【都市傳說】【懸疑】先生，請問你要去林士站定屈地站？

新手，隨緣更新，得閒就會更，好鍾意香港都市傳說同靈異野，所以故事好多時候係base on香港都市傳說做背景，希望大家鍾意

中文唔好，文筆都好差，隨時有錯字，用詞都可能奇撚怪怪咁，大家可以盡情屌

如果呢一個寫得完嘅話，下一個我預計主題會係西貢結界，先從大家耳熟能詳嘅傳說起手

但係目前以penana為主，連登靜係搬運

https://www.penana.com/user/147078

序：神獸DC9

「然，然，喂啊然，夏！然！」伴隨著呢一把勁嘈嘅聲音而來嘅係膞頭上嘅痛楚

         「搞咩呀，痴線架咩..」我望住前面個呀叔，佢仲好似好得戚咁將隻手從我膞頭上面移開「冇~我見你笑到含春咁，連放工都唔走，咪拍下你囉，喇，我叫左你架喇，你自己唔應」「咩含春呀...笑下唔得咩..」「笑到咁嘅樣我真係第一次見，係咪同女朋友仔傾計呀」

            老實講，聽住佢把死人聲越嚟越變態，我有啲想即刻執野走人，佢唔止性騷擾個女仔，仲騷擾埋我

          「都未係女朋友，我希望今日可以啦」「唉，然仔呀，你都二十幾歲人喇，仲係A1,強叔我當年仲係你個年紀個陣呀，嘩~食女無數，解bra扣嘅技巧我認第二，冇女人認第一！」「結果咪又係冇老婆，講經咩」喺聽緊佢廢噏個陣時，我已經颱風過境式咁執好晒啲野準備走人

          「好想快啲見到佢咩，執到咁快」強叔一個屎忽坐番落張櫈到「唔通似你咩，first impression 好重要架，我仲要就嚟遲到，咪喇，都係call的穩陣」我即刻拿起手機call的

           「目的地：地鐵站」

           「番工又唔見你咁準時..」強叔性格真係好差，份人仲要串串貢咁，如果唔係佢肯幫我執手尾，我晨早唔采佢「番工有女睇咩？你都白痴..」執好野，拿起手機，飛奔到部lift前面「拜拜喇」「嗯，聽日記得畀啲用後感呀！！」

            「快啲啦..咁慢架..」越等，我個心就越焦躁，正如頭先所講，first impression 係好重要，遲到絕對係扣大分嘅因素，我唔想好似強叔咁孤獨終老呀！啱啱好一程lift嘅時間告解完，有左頭先嘅想法，我嘅腳步更快，對皮鞋每一步踩落去地版都有聲，拍塔拍塔，唔知嘅以為我揸緊馬車定趕住投胎..

               「WA6284...係呢部喇！」我快快手開車門上車「夏先生係咪呀」「係呀係呀，唔該你有咁快開咁快！」我望住手機上面嘅時間一分一秒咁倒數，心跳就加速得更快「希望唔好遲到...希望唔好遲到...」「係喇，夏先生，你呢，係個APP到講得唔清楚呀，請問你要去林士站定屈地站？」我剛才激烈嘅心跳，此刻就好似冰封左一樣，成架車得番我沉重嘅喘氣聲，同埋香港的士獨有嘅，司機轉個身到後面個陣，張櫈發出嘅  吱EE..吱EE..聲

                 頭先仲梳緊頭嘅我聽到呢啲聲，一抬頭就同轉身到後面嘅司機四目交接

                  我一粒聲都出唔到

第一幕：記得定期清除搜尋記錄


原本兩條麻甩佬四目交接，理應係一件好gay好核突嘅事，但係經過啱啱司機個一句說話，我靜係得返心寒呢一個感受

           一秒，兩秒，三秒，明明只係得三秒，我就感覺好似過左三個世紀咁，冇人出聲，都冇人郁過，兩條友嘅視線都冇移動過。

           吱EE..吱EE..終於，個DC9肯轉返個頭過去「哎，同你講下笑啫，就嚟萬聖節吖嘛」我一見到佢轉返個頭過去，就即刻抖番啖大氣，但係啖氣都未抖完，個司機又擰個頭過嚟「上環地鐵站係咪呀？」「係...係呀」「年輕人，笑下啦，一上車就趕頭趕命咁，咪講個笑過你聽」「係咩...哈哈..哈哈哈..有心喇，有心喇」我夾硬逼個笑容出嚟，佢睇到之後似乎好滿意，終於肯開車

