【都市傳說】【懸疑】先生，請問你要去林士站定屈地站？

文呢

呢兩日,呢兩日

好！
Midterm 中？

準備喇,仲有幾篇essay未寫

我呢個星期有
明明應該係假期嚟

好睇

其實好好睇，只係出文時間估唔到
大約一星期一篇？

你當差唔多
大學生仲要讀書

收到，小事啊，最緊要知道，
一星期一更，未同追漫畫一樣

第四幕：女唔是咁溝的

就喺我隻手伸到一半個陣,我立即嚟個急煞車,停止我手上嘅動作,開始觀察呢條女

            我目光由上至下左至右慢慢觀察,直到我望到隻腳

             嚴格嚟講個個唔係腳

             佢跟本就冇腳

             我一直望住堆空氣

           「先生,先生！你冇事吖嘛？」個把溫柔嘅女聲又問左一次,今次仲好似多左幾分幽怨感喺入面,我吞左一吞口水「有心喇,有心喇,哈哈哈哈..點估到佢有咁大個窿喺度,哈哈..我自己起身得架喇,我ok架！」我撐番起自己成個人立正,然後扮冇野咁問「係呢,呢度邊到嚟架,我第一次嚟呢度喎~」「呢度咪林士站囉,你唔知頭唔知路咁就嚟左？」「哦~係呀係呀,哈哈,我都唔知點解」

               .....................

               好彩呢條女唔係人,唔係嘅話dead air左咁耐佢應該一早走撚左

               我一直同佢保持住1.5米安全距離,步行速度都同佢嘅飛行速度一致,但係我諗都諗唔到打破dead air嘅會係whatsapp通知聲

               我唔夠膽郁手拿部電話出嚟睇,我驚下一秒我個頭就喺地版睇電話,分開兩截個隻

             「有人搵你喎,唔睇嘅？」幽幽嘅女聲再次響起「哦~可能係啲廣告啫,柬埔寨個啲,地底又點會收到信號呢,等陣呀,我block左佢先」用呢一個作為藉口,我開左部電話睇

                 「hi」

                 「你雖然唔知我係邊個,不過我知你係邊個就得，夏然先生」

                 「5分鐘之後,有架地鐵會嚟,上個架地鐵」

                   下？我點解要聽佢講野，我連佢點add我都唔知喎

                 「一係上,一係留係到畀條女殺死,你自己諗」

                   點解佢好似估到我諗咩嘅...

                 「拖5分鐘,上車,完,就係咁簡單,架車10秒內就會開走」

               「如果你相信我嘅話,記埋呢個忠告」

               「千奇,千奇唔好畀佢知你嘅全名,一定要記得呢一點,如果唔係嘅話,我都救你唔到,記得」

                我都仲未茫然完個對話就已經完左,我左望望部電話,右望望個飛天小女警,眼下唯一能夠信嘅似乎得個條友

               「係呢,頭先whatsapp講咩呀?」

                 好彩我茫然嘅心態仲喺度

                 因為我見住佢喺2米外伸長條頸再180°擰過嚟睇我部電話

                我倒抽一口涼氣,強作鎮定咁慢慢收埋部電話

             「千奇,千奇唔好畀佢知你嘅全名」

               我同佢四目交接

               但係呢個係第一次除咗肥婆之外我睇唔到人哋條頸

               佢越伸越長,直到佢可以一啖食左我

             「係呢,一直先生先生咁叫,好似有啲生外,你叫咩名呀？」

                佢就好似一條蛇咁,喺我身邊盤旋,然後一野挍殺我

              「..........」

                佢條頸開始纏住我條頭,然後又轉番正面望住我

                似乎係期待緊我嘅答案

                呼吸越嚟越困難,我感受到佢嘅肌膚同我嘅肌膚有親密接觸,不過唔係好嘅個方面

                我雙手開始掙扎,瘋狂抓住佢條頸

                然後開始大啖大啖呼吸

              「答案呢？」

                佢用一種恰到好處嘅緊度纏實我條頸,我雖然仲講到野,但係條頸開始feel到就斷嘅感覺,皮膚甚至開始撕裂

              「哈...哈...問人個名之前...應該都要...講埋你自己個名啦...有禮貌啲...」

                 佢嘅表情即刻沉下來,而且條頸又再一次收緊

                 我開始腦先血,雙手都逐漸冇力,胡亂揮舞,都唔理得我會唔會掙扎成功

                 我嘅眼皮漸漸垂下,雙手都冇力放低,就係呢個千鈞一髮嘅瞬間

                佢放低咗我

              「噗哈...哈...呼....」

                我喘番啖大氣,然後癱坐喺地面

              「呢個係畀你嘅一次警告」

              「再有下次嘅話...」

              「我擔保唔到你啲四肢會喺邊到」

                佢講緊嘅同時,條頸都仲纏喺我身上,今次仲纏晒我成身上下

                佢又再輕輕收緊一次，同本來人類有溫度嘅頸有好大反差，凍到就似一個警告一樣

              「咁我哋繼續行啦」佢又用番個把聲線，將條頸伸番入去，再露出一個笑容，然後再次伸手

                 一如初見

                 但係我諗應該冇一個比「蛇蠍美人」更加適合形容佢嘅成語

               「我諗....你應該有聽過我嘅故事」

               


