召喚lihkg所有學神/P牌巴絲 (106)

如果係性程呢個建議直接轉人
我上窮撚孤兒仔班
其他導師聽到佢教過我就笑笑口咁話唔怪得你咁多野唔知

成日扭軚都太快,有冇咩方法可以迫自己去返正確節奏

我報街外，第一堂就揸出街. 認真係幾好玩

我同你掉轉，比人話扭得太慢摸到掉頭線
我都係睇有影住司機軚盤既youtube片同時睇路線點行同轉彎位扭得點樣

無得一概而論架喎，個個灣唔同。有D係大灣有D窄灣, 你過大灣扭太快太多又唔得。窄灣最緊要係架車慢同你窄路調頭差唔多咁嘅扭軚速度

恭喜巴打
想問吓你考邊條路線，路況如何？

迴旋處直上，都算順利呀，冇我想像中咁多車，後面見你係考試車都冇篤油同扒頭，然後做足望鏡擰頭就pass左

我估你望得太近

成日望線位或石壆。驚轉彎會掂到，所以不知覺扭得多咗。

試下望遠啲，你個身會透過架車嘅轉向作出反應。適當地微調軚盤位置。

我開頭轉彎都會好硬，阿Sir話應該微微左右左右咁微調堂軚。唔好硬綁綁咁hold實。咁會好啲。

你講得岩，因為我驚轉彎果時，轉唔夠去左隔離線（雖然同方向），上網有睇過教轉彎嘅時機，大約路邊去到膊頭（如90度彎位）就開始扭。timimg 有時都幾難捉

我係考忠義。

孝民入忠孝，第一步要做好，係要停得夠前（當然唔好踩線），之後向前烏個身望兩邊，你睇到嘅視野會多好多。

我考嘅時候，兩邊都好多車，都等得幾耐（感覺上）。所以當見到右手邊冇車，左手有架Van仔落緊客，我就快手轉入去。開頭都驚架Van仔落完客開車，但好彩，做完呢個動作，佢都未開車。

我嘅感覺係考官要你有足夠判斷力，即係判斷成個路面環境係點。而當決定咗，就唔好心大心細咁去做動作。要乾淨利落。（當然，判斷錯咗就⋯⋯⋯）

而佛光街袋口位，因為佛光街係條比較快嘅路，啲車嘅車速會好快，所以通常係袋口時，見唔到車或架車勁遠，你好有信心好快手轉，咁先會轉（因為佢要轉成3條線）。

係。因為我地坐係車嘅右手邊，所以好多時會不知覺咁早扭咗。（因為驚唔早啲扭，會踩到隔離線。我考試嗰日朝早操車，緊張到第一次鏟上石壆）。

但我阿Sir成日講，條路好闊㗎，巴士都行到，Van仔又點會行唔到呢。所以望遠啲，你轉彎時個身體就會向住你望個方向行，原理同你踩單車一樣。

努力，當你練到咁上下，你係感覺到架車同你同步，想做乜都做到，轉彎呢啲，就會變成好自然嘅動作。

之後就要學做Show，誇張咁擰頭望鏡呢啲動作。

呢條友廢到喊

到底年中有幾多人衰喺foodpanda手上
我忠義細圈過死車 對面線有foodpanda 標出嚟考車真係睇彩數>技術

自van 2take pass
終於解放
考2次都係前一晚完全訓唔著
2次都考9點幾係床碌天光