去美容院整到皮膚差左

我係食10mg 份量a酸加抗生素，鼻頭會變到好滑好滑啲黑頭會自己洗面嗰陣消失唔洗特登唧。

黑頭呢啲我以前見到會夾出嚟，但夾完會有個窿，其實都係積返啲垃圾入去。

斷唔斷尾好似都係五五波，a酸都唔一定係一定暗瘡斷尾，黑頭易啲出嚟係順手嘅效果姐。但點都可靠過同有效過美容院，一嚟唔知佢比咩你用，二嚟太多不確定因素（啲精華保存狀況、有冇過期，用具乾唔乾淨）太易出事。

所以我都係建議直接睇醫生算，睇一次皮膚科千零蚊，好過做十幾次機。

咁都屌，有啲人1日用1個，我叫佢1日起碼用2個

樓主要盡快睇皮膚科醫生
之前我都係咁 facial愈做愈差
食半年A酸就好返晒 到而家暫時無再爆到咁勁
唯一後悔係自己無早啲食
樓主唔想食藥 可以問醫生可唔可以開外用A酸
再之前試過食四環素+外用A酸 都係work的
當然食就緊係最好啦
多啲資料可以睇返暗瘡post 慢慢追

我都係，所以戒下先
1。唔好信針清，要真係清都去有污糟水果種
2。佢地用嘅面霜油到PK

吓 嬰兒針for修復喎
濕疹嘅人都做

做完會爛面

我自己keep住食 20mg都超過一年了，除咗嘴唇乾就唔覺其他副作用
問過我個醫生話無問題

好心啲人唔好亂咁推介a酸啦 藥物嘅嘢你食咗好人哋食咗未必好重可能有副作用 而且A酸越食越乾 樓主消左炎先 嗱嗱聲買過支新嘅卸妝產品 同埋洗面產品清潔皮膚啦

我都有做開facial（一人小店）
但係就越做越滑
頭先順便俾你張相個老闆娘睇
佢話你似係用錯護膚品搞到好多暗粒
我諗你首先去咗睇專科搞返好你呢個情況
再換過晒你啲護膚品
了解自己係咩膚質先

醫生話爆瘡係因為毛囊有菌同啲油脂搞埋一齊就發炎，點樣太乾而爆瘡呀

樓豬其實你塊面完全唔到要食a酸個程度
你睇醫生佢最多咪開下抗生素同外用a酸
你食藥好得快好多無咁易留疤呀

乾都會㗎，塊面唔夠水份就會谷啲油出嚟，油脂又塞住毛孔就出暗粒
當然你保濕前題係做好清潔，同埋一定要用低刺激對皮膚冇負擔嘅護膚品，爽膚水唔可以懶，分幾次輕拍畀皮膚吸收
千祈唔好以為爆瘡就淨係清潔去油令塊面乾爽，因為去完油唔保濕毛孔就會維持粗大，只有肌膚吸收水份先可以飽滿令毛孔收細，污垢就冇咁易再塞住毛囊

間鋪開咗名未

加油呀
畀多啲時間同心機，身體正常新陳代謝始終會幫你清走啲瘡，真係情況冇好轉先再睇醫生啦
我都明唔係個個都鍾意依靠藥物，首先從改變自己護膚習慣同飲食去調節，慢係慢但始終靠自身修復係好啲

Peel 要做果酸，暗瘡要做CO2

同埋你咁樣，應該先食抗生素，必要時食A酸，先斷咗個爆發力先，然後再做機慢慢救返塊面

同埋揀d含酸嘅護膚品，例如水楊酸、A醇

認真咩，乾就會岀油咁點解仲會有乾肌

不是

最好睇皮膚科醫生直接搞番好佢

似係你皮膚底真係污糟 比佢搞左出黎
所以依家爆哂出黎
我之前都好似你咁 同樣美容院針清同做好似叫peer 既野
過番個零兩個月就靚仔番
而我都知自己底層係真污糟所以先去做

淨係見面頰就知我全個樣都衰
你都幾勁

乾肌嘅毛孔細 所以唔會有爆瘡問題 同埋乾肌真係好少出油
而家係講緊啲一般中性或混合性皮膚嘅爆乾情況
本身呢種膚型唔係話特別乾 因為清潔得唔好或護膚做唔好而變乾 咪會出油囉

太乾真係會爆瘡
保濕真係要做足
保濕足 面部會出少d油
咁你醫生講既野 發生既機率都會低d
利申：以前睇過皮膚科+以前去過美容院+依家只會自己日常護理