［冇圖］睇左好多年聖經 你問我答（2）

#964 只露脾

唔好係到同我講經啦 你唔好撚話改完變佛經啦

聖經入面講耶穌係神，係受膏者/彌賽亞，係先知祭司君王，係神既羔羊。
可蘭經果個「耶穌」比人名都改埋，變成一個細個Mohamed既先知，救唔到人脫離罪。
佛經係冇耶穌，所以都救唔到人脫離罪。

#974 口罩妹

善良有犧牲有良知，又幫到D咩？
定係你當埋佢係完全人？
按照羅馬書，冇人係完全人！
//就如經上所記：沒有義人，連一個也沒有//

人有神嘅樣式，雖話人一出世有原罪，我亦信人有着嘅善良，同良知都係一出世就有，係神嘅樣式本身賜俾人
而有啲會德行比較好嘅人 ，好過基督徒一百倍都仲有。

我冇講過呢啲人可以直接上天堂，都要靠耶穌，我只係覺得呢一種人上帝會有可能喺門口問多次！我幾時有講過佢哋係完全人？

咁一定係信咗就可以肯定機會大啲（但你同我都唔夠膽話自己一定100%係會喺天堂 ，even 訣過志定同受過浸）

同意架！唔係完全人只係費事將條問題複雜化。
我以前有聽過人講天堂門口問，不過我自己會想像神用佢既全知去知果個人會唔會信耶穌，黎決定佢入唔入天國。
咁問題又黎喇，如果天國門口會再問，果D肯信既人係地上面揀唔信住又有冇所謂？好似傳福音冇咁迫切咁？

#921 我要拉筋筋

魂個part做咩唔quote埋經文？
無錯 “靈魂”會受審 因為靈魂係一樣野黎 但無support過你所講獨立分出黎既“魂” 所以你所引證既野係自打嘴巴緊

咁姐係咩 分別在於咩 你都唔解釋下我唔明

一個唔係耶l用自己所認為係既諗法去解釋聖經時 好易比人challenge的 btw靈同魂分開真係第一次聽 唔知咩concept黎

靈同魂係聖經不嬲都係分開唔同字，唔同地方出現，中文「靈魂」係一個詞語唔代表聖經當佢地係同一樣野。

靈：希伯來文ruach，呢個字又可以解做「風」、「氣息」。係D睇唔到但存在、感受到既野黎。希臘文係pneuma，個肺呼吸果D。英文spirit。

約翰福音3：8
//風隨著意思吹，你聽見風的響聲，卻不曉得從哪裡來，往哪裡去；凡從聖靈生的，也是如此。」//
約翰福音20：22
//說了這話，他向他們吹一口氣，說：「領受聖靈吧！//

魂：希伯來文nefesh，意思係心思、生命（有思想既）、仲會替代落個人度（我的魂=我）。希臘文係psyche，心理學果隻字。英文soul。

詩篇107：18
//他們心裏厭惡各樣的食物，
就臨近死亡之門。//
詩篇69：1
//上帝啊，求你救我！
因為眾水就要淹沒我。//

#998 大肥貓

六環彩大師
邊個角色最咸濕
有冇扑野情節

雅歌
內容係幾露骨

雅歌係一首好pure 好true 既歌黎，係歌中之歌，最正既情歌，描述男女互相傾慕，愛情既堅定，性既歡愉，呢D都係神創造既一部分。

除左露骨野，仲有講個女仔曬黑左，男女互相讚對方身體，女仔發夢都掛住男仔，國王溝個女仔都唔受，結婚之前既準備，愛情既頌歌。

講下入面既露骨野先
1：1 一開波就講個女仔想比個男仔嘴
//願他用口與我親吻。
你的愛情比酒更美，//
2：6 抱抱
//他的左手在我頭下，
他的右手將我環抱。//
4：5 男仔讚女仔個胸。
//你的兩乳好像百合花中吃草的一對小鹿，
是母鹿雙生的。//
4：11 男仔讚女仔個口
//我的新娘，你的唇滴下蜂蜜，
你的舌下有蜜，有奶。
你衣服的香氣宛如黎巴嫩的芬芳。//
4：12 男仔讚女仔貞潔
//我的妹子，我的新娘
是上鎖的園子，
是禁閉的園子，
是封閉的泉源。//
4：16 女仔好有詩意咁要
//北風啊，興起！
南風啊，吹來！
吹在我的園內，
使其中的香氣散發出來。
願我的良人進入自己園裏，
吃他佳美的果子。//
5：1 男仔好有詩意咁做
//我的妹子，我的新娘，
我進入我的園中，
採了我的沒藥和香料，
吃了我的蜂房和蜂蜜，
喝了我的酒和奶。//

