未做之前係咁
今次係第一次做facial，所以都搵左一段時間，見佢標榜唔sell、價錢算公道（$699有兩樣嘢做)，又離屋企唔遠所以就去左。嗰兩樣嘢揀左aqua peel 同暗瘡護理，佢個set就包埋針清同修眉。
個過程平心而論就ok嘅，係針清比較痛，同埋feel都佢好用力，亦都真係無sell。做完之後佢話係因為我皮膚乾同埋爆緊暗瘡，所以要用力啲，同埋都清唔晒。亦都有叫我敷多啲保濕mask，同埋最好隔兩星期至一個月就去做多次。佢又有叫我買支mario badescu嘅drying lotion ($100)，叫我夜晚查。佢仲話第二日可能會爆多幾粒，咁我諗而家都有，點都唔會差左嘅，所以就ok俾錢走左。
點知我真係太年輕，做完第二日即刻爆多左唔係幾粒，係好多粒
於是我即刻同佢講，好似嚴重左喎。佢話係正常現象，話要做多幾次先會改善到，畢竟之前皮膚太污糟。咁好啦，我冇做過真係唔知，又信左佢。如是者過左差唔多一個月，係好過第二日嘅，不過都仲係差過未做
之前第二日爆瘡嗰啲位不斷重複爆瘡。近睇仲有好多細粒，點睇都差過之前。真心想知點解會咁（有人知請話我知
）我都有問番佢，點知佢賴我暗瘡底加轉天氣加保養有問題，暗瘡底轉天氣同保養之前都係咁，點解做完上次facial 之後會特別差？呢樣佢似乎暫時未解答到，淨係叫我上多去一次，同埋會幫我跟進好老實，我唔係想r著數，我而家都唔放心交塊面俾佢，我係想知點解會差過之前
