連登有冇INFP毒撚

有
手機有時入airplane mode
與世隔絕
唔想比人搵
唔想搵人

呢幾年係咁徘徊infp/enfp/intp表示
有知心朋友
都成日俾人誤會好多朋友
但其實係個無咩人理解到內心嘅毒撚

INFP路過...

同為infj有infp fd表示
infj擔心infp多過嫌棄
你有嘢想講佢都一定會聽，亦都會明你感受，最驚反而係回應唔到你嘅期望

有啲infj分分鐘sentimental過你哋，只係長期屈住屈住，所以變到你sad佢又跟住sad，但唔會表露出嚟
不過相處嗰陣唔洗咁擔心infj，換句話講，你開心佢就會開心，最緊要信任同埋學識依賴infj，真係熟咗infj就會慢慢依賴返你

infp對我哋嚟講正唔正我唔敢定案
但熟絡嘅infp絕對會係我哋生命入面特別嘅存在

想知點解會擔心infp? 覺得我地太易心軟會俾人利用？回應唔到期望又即係點？可唔可以講多少少？

其實有時會feel到佢好似唔開心但又唔出聲 然後我又唔問唔想搞佢尷尬 講又係 唔講又唔係 其實好多野我feel到睇但我唔出聲炸

有啲咩情況會令到你地相信/依賴人？feels like你地好似有trust issue(?!! 同埋有啲咩行為我會睇得到佢依賴我？

好似問太多但我成日睇唔透infj

有冇得由T 轉A?

都唔一定係壞事嘅
T對人敏感雖然辛苦啲
但社交可能會好啲呢
A就有時寧願活喺自己世界
又懶又唔識同人打交道

應該可以
因為啲學者本來認為性格係可以因為人嘅經歷而改變

我個人覺得所有人只要搵到自己鍾意嘅嘢 然後努力鑽研
自然就有信心

我自己唔知有冇T變到A
但係我高中畢業之後先發現鍾意啲咩之後努力去學
feel 到自己信心來源
INFP 嘅道理感照幾重 又鍾意overthinking
建議睇哲學書最好係大學程度以上嘅儒家

Esfp 想識大家
利申e同I比例差唔多

INFP 係咪好鐘意ENFJ???
利申: INTJ
我鐘意果個INFP 唔鐘意我
佢宜家有另一半了

我有好幾個frd 都係INFP

我又唔太會諗俾人利用嗰啲，
反而真係擔心太sentimental嘅人會好易唔開心，我都唔知點形容，可能驚打破平衡、和諧咁嘅嘢？回應唔到期望感覺上就例如，聽你呻吓會驚自己幫唔到你、解決唔到問題而自責、又短時間講唔到太多嘢。

點樣睇得出佢哋依賴你：我覺得係佢對你講得越多自己嘅事咁就係。
你驚尷、我哋都驚，我哋會驚掃人興、或者壞咗人哋好意咁，所以有時真係驚人哋搵自己咁多，驚搞到好尷尬。

老實講，我哋真係唔洗言語上輔導、安慰，所以你關唔關心佢其實無咩分別，熟同唔熟嘅分別都只係會唔會講吓咩事，但真係睇佢意願多，熟唔熟都好，唔想講嘅嘢、未ready講嘅嘢就點都唔會講。

但係有人有心關心自己嘅話，始終一定開心啲，短短問候、問一兩句就得，佢哋會睇得出、記得，只要你唔驚尷尬。

反而我覺得我哋行為心態幾似infp，但係克制超級多、更加安靜。我哋都想有人交心，奈何我哋又會驚煩到人；都想有人關心、了解自己，奈何我哋又驚對方唔係(唔夠)真心。好似回避型人格咁。

所以真係慢慢嚟，平時唔好咁見外，講返你自己諗法、做返你自己，就算冇咩自信都唔緊要，有心俾佢見到就得。多數唔開心都會自己recover到，氣氛愉快啲我哋心情都好啲，但都係嗰句，最緊要有心，which其實infp好易做到，所以做自己就好，你feel到人唔開心人哋會都feel到你點諗。

PS:問得多真係唔緊要，反而係俾個機會我抒發吓自己啲諗法。一路有嘢做一路諗+斷斷續續覆，最怕係好似好遲覆你好似已經講咗好多嘢