全歌金句，講左3次：
// 耶路撒冷的女子啊，
我囑咐你們，
不要喚醒、不要挑動愛情，等它自發。 //
可以解做「愛情係冇得逼」或者「叫自己唔好趕住扑野」



回應返post 1個問題

科學普遍相信係宇宙大爆炸
當爆炸個一下，粒子向某一個特定方向 方式去飛散 演變
然後粒子形成呢個世界個一切
即係話當爆炸嗰一下，呢個世界所有嘅命運已經被決定咗
你認為你係用自由意識去連登開呢一個post？定係呢個行為已經一早寫落咗呢個宇宙劇本入邊？

科學家仲搵到一樣嘢宇宙大爆炸嘅光譜 同人腦神經系統係一樣。 咁有冇可能我哋只係某一個「人」入邊嘅 一場夢？
同樣地我哋每個人嘅人入邊都存在着一個宇宙，宇宙入面都存在所謂嘅世界 （所以點解啲人成日話爆發你嘅小宇宙？ 就係咁解？）

而呢一樣嘢咁啱同印度神話入邊嘅嘢係不謀而合
佢哋認為呢個世界嘅一切只係「梵天」入邊嘅一場夢
當梵天醒咗所有嘢就會消失世界會毁滅
當梵天再瞓覺所有嘢又會再重新開始。
（有個學說認為訓教個陣 夢入面個劇本係已經一早寫好）

即係話我哋所有人只係某一個傢伙夢入邊嘅npc
咁即係話我哋係受同一個「系統」所操控
如果係咁榮格入邊「潛意識海」 即係每個人嘅潛意識都係連結埋一齊 會唔會就係講緊呢樣野？

耶蘇 穆罕默德 亞伯拉罕 釋迦牟尼 等等..佢地本身就係想教人一個「真相」
但慢慢比人發展成宗教 再用黎賺錢 控制 掌政
根本而家嘅宗教同最初嗰條友講嘅嘢完全唔同

我幫下你答。
係神個角度 係冇善惡存在
例如當人類觀察某個動物嘅生態見到隻老虎殺咗隻鹿
你唔會話嗰個老虎係「惡」
神觀察人 就好似人類養螞蟻咁。

神只係從「全」之中分離出「對立」
因為有對立 先會有選擇

我地靈魂從千萬個選擇中 體驗 感受 升華靈魂
最後返回「神界」，讓神體驗一切

呢個亦係神最大願望- 「我地用自由意志體驗一切」
係呢個過程入面我地會慢慢記起 「我是誰」

（唔知你有冇試過呢一個體驗多你哋做緊自己好鍾意做嘅嘢或者好擅長嘅嘢嘅時候 你哋會有種時間停止/呢個世界就係屬於我嘅感覺）
呢種感覺就係你嘅靈魂對你作出嘅一種回應

希伯來書4：12
神的道是活潑的，是有功效的，比一切兩刃的劍更快，“甚至”魂與靈，骨節與骨髓，都能“刺入剖開”，連心中的思念和主意，都能辨明。
今日呢到有舊擦膠 我將佢切開 佢變成左擦 同 膠？變成兩樣唔同既野？
靈魂本身係我地理解分唔開既野 上帝表示佢連呢樣野都有能力分得開 想證明上帝佢有料 而唔係本身兩樣野黎 因為分開後變兩樣野既前提係佢本身係一樣野 如果靈魂本身唔係一樣野黎 咁將靈與魂剖開變咩？靈靈+魂魂？

神學觀同傳福音要迫切2件事
「肯信既人係地上面揀唔信住又有冇所謂」
有所謂，被得救嘅靈魂係神眼中係寶貴嘅。
我先假設你係話一個人佢慕道嘅，佢有potential 信主
咁身邊總有啲耶L 會有為福音火熱嘅都會嗱嗱臨帶埋佢決志
相對天主教，基督教係廣傳福音嘅宗教
使徒行傳嗰度講
你們要去使萬民作我的門徒，福音要傳到地極
係吩咐，係大使命
有呢個諗法嘅人 ≠ 唔遵從大使命

