買電視機 / 換電視機集中討論區 (112)

stepmic · 2022-09-20T17:58:21+08:00

如果睇完下面嘅spec簡介, 認為唔夠, 可上Rtings睇睇，如要比較可以睇埋佢個’Side-by-Side Comparison’ 因為大部份Dolby Vision既Source都會提供埋HDR10版本（比如Blu-ray同埋主流既串流平台），而目前consumer market 都冇真正12bit既TV，再加上dynamic meta data都唔會真正解決到唔夠光／黑位既問題。所以總括黎講，只要support到HDR10，電視/MON既能力更重要。 MICRO LED面板特性: 無限∞對比度, 黑位純黑0漏光, 色域最廣闊, 可視角最好, 任何角度睇都靚, 唔會燒印 QD-OLED面板特性: 無限∞對比度, 黑位純黑0漏光, 色域最廣闊, 可視角最好, 任何角度睇都靚 OLED面板特性: 無限∞對比度, 黑位純黑0漏光, 色域廣闊, 可視角最好, 任何角度睇都靚 MINI-LED背光 + VA面板電視: 對比度高, 一般都有15000-20000:1, 黑位相對黑, 黑位漏光比IPS少, 光暈比IPS更少 MINI-LED背光 + IPS面板電視: 對比度高, 一般都有8000-10000:1, 黑位相對黑, 黑位漏光少, 光暈少 VA面板特性: 對比度中等, 一般都有4000-5000:1, 黑位相對黑, 黑位少量漏光, 可視角比較差, 斜睇顏色會變淡 IPS / ADS面板特性: 對比度最差, 一般只有700-1000:1, 黑位泛灰, 大量漏光, 優點係可視角好, 可視角比VA好, 不過可視角比唔上OLED 如何買一部好電視: 1. 睇佢用咩面板, 市面通常分了OLED, VA, IPS面板, OLED面板擁有最高對比度, 黑位最好, 其次係VA面板, 對比度同黑位最差就係IPS面板, 對比度高的電視可以顯示更深層次既黑色, 黑位細節更多, 畫面更有立體感, 本人比較推薦OLED面板同VA面板電視 2. 睇佢有冇廣色域, 色域愈廣, 可以顯示既顏色愈多, 睇HDR片更真實, 更鮮艷, OLED擁有最高色域, 其次就係SONY TRILUMINO DISPLAY, SAMSUNG QLED, LG NANOCELL 3. 睇佢面板更新率有幾多, 只有60HZ同120HZ面板可選擇, 120HZ面板睇片會更加順暢, 120HZ面板配合motion功能更加可以將畫面插值到120FPS顯示, 另外打機4K120都需要120HZ面板才可以支援 4. 睇佢光度有幾多, 光度愈高, 可以顯示既光位更光, 陽光, 爆破, 燈光, 射線等畫面會更加真實, 特別係HDR影片 5. 睇佢可視角, 可視角愈高, 畫面斜睇時可以同正面睇時保持一致, OLED面板擁有最高可視角, 其次就係IPS而板, VA面板就相對弱D, VA面板顏色斜睇會淡左 6. 另外買OLED電視前要先留意OLED電視最怕有物件長期停留係畫面同一位置, 如果成日長時間睇新聞台, 財經台, 賽馬台, 足球台, 成日長時間5-6小時打機(同一隻GAME), 就唔建議買OLED電視, 不過最主要都係係睇你睇既野唔會有一個類似LOGO/框框/HP BAR/SP BAR/ 地圖長時間顯示係畫面同一位置到, 講緊日日5個鐘咁就會比較大機會燒印. 正常打機/睇YOUTUBE通常唔會有咩問題 7. 睇佢有沒有HDMI 2.1插口, 如果打機追求有4K120顯示, 追求極低輸入延遲, HDMI 2.1插口係必須拍片影OLED係會好睇過LCD, 因爲本身普通快門速度其實好難捕捉電視畫面, 除非去到1/125或者更快, 如果唔係佢哋影出嚟都會似一pat光(sharpness低), 尤其LCD係成個畫面都有光(背板係用白光), 越光嘅面板情況會更加差, 成日話睇電視用肉眼睇唔係彈出彈入, 而係人眼真係我哋對視覺嘅終極理解, 唔排除有啲外星人睇到嘅色彩比我哋更加豐富, 不過相機只可以捕捉到到三隻色, 人類肉眼絕對碾壓任何相機捕捉到嘅色彩, 所以如果要影一啲電視嘅畫面做比較, 儘量搵一個畫面比較多紅/綠/藍/白/黑色入面其中一兩隻色嘅同一畫面會比較容易影得出分別, 太複雜嘅畫面會好難睇到好多電視其實日頭睇都會反光, 只係香港啲樓咁啱好多客廳都係近窗(惟有係咁), 所以先會有呢個電視反光嘅現象, 好多國家擺電視都未必會咁近窗, 好多時都係客廳中央啲嘅位置, 解決辦法係買遮光窗簾，遮一遮電視隔離隻窗一忽（唔使閂曬窗簾），其實已經會好好多 Q&A 1. SAMSUNG QLED電視 = LCD面板 + QUANTUM量子點膜 + LED背光燈組成, 所以都係LCD電視, 而OLED電視本身係829萬粒像素自行發光, 不需要LED背光, 兩者結構上完全唔同 2. SONY Triluminos Display技術其實就同SAMSUNG QLED技術相近, 都係用黎提高電視顯示色域 3. LG NANOCELL技術都係用黎提高電視顯示色域 4. 