當屋企人問你唔返工唔悶咩

冇野既，食得咸魚抵得渴，唔好幾年出個post 扮聖人教連登仔細個唔好浪費光陰就得

行得呢條路預左周圍目光、冇女吼、申請連登三寶、同父母嘈交，頂得順的又覺得條路自己揀，冇所謂啦

拿700萬種生活冇話對錯
係選擇
你話第時佢見到自己想追求嘅嘢先後悔冇能力冇資源會後悔
咁呢啲係每個選擇都有pros and cons㗎啦
要嗌交咁講有大把人搵左好多錢之後又後悔淨係追求錢冇做自己想做嘅野，窮得只有錢啦
點解成日要覺得係冇選擇嘅人先低物慾
其實好多有賺錢能力嘅人，都過得好平淡

反而重點係如何sustianable地低收入低消費，所以先
問，除咗醫療，養小朋友，會foresee到有咩好大支出

直情懷疑係打手洗太平地怕keep唔住d勞動力幫有錢人搵錢製造demand再用返佢哋搵嘅錢fulfil demand然後再努力返工搵錢，好似好怕呢個經濟體系會崩潰
年輕人越黎越有個人自由意識，就label佢哋廢青，躺平

利申唔鼓勵問老母攞錢，要自給自足，搵緊標準連登仔人工但諗緊係咪之後嗰30年都要做滾輪入面隻倉鼠

呢句係極端啲嘅

但其實full time都可以開心做自己嘢
仲要儲多啲錢 等到40-50歲可以洗多啲
Part time應該去旅行都要就住就住

有女就日日屌

無錯啊 每個選擇都有好同唔好 所以我咪講d唔好既後果作為理據 比大家思考
你話大把人搵左好多錢之後後悔淨係賺錢冇追求其他野 你覺得咁既人佔幾多？老左窮冇能力 後悔以前唔努力既人又有幾多？
每個人實有後悔冇做既事 而一個有能力有魄力 想令自己第日生活無憂既人 佢地後悔既野 乜你認為只要佢地以前做一個躺平既人 反而就可以做到？真係ff少d..
另外, 你話好多賺錢既人低物慾, 到底呢個多係幾多？對比窮撚又係幾多？根本就大部分賺錢既人既生活質素同享受係遠超窮撚, 大部分窮撚都係冇選擇下低物慾, 事實黎…
唔好用exceptional case去支持其他人唔努力, 反而係要用大數法則講番比樓主聽 而家躺平 第日係好大機會會後悔

我又唔覺努力返工就有好嘅生活
日日ot挨夜 第二日早起身
心理生理唔健康 最後又攞啲錢黎做運動 消費去放鬆自己 但係一至五啲時間就比哂個社會

以上係講緊有運氣有能力行到一條順啲嘅路嘅人 有份收入唔錯嘅工 但係都未計日日擔心比人炒

有大部分打工仔都係平平無奇 高不成低不就

你要講政府工朝9晚5無壓力 多假期 就另計

但始終一至五大部分日照時間都唔屬於自己嘅生命

唔係你講到咁好

咁大家對努力兩個字理解好唔同 你就係講只識努力ot販賣時間 我既努力係講緊要努力踏出自己既comfort zoom 去學去試去做 培養能力同價值 力爭上游
無錯大部分打工仔平平無奇 所以我講既努力咪就係叫人唔好淨係做大部分既打工仔 因為咁樣同Hea係無分別 唔叫努力 唔通你考試拎平均成績可以叫努力？努力更多係講緊心態同思想唔係勞力

日照時間唔屬於自己生命呢個真係好笑 咁最後你想點？繼續自怨自艾係咁架啦 定係想努力改變現狀？提高生活品質？由古代起 古人都要每日去打獵維持生計 又要整屋整衫 防獸禦敵 對大部分人黎講 要生存從來都唔能夠唔消耗時間 只係識享受 但得罪講句 古人打獵都識去搵d有多d野獸既地方 打一次獵可以休息幾日 搵好既水源去生活 唔洗on99搵水都行幾十公里 呢d叫力爭上游 唔係日日出去打獵搵飽左3餐 然後就問點解咁辛苦

你係要用打獵嚟講嘅話

而家情況係個森林已經資源分配哂 每個村莊都有圈養嘅家禽 啲珍禽異獸就有一班大軍隊日日去捉比森林話事人食

而家你返工就好似明明身邊有雞豬牛魚已經夠

但都要衝出去捉獅子

咁又點？從來有d野就係得來不易 問題係事實冇得改變 而你用呢個事實做藉口話比自己聽 現實就係咁 躺平啦咁我冇野講

唔撚使做