佢媽，但陽冇，此為原因二

你話「爭拗嘅野係累積嘅感覺黎
唔係眼望到嘅一個半個event」
完全同意呀，我就想套戲講深入啲陽對爸嘅怨恨點累積返嚟，先會合理化佢呢個出走咁大嘅舉動

同意你，個件事係爆發點，但陽口中就係不停只個調個件事，並冇講之前發生過咩事，令人覺得呢件事唔係爆發點，而係主因

我覺得個故仔說唔說服到人，同自身經歷係冇關係
正如我睇正義迴廊好投入到，唔通我又做過咁變態嘅事？
我睇媽媽的神奇小子好感動，唔通我又有個蘇樺偉咁嘅仔？
過時過節導演說故事嘅功力係有待改進，如果佢唔係剩係諗住令同溫層有共鳴嘅話

要講晒成家人轉變，導演未係好駕馭到

第一套戲，明嘅
希望佢除咗吸收好多人話有共鳴嘅鼓勵性說話之外，亦下次可以更著重故事嘅完整性同邏輯性

周冠威書都冇得教