住過珀麗灣幾年
嗰陣係銅鑼灣返工
搭巴士去青衣轉鐵大概9個字左右
方唔方便見人見智
我買野出荃灣葵芳都係15分鐘車左右
但車費都幾貴 一出一入都10幾蚊
所以唔係買d咩特別野既話 都係幫襯樓下fusion算
住就舒服既 會所夠大夠多設施
Weekend又可以落去沙灘曬太陽
成個島既vibes都幾chill 夜晚落街圍住個島跑幾正
飛機聲我覺得還好 我住果座冇咁應聲
我自己覺得比較大既缺點係冇咩野好食
成個島得幾間茶記 冇間好食
會所都有餐廳 但亦都唔太好食
同埋平日好靜 但一到假期成個島都好撚多街外人
諗到再補充