零、楔子
「你年紀唔細……仲唔結婚係想點呢？返工搵得嗰少少，留喺屋企食米，你知唔知你所有表妹都結婚啦？」母親說。
「下個月，我再畀多啲家用你啦。」盧冰擺擺手，只攤坐沙發。
「你賺又唔係賺得多，加咩家用，攞嚟還債好過啦！我只係想你快啲結婚。漢仔唔好咩？你哋到底拖乜嘢？」
盧冰心想：母親，我實屬不孝女兒，年歲已經三十一，卻未能像別家女兒一樣成為妻子或母親，都不知在等什麼。個個都說，香港思想開放，女子灑脫獨立，固然是的，然而人們仍為孤身一人的女人投以同情目光，說這是剩女，仿佛婚戀是唯一歸宿。
這座城正在衰落，她為什麼一定要找個人生活呢？與他數算社政的敗壞，真能令日子更順意麼。
可惜她不可以找一個人，無償地為她們家拿出幾十萬。
「我哋會㗎啦，仲計劃緊。」她只好說。
「我都唔求你生小朋友吖……只係想你穩穩定定，有個人錫咋。」母親仍然喃喃。
盧冰不得不擺出唯唯諾諾模樣：「知道知道。」
實在，她倒不是不想結婚，大學時期也會迷糊地擁著夏和希說「非君不嫁」；她只是和陳之漢之間，好像沒有愛情。沒有愛情也可以結婚嗎？如果可以，她心急什麼呢，他日真要憑婚紙出入餐廳，再在大街上捉一個人去往民政局也不遲。如果不可以，她此刻的惆悵，又顯得太可笑。
「唉、唉，我都七十啦……」母親又抱怨。
///
多謝巴絲支持
出到第二個post啦！好快結局
鍾意嘅話可以幫忙推一推、正皮、留名
POST 1：https://lihkg.com/thread/3118923/page/1
樓主IG：@chingceciii 張羨青
https://instagram.com/chingceciii?r=nametag
癲 你哋都極快手