門口再問只係種比喻
同意你嘅講法 ，佢會用佢全知比多一個「相對上較貼近義人嘅人」多一次機會
好似舊約咁，耶和華神好多次要擊殺一啲人
最後都動了慈心收回，唔好忘記上帝其中一個屬性係有憐憫有恩慈

係基督徒嘅世界，所有為主做緊嘢嘅人，都叫事奉，任何形式，只要對方係被信仰真理造就建立，而做緊嘢嘅人就係叫事奉。

事奉有帶職，同全職事奉

全職要喺神學院到畢業先可以做全職，神學院係人嘅制度，聖經冇講嘅，但係今時今日，已經完成咗神學係等同到一般同出面大學，學士或者博士嘅同等學歷

由於有返工嘅人帶住職去事奉，相對唔係個個咁易完成到神學，而且一日24小時返工用咗你10個鐘，瞓覺用咗你八個鐘，仲點傳道？而且唔係淨係傳道嘅問題，好多牧者上去關懷死人冧樓，關顧，牧養，紅白事乜嘢都要做，arrange 派飯等等 ，佢地有需要，全天候唔返工咁做，亦都係可以理解，時間運用會好好多。

所以喺管理教會方面，就劃分咗有人有心志想讀神學嘅完成到畢業到，就全職事奉，咁全職事奉，啲人都要食同開飯架，就會用教會嘅錢去出糧比佢哋，教會嘅錢係邊度嚟，係弟兄姊妹嘅1/10奉獻、1/10奉獻正常都係會用係一啲外展事工或者教會嘅支出，1/10 從來都冇人迫而比嘅，都係信徒自發。

所以香港有啲教會仍然都用帶職事奉講道（唔止神的教會）而大部分就係全職事奉嘅人講道，信徒想返邊d就屬於喜好嘅問題，而教會點解用帶職定全職就係因為管理嘅問題。

不過，我全部都唔會返

可唔可以講下 啟示錄果堆預言會幾時應驗？

最初嗰條友 咁即係邊個？咁你又點證明而家已經「完全」唔同？

同意你話有啲好事，落喺人有罪性而唔處理罪嘅人手中會變成，賺錢 ，控制，掌政 等等

呢啲唔使只套用喺宗教領袖，政治領袖，國家領袖都係一樣

就係呢個世界有好多罪+人嘅墮落，所以需要盼望唔係今生，係未來，而未來可以脫離痛苦，係透過相信耶穌而得著永恆。永恆中再冇罪，冇傷心，冇眼淚，冇痛苦。

我冇返咁多年，仲識答架哈哈

冇人知，如果有人答你知嗰個係神棍 咪信

同你問耶L 本聖經一樣，你睇個科學係咪人寫？確認你所相信嘅嘢係人寫嘅一定準確？同埋嗰條友出自咩目的？

你認為你係用自由意識去連登開呢一個post？定係呢個行為已經一早寫落咗呢個宇宙劇本入邊？ ——根據聖經有自由意志去連登寫呢個po，上帝一早都知道！

如果一個爆炸就話有山有水有，有動物，
仲要每隻動物啲毛色顏色都唔一樣，然後爆人出嚟有第一個男同女 （又會有分性別嘅）咁有系統嘅嘢，然後就話一個爆炸就咁去解釋，會唔會有啲⋯⋯ 牽強？
就當你宇宙係爆炸，最初個宇宙係點黎？

純交流吓，冇對錯、我唔係啲戇鳩仔咁一定要拗贏你嘅
可能你啱呢

咁所謂嘅全職事奉有冇違聖經
個人應為讀完神學就可以搵到一個工作機會就已經有問題

最初個個i mean 耶蘇 個一班人
「唔同」係指 本身佢地想教識人類某一種「真相」
但而家的人純粹只係敬拜佢地

咁所謂嘅全職事奉（即神學）有冇違聖經
答：聖經冇講 ，呢啲係後來管理教會嘅制度～

當納1/10 奉獻俾神 ，其實我哋唔係舊約時代，真係可以獻牛羊，奉獻透過教會去使用呢啲錢去幫助一啲貧窮人或者福音事工。帶職事奉冇全職咁多時間，由佢哋去管理啲錢都係合理嘅（當然透明度好高、啦你都見到啲情序表寫得好清楚啲錢嘅）佢哋full time 花咁多時間冇時間搵食.. 出糧俾佢我覺得都係合理嘅