           經過頭先嘅驚嚇一分鐘，我已經冇左唔好遲到呢種想法，因為而家一定會遲到，唯有買啲禮物補數啦

           只不過，啱啱司機個句說話仍然插係我個腦入面，揮之不去，我而家嘅想法變左做安全到達就好，個腦除左句野，仲有關於林士同屈地站嘅野，基於好奇心下，抱著又要驚又要睇嘅想法，我又google番兩個站

           「消失的車站：林士站」

           「荒廢月台驚見靈異事件！」

           「香港往昔，林士站嘅起源與封閉」

           「上環站嘅神秘月台？！」

              

           「哎，我真係on9,做咩冇啦啦睇啲咁嘅野」我望住個搜尋紀錄，清一色都係啲咩荒廢，遺址，白衣女子，靈異事件同埋工人慘死「唔好睇喇，唔好睇喇..」越睇就越心煩，唯有望下風景啦，睇多啲綠色野對身體有利呀，點知，我乜都望唔到，因為架的士已經入左隧道，我嘆氣一聲，但係，好似有啲唔對路

             隧道...隧道？點解從我公司去上環地鐵站..要行隧道？

             除著我心跳又開始加快，奇怪野就越嚟越多，越嚟越詭異，個隧道靜係得我地架的士，一架車都冇，而且隧道啲燈全部冇晒，冇門，冇人，連一粒塵都冇，我望番後面，今次真係乜都望唔到，因為係一片黑暗，除左的士個車尾燈仲著緊，好似串緊我咁。

             而前面呢？的士嘅咪表瘋狂跳動，而且仲不斷發出有長有短「必，必，必」嘅咪表聲

「短，長，短」

「短，短，長」

「長，長」

「短，短，短」

「短」

「長，短，長，長」

           「喂司機大佬，呢度邊度嚟架，唔好玩喇...番去啦」我搖住司機個膞頭

             冇任何回應，接下來係令人停止呼吸嘅沉默

           「呼...喂，應下我啦！」我搖得更加快，但係司機就好似吹氣公仔咁，毫無反應

             我嘗試打開車門，但係鎖得好實，而且就算我開到，以呢架的士咁嘅時速跳落去，我唔死都四肢癱瘓，於是我決定打電話求救

             就喺我拿起部電話個陣「呀！！！！」從司機位傳來左一聲怒喊「呀！！我唔想架！係佢地逼我架！！！」緊接住就係一種好熟悉嘅既視感，我再同司機四目交接「喂你搞咩..」我都未講完，就已經有一個拳頭向我飛埋嚟

             「呯！」一聲重響，一聲悶哼，正中下巴，今次，我成個世界變左黑色，手機緩緩喺我隻手到跌落嚟

    

  

   

  

*個長短咪錶聲應該好易解嘅..我諗

push

正
留名睇正故

多謝支持

第三幕：黨鐵違反燈光約章？

「然...對唔住..我都係逼不得已...要怪就怪你...」

            一把陌生嘅聲音，將我輕輕喚醒

            「邊個？」我大叫一聲

              沒有回應，一片寂靜

            「都係嘅，點會冇啦啦有一把咁溫柔嘅聲叫我起身，更何況啱啱經歷左咁嘅事」我努力撐起自己，下巴上嘅痛楚告訴我一個事實

         .     呢度唔係夢境

               從啱啱開始，架的士已經好似酒店啲車咁，中門大開，歡迎我落車，我重新拿起我部電話

              「只能撥打緊急通話」

                我果然冇錯，恐怖片有99.9%都係咁拍，電話冇訊號，周圍鬼影都冇隻。我只好接受左架的士嘅「邀請」落車

                 遙望遠方，仍然有住萬家燈火，但係我附近呢？一片黑暗，除左嗰個光到仆街嘅地鐵站，香港光污染真係多得佢唔少，擺明違反燈光約章

                 確定左周圍冇生命跡象之後，我行去個地鐵站附近，基本上我都100%肯定左個站就係傳說中嘅林士站，從旁邊嘅冒險樂團同pizza hut 舖頭，我甚至覺得自己入左個古代結界，番番去8,90年代

                 「死就死啦！」我用手擋住燈光，廢事陣間入都未入到就已經盲左，我直直向前走，只見個大招牌寫住

                 「林士站」

                   我一步一步行入站，腳步聲就喺成個站内迴響，同外面唔同，站內幾乎黑到乜都睇唔到

                  「呯！！」好啦，至少我仲聽到野

                    大閘一如我所料，喺我入左去之後就重重鎖起左，我唯一嘅視線範圍就静係得我部手機嘅電筒，不過好彩，林士站嘅結構同其他地鐵站冇太大分別，色調同上環站仲有幾分相似，唔同嘅就只有林士站缺少左個嗰獨特嘅毛筆字站名

                  「既然係咁...」我照嚟照去，果然發現左個地圖，只係個地圖被一堆血cover住，乜都睇唔到，雖然手多多就死得人多，但係而家咁嘅情況都冇得我揀架喇，我強忍住血腥味同血液嘅粘稠感，掂左落去，血液慢慢化開，凝聚出幾個血字

                    「林士站站內地圖」

                    結果我付出左咁多，換來嘅就只有得一條直路同魔法血液畀我睇，早如就直接行...