                「 關於嗰個白衣女鬼嘅故事」

腦充血

睇嚟我都腦充血

最近因為學業同mid term冇更新,今次加長畀大家

push

push

最近學業同番工都忙
真係可以準備定一個禮拜更新一次

文

呢2日呢2日,趕埋份deadline

今晚更新

第五幕：你的名字,我的姓氏
「白衣女鬼嘅故事？」

             「你唔係唔知呀嘛？你既然認到呢到係林士站,咁你至少都...你哋現代人叫個個搜尋咩咩話？」

              「google」

              「係係係！google，你起碼都search 過下呀嘛？」

              「咁有就實有嘅...但係關於你嘅資料好少咋喎,好多都係咩鬧鬼呀個啲,同埋你點知google架？」我特登問埋晒啲無聊嘅問題,希望時間拖得1秒係1秒！

                時間剩餘：  4m：00s

              「哦~之前都有啲傻仔跌落嚟架嘛,同佢哋傾下計,自然就知啦」

                你肯定係普通“傾計”咁簡單....

              「真係可惜,我喺度冇40年都有30年,竟然剩係寫我係白衣女子...明明我就係令林士站封左嘅兇手...」佢飛飛下冇啦啦又停,仲要好似好悲傷咁話明明自己先係始作俑者,我都唔明有咩好悲傷

              「呀ㄧ而家政府咁識掩蓋事實,正常嘅正常嘅,唔好傷心」不過同隻鬼邊有咁多道理可言吖,拖多啲時間仲好

              「我當年呀,比個渣男呃,佢有錢仔嚟嘅,老豆老母又做高官,我只係得罪左佢少少啫,激嬲左佢,佢就開始屌柒我,又打我,當我係sp,唔順從佢就賣兇殺我」佢搖一搖頭,再嘆一嘆氣,凍過停屍間

                時間剩餘：3m:30s

             「我個日咪就係林士站附近囉,個陣時個站都仲係石屎多過牆,然後有幾條友衝左出嚟,唉,之後咪變左你而家睇到嘅樣囉」佢指左一指佢個頭同對腳（空氣）

             「咁應該都唔會有人見到你跳路軌架？」

             「哦~哈哈哈哈哈」佢突然笑到我心裡發寒

             「呢個問題好簡單,反正都係林士站附近,佢哋就直接將我條屍扔落去路軌,反正就算出左事又點啫？有佢老豆老母保住佢,佢捉一堆人玩hunger games 都得喇」佢似乎仲未爆完

             「個班達官貴人仆街仔,我一定唔會放過佢哋！我已經記住左佢個名,記住左佢個樣！我一定一定會搵佢出嚟！仲有班黑衣人！有名冇名都要死！」

               我明點解林士站有咁多鬼故話有凌厲嘅慘叫聲

               佢每一次大叫都係一次悽慘嘅叫聲

               就如傳說中,有白衣女子跳軌,還有悲鳴聲伴奏

               而且我終於都知道點解佢對名咁執著

            「你個名係咩呀你個名係咩呀你個名係咩呀你個名係咩呀你個名係咩呀你個名係咩呀你個名係咩呀！你係咪就係個堆黑衣人！」佢呢個極高分貝嘅尖叫聲,仲有個個又180°擰過嚟嘅頭

                我再一次感覺到冰涼嘅觸感

                 有啲咩辦法呀！

              「係喇！我真係好同情你架,我想問下你死況係點架？」我腦筋急轉彎,提出左呢條絕對會引起佢興趣嘅問題

                 佢漸漸伸番個頭入去「哦？你竟然會好奇呢樣野？」

               「係呀!你知架啦,我都特登去搵呢個站喇,明顯我就對呢啲有興趣啦,同埋而家都2022啦,我有命嘅話或者可以幫到你搵到啲黑衣人都未定呢？」我格硬逼個笑容出嚟,show到我真係好似好有興趣咁

                「嗯...冇記錯嘅話...」佢指住個路軌一邊「呢度係我個頭」

                「呢度係我隻左腳」

                「呢度就右腳」

                「果邊就右手」

                「仲有啲腸呀,內臟呀,腦漿呀,應該就四圍都係,務求令到我真係似撞列車死」

                 我跟住佢啲手指周圍亂望,其實跟本冇想像過個場面,靜係諗緊幾時有車

                 不過好似唔洗想像喇

                 我擰番過頭番月台就見到真人親身示範

                 佢捧著自己個頭,半個頭被人切走左,啲咩脂肪呀,皮膚呀,外露晒出嚟,啲液體有啲黃色嘅,有啲白色嘅,而且望上去仲好似留濃嘅嗰一種質地,塊面爛到唔講我都認唔出係女性

                 個身啲腸就跌晒出嚟,成地都係,一圈一圈蚊香咁,仲好似意大利個啲腸咁卷埋一齊,啲內臟就喺附近,一個一個慢慢跌緊出嚟,成為左條「意大利腸」側邊個啲配菜

                 而兩隻腳呢？東一腳西一腳,啲骨直頭可以做萬聖節裝飾,有隻唔知左定右腳得番一塊皮膚連住,搖搖欲墜就係呢啲

                我強忍住想嘔嘅衝動,擰番轉個頭望路軌

             「我案件重演一次比你睇吖」佢照舊捧住佢自己個頭，身後就拖住佢條腸，以一種非常核突同埋詭異嘅姿勢行埋嚟

                時間剩餘 1m：30s







其實我一直都諗緊呢篇野究竟係16+定13+
我覺得未到16但又唔係13



   

push

太耐，要由頭睇過。

sem break 會更番快啲

push