神學可以俾你畢業 通常都話自己有感召去讀神學嘅
也完成一系列嘅聖經訓練，咁個人經驗我哋就批判唔到 得佢同上帝先知佢係咪真係有召命
（都有人神學畢唔到業我都識）

我明你嘅意思 排除唔到啲呃飯食嘅
例子；
如果召命係一生委身事奉神
點解可以咁容易移民嘅
因為香港笠笠亂喎，所以d撚樣傳道人就移民啦～
掉低 香港牧養嗰啲羊
到世界另一方 ，美麗嘅天空吸住新鮮嘅空氣重新揀過你想做嘅事奉同羊

屌撚晒你呢啲仆街傳道人 ，正垃圾
快啲入嚟睇啦 傳道人！

所以都係果句，神學/管理教會
係出自喺人有罪性就可以產生好多問題了
唔係全職唔全職嘅問題

本身宇宙爆炸只係現今科學普遍相信ge野
當然有好多學說去反駁呢一點。

但我係想帶出好多哲學 宗教 科學 入面有的野其實都係不謀而合。
例如我話由爆炸一刻開始 所有野都已經注定
呢點係黎自物理學一個叫「拉普拉斯妖怪」假說
同你話聖經記載上帝一早知道 都係一樣。

最初宇宙點黎 無人知 我修行都未去到咁高級
就好似問你 你最初係點發夢一樣
（印度認為 呢個宇宙係梵天ge夢）
會唔會 你一合埋眼發夢個一刻 就=宇宙爆炸個一刻呢？
所有學說都形容緊同一件事 只係唔同角度咁去講

信耶蘇上天堂
信佛去極樂世界
個到冇傷心痛苦
我認為都係指緊同「一樣野」

冇傷心同樣地快樂都不存在 （或者傷心同快樂已經變成一體）
姐係個個「世界」 不存在「對比」
人類稱佢為「神」
當然 你可以叫佢做
「上帝 宇宙 真理 命運 全 一 點 混沌 無限」

所以「天堂」 =乜都冇 或者=乜都有
但其實當你個靈魂「圓滿」個陣 你亦唔需要擁有任何野

咁基督徒所信嘅係以聖經依歸為真理
敬拜佢地個神～又有咩問題？

因為佢哋相信，有個人經歴神經驗
有睇完聖經之後紓解到佢地一啲問題
有從聖經學習之後領受到嘅智慧
咁佢哋咪就繼續信咋嘛

而你唔相信，因為你冇以上種種嘅嘢信仰參與過
可能未必明白佢哋
所以，其實真係各有各睇法

問題係你點樣可以將你嘅靈魂圓滿？
基督徒嘅靈裡圓滿係透過信主， 有聖靈內住而圓滿。

只要唔解釋到世界同宇宙點樣嚟，我都係會比較偏向相信聖經創造論嘅講法 ，因為呢個道理唔係話高唔高級人士都可以get 到，一打開聖經第一頁已經可以睇到

又點解一個咁簡單嘅道理，宇宙點樣嚟都要高級嘅人先可以知道？咁所以你嘅求知欲只係停低咗呢一度就冇再去問落去了 ，而世界同宇宙點樣嚟，其實真係好需要知道。
到你知道啦，一句就話爆炸 ，咁你又知唔接受、咁爆炸個物件又由邊度嚟先？

魂與靈- 剖開
下一句重點
骨節與骨髓 - 又係剖開
好明顯骨節同骨髓 係唔同一樣嘢
剖開左 佢都係分別係骨折同埋骨髓
一個豬骨切咗10段佢都係豬骨
一個豬潤佢切開10段都係豬潤
魂與靈都係一樣

切咗之後豬骨同豬潤點會黐埋一齊？
不過算啦 你係咪都唔接受我個答案㗎喇 唉 ～

各人都有各人嘅睇法啦 唯有咁講

神比唔比同性戀？

唔接受
但唔接受呢樣野 唔等如唔愛呢個人

你有個仔 好中意飲可樂
你阻止唔到 但你就覺得糖分太高
你都唔會唔愛佢 ，佢始終都係你個仔

想知基督教會點解決Mind-Body problem