                    我一路行一路行，怪異嘅聲音就越密集，不過好似唔應該叫怪異，而係怪異又熟悉，

                    你有冇試過或者聽過，凌晨嘅時候硬係有啲跌波子聲喺樓上樓下傳出？

                  「滴答答答..滴答答答滴答答答...滴答答答滴答答答滴答答答滴答答答」你再幻想下而家嘅場境，有無數咁多嘅波子聲喺你耳邊迴盪，穿透你嘅大腦，但係佢唔係咩波子聲或者跌野聲，更唔係啲咩水管冷縮熱脹

                     而係一滴滴嘅血液

                     我開始後悔自己仲聽到野

                   「呀！！！！」我終於忍唔住喇，失聲大叫起來，開始百米長跑，都顧唔到有啲咩追緊我，一味向前跑

                   「滴答答答滴答答答滴答答答滴答答答」

                     血液模糊左我嘅視線，我個口仲留有鐵嘅味道，我一路跑一路跑，直到我筋疲力盡，停左落嚟

                   「呼...哈..呼...哈」我靠牆休息，順便用件衫抹下身上嘅血液，個啲波子聲終於停左落嚟，可惜，一波未平，一波又起

                    我背面道牆又無啦啦著左盞大光燈，呢個時候我先知道我埃住嘅係一幅畫

                     我再問你一個問題，你有冇玩過「IB美術館」？

支持

多謝支持

發現自己改錯標題名

第二幕

push

push

push

冇文點push

聽日聽日

完

未，等多陣等多陣

第三幕：地盤安全要注意

我發現我埃住嘅跟本唔係咩牆

               而係一幅恐怖到仆街嘅畫

               畫中人雙眼暴凸，爆晒缸咁，仲揸住一條鐵通，背景似乎係林士站月台，不過係施工前嘅景況

             「cls,我睇咁耐做咩」我擰番轉個頭，加快腳步，諗住長痛不如短痛，果然，天氣不似預期，我兩步都未行完，就見到有啲血液喺我腳底凝聚

             「仆街...」我深知不妙，拔腿狂奔，我一路跑，周圍啲畫就一路變化，從一開始施工前嘅林士站，到而家已經封閉嘅林士站

                    到最後，就係呢度嘅林士站

                    而畫中人早就已經唔見左

                    因為佢而家就喺我後面

                    而且我似乎差左一個「哋」字

                    佢哋就喺我後面

                  「嘻嘻嘻嘻，哥仔，你想去邊呀？」令人心寒嘅聲音從我背後響起

                  「呀！！！！！」我再一次驚叫，已經唔理得我身體有幾痛，隻腳有幾攰，再次將呢度當北角站咁跑！

                  「嘻嘻嘻嘻，同我哋一齊起埋林士站啦！」「嘻嘻嘻嘻，我哋差少少架咋！」「嘻嘻嘻嘻，要唔要試下用鐵通呀？」「嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻嘻」

                  一堆嘈到痴線嘅笑聲追住我，無論係聽覺上定觸覺上都有極大衝擊感，直到我跑到一個大窿前面

                  一粒人頭喺我耳邊冒出，然後悄悄話「嘻嘻嘻嘻，你冇路喇喎...點算好呢？」我慢慢45°轉個頭，裝修工人嘅面，我一世都唔會忘記

                   空洞嘅眼球，得番個窿，另一隻就跌左一半，得番啲血絲同神經線扯住，而個頭依然係爆晒缸咁，前無退路，後有追兵，就喺冰冷嘅鐵通就嚟掂到我嘅時候，我跳左落去

                   「嘶....」我摸住個屎忽，慢慢爬番起身「好彩冇壞啫」我撿番部電話，環顧四周，我好快就知道呢度係林士站月台，除左因為我見過相之外，都因為條鐵路已經封左

                      「你冇野吖嘛」嘩，把聲勁溫柔，我一抬頭，就見到有個白衣女子向我伸手，就喺我想溝之前，我醒起一樣野

                     「荒廢月台驚見靈異事件！」

                  

屌
少驚

寫到咁低手都少驚

留名 幾好睇

多謝

push