深夜限定心事台 (600)

多謝你

其實似自己問題多
本身份人鳩下鳩下
見朋友ig wts discord呢啲覆慢少少
跟住就係到諗係咪有野得罪左
但又問唔岀口
搞到個人成日精神衰弱咁
今日仲發生左單唔係幾開心既野

要同時兼顧都好難 最主要係你好難知當事人需要/想要啲乜
最緊要岀發點係好就得

病緊？

如果你同我做朋友會好辛苦因為我成日唔見人
不過你唔係亂諗太多
你點諗都好都只係由自己既角度睇佢地而唔係佢地真正既諗法
放鬆啲啦

多謝你打長文覆我
正如你所講 可能依家學嘅嘢對依家呢一刻冇乜用
做咗嘅選擇 決定 係依家呢一刻未必知道結果
但起碼對得住自己就夠
我會好好記住呢樣嘢
當然 我都係因為相信咁樣選擇自己嘅人生 自己到老先唔會後悔 先唔會有遺憾 所以先一直堅持住
係到擺低咗呢啲心事 的確釋懷咗啲
有時心好沉重 好鬱悶 但冇人可以俾我講下 都真係好辛苦
多謝大家肯睇哂我講嘅嘢

仲好記得以前成日同你地喺度屌柒啲人沉船

我明呀 同埋好似我以前成日都講你覺得自己需要嘅嘢同你真係需要嘅嘢又唔同

見到你打咁大段嘢上嚟 相信好多嘢都屈住屈住咗好耐 我都成日因為好多野一齊壓住我 之後個人好鬱悶 做啲咩都好似冇心機做

以後如果想搵人傾吓嘅就上嚟啦 點都會有人覆你嘅 我覺得冇人知道你而家做嘅選擇將來會點 但係我希望你相信你自己嘅選擇永遠都係對你最好嘅安排 好多時我個人經驗話我知有好多嘢塞翁失馬
同埋嘢好多時候你覺得你需要嘅嘢又未必係你想要嘅嘢 你仲後生咪咩都試吓囉 加油！

我唔識屌人的
我係覺得你肯認真回覆對方都一定可以感受到
既然未必有正確答案講岀你既諗法可能就已經係另一個角度
不過真係要講既話支持同聆聽幾時都係最重要

呢個post就係為左俾大家放低煩惱
隨時歡迎你

深夜放心事
我諗你應該唔會見到呢篇文既
不過見到又何嘗唔係一種解脫？
識左你兩個月 到而家我都無辦法相信
可以同一個人既諗法 性格 價值觀 興趣都係咁相似
心靈相通到一個地步係我地成日會搶住講一樣野
然後我地笑大家係咪copy cat 上世係咪雙胞胎？
好多時大家講出黎既野自己都未必太清楚
但對方可以了解得仲多過你
我好享受呢段相處既時光 了解到你係一個好好既人
同時都慢慢開始鍾意左你 實在好希望同你可以一齊
不過可惜相處落 我都feel到你唔係視我為可發展對象
純粹只係當係一個知音人 soulmate 一個好好既朋友
但人總有感性既一面 就算好多跡象顯示出你唔鍾意我
我都唔相信 件事唔篤穿我都堅持到底
但直到你最近同我講你失戀
同埋覺得識到我呢個朋友真係好好
我就不得不承認你絕對唔係鍾意我既呢個事實
每日堅持住單戀呢個事實 去扮到無野去同你相處
大家有講有笑 其實真係好辛苦 我開始頂唔到落去啦
當你同我講主動去同一個對你無意思既人相處好辛苦
但其實我堅持得耐過你 我聽到真係覺得好難受
一方面我努力咁去安慰你失戀 但有時我真係會諗
咁邊個可以安慰到我？

我地有95%既地方相似 但個5%既唔同
就係我同唔到你一齊既原因
你覺得同我傾計好夾 傾得好開心 願意用好多時間去傾
但其實 我對住自己無好感既對象
實在用唔到咁多時間去相處
如果唔係對你有好感 點會願意好似24小時傾計咁呢？

放係我眼前 有兩個選擇
一係 就放低呢段感情 將你視為一個好好傾既朋友
一係 就講清講楚 然後同你斷纜
但一方面 我唔確定我做唔做到前者 另一方面
我實在唔想放低呢段感情 同放低一個咁岩傾既人
我到底應該點做？
我知我好天真 但求各位唔好屌到我咁深

你同佢一齊唔到唔關果5%事
真係鐘意一個人既話就算你地100%唔同都會愛上對方
你唯一可以做既就係調整你既心態 如果你覺得你做唔到就慢慢退後離開 如果唔係遲早有一日佢會感受到 你對佢既感覺會慢慢變成壓力
我覺得你亂諗好多野搵好多理由去解釋 不過件事既性質好單純 要點做你就要好好諗清楚

可能聽日就好返

1234

訓醒

食早餐

要多休息

我move on唔到岩岩先失戀
失去暗戀，又一個希望落空

人與人之間既互動，雖然有表徵可以估對方個心點諗
但唔一定準確，特別係透過電子媒介去溝通
你下次同佢真下吹下水，即場睇佢地既面部表情、語氣、肢體語言
你先會估到佢地對你係點

凌晨4點鐘點食（雖然我都想）
隻眼都開唔大 -_____- 又水腫
依加個樣好似中國人
但又訓唔返教

對佢有好感咪算
係未知對方對你咩意思既情況下就愈來愈中意佢既話
最後只會自己唔開心