50Hz (PAL) = 60Hz (NTSC), 100Hz (PAL) = 120Hz (NTSC), 50Hz = 60FPS, 100HZ = 120FPS 熱門問題: SONY: X80K係入門款, 只有50"係OK, 因為50X80K用VA PANEL, 其他尺寸全部係用IPS, IPS黑位漏光比較嚴重, 黑位泛灰 X85K係進階版本, 全部尺寸都係用VA PANEL, 面板轉用120HZ, 令睇片更順暢, 另外光度更高, 加上有HDMI 2.1插口支援4K120 X90K係再高階, 追加了分區LED控光功能, 簡稱全陣列分區控光, 令黑白位更好, 換了最新XR影像處理器, 另外光度有再提升, 喇叭數量由X85K既2個加到4個, 日本組裝 X95K再高階, 轉左用MINI-LED背光系統, 令黑白位比X90K更好, 另外光度有再提升, 喇叭數量由X90K 4個, 再加多2個低音SUBWOOFER, 另外有高可視角, 斜睇色彩下降相對少D, 日本組裝 A95K, A80K有咩野分別: A95K光度高10-15%左右, 用左QD-OLED PANEL, 色域明顯提升, 高光度下仍然有高色域, 日本組裝 LG: LG 通常只有50" LCD電視係用VA PANEL, 所以我只推薦50", 其他尺寸都係IPS LG A2最入門，光度450nits，得2個喇叭，機身用料比較膠，面板得60Hz，只有HDMI 2.0 LG B1光度提升到520nits，4個喇叭，機身用料靚左，面板有120hz，有2個HDMI 2.0，2個HDMI 2.1支持4K120 LG B2光度同C1差不多, 2個喇叭, 面板有120hz，有2個HDMI 2.0，2個HDMI 2.1支持4K120 LG C2光度比G1再提升左, 達850nits LG G2光度比C2再提升左, 達1000nits LG NANO77CQA同NANO76CQA分別只係腳座唔同 SAMSUNG: BU8000同BU8100分別只係機身顏色, 同BU8500分別只係底座唔同 BU8000, BU8100, BU8500係入門款, 用60HZ VA PANEL Q60B光度提升左, 用左廣色域PANEL, Q61B同Q60B分別只係機身顏色 Q70B光度再提升左, 用左120HZ廣色域PANEL, 加了HDMI 2.1X4 Q80B光度再提升左, 追加了分區LED控光功能, 簡稱全陣列分區控光, 令黑白位更好, 不過香港50吋版本閹割左PANEL做60HZ, 行唔到4K120 QN85B光度再提升左, 轉左用MINI-LED背光系統, 令黑白位比Q80B更好, 喇叭數量多左, 另外因為IPS PANEL有高可視角, 斜睇色彩下降少 QN90B用左144HZ PANEL, 同有HDMI 2.1, 可以打機行4K144 QN95B光度再提升左, 轉左用VA PANEL, 令光暈問題比QN85B少, 喇叭數量多左, 另外有高可視角膜, 斜睇色彩下降少投影機VS電視，有幾樣嘢留意: 1. 投影機只能重現檔案/來源嘅像素(例如4K)而唔可以重現任何HDR嘅細節。因為HDR本身計算嘅係絕對光度，而投影單係屏幕物料嘅顏色同反光已經直接令HDR出現嚴重偏差。而家投影機技術的確係主要向呢個方向發展，不過犧牲就係投影機整體光度大大降低，以儘量做到光暗細節。 2. 投影機隊室內光綫要求比任何款式電視更高，即使有遮光窗簾依然會大大影響觀看體驗，香港家居日頭幾乎用唔到。因為任何室內光綫都會被本身用嚟令反射更有效率嘅屏幕反射，影響畫質。有啲防室內光嘅屏幕(天價)的確會大大減低室內光綫影響，不過都係影響唔到投影機需要完全黑房嘅要求。 3. 即使室內燈光全黑，投影機始終係猛光光源，依然會照光屏幕，令觀眾見到屏幕嘅顏色。呢樣好多情況甚至比LCD更差，因為屏幕嘅顏色會受好多因素影響，例如平時唔用收起都好，時間耐咗都會變色。最近去K11睇電影，銀幕顏色差喺電影謝幕時黑色部分非常明顯。 4. 投影機優勢係可以隨意調校影像大細，可以用好平嘅價錢做到好大畫面，而且唔受地方限制。不過如果要享用呢個優勢，即係幾乎放棄使用屏幕，如果冇屏幕，投影機都好難話有咩畫質可言，更何況一般戲院畫質比電視差，屋企幅牆更加唔使講，連物料本身都唔係為咗投影而設。