音樂劇「大狀王」：估唔到香港班底去到百老匯水平

冇曬飛，得返d輪椅位

真係好好睇呀！不過唔明點解佢廣告係用現代造型

應該又係有演員中咗招，依家剩低嘅場次都取消咗

我嘅尾場molamola

唯有寄望大狀王出年舞台劇獎有好成績

成個故仔環環相扣？零冷場？
下半場劇情鬆散到無倫
最終戰將近零鋪排，完全無張力

救完女主角之後幾段三角戀劇情多鳩餘嘅
完全無感情
個和尚真係唱到唸經咁

舞台效果就真係無台效果
想簡潔，結果岀到嚟就好簡陋

啲歌好聽？
隻主題曲有幾粒音同節奏都好熟口熟面
https://youtu.be/gNbQqlLXnIY
1:18開始果四秒

https://music.youtube.com/watch?v=duiT7vkEPHY&feature=share
6:02開始果幾秒


都唔講個劇情同九品芝麻官有幾似
連啲punch位都一樣
又係有食砒霜

好想入場睇

巴打可唔可以加密講吓劇情大概講乜？ 無機會入場，想知係咪網上啲人講到咁屈機

咁都有得spin

Spin咗乜嘢

前言
方唐鏡細個貪玩，累死咗呀細
呀細嘅鬼魂同閰王約定會幫方唐鏡儲夠999件陰質事等方唐鏡破咗福壽雙全嘅命格。
之後嘅16年入面，呀細一直暗中俾提示方唐鏡打官司，令佢成為狀王。


劇嘅開頭就以一宗富家子弟強姦妹仔不逐再打死家丁嘅官司為開場。家丁呀媽搵咗個和尚何淡如幫手狀告有錢佬打死咗自己做家丁嘅仔。
方唐鏡就將事情戾橫折曲到係有錢佬撞破家丁想強姦妹仔。然後家丁想打死個有錢佬，雙方爭執下家丁死咗。
審案過程入面又係有打更佬做證人。
後來喺呀細嘅提示下搵咗大夫嚟證實妹仔有咗身孕，
係同家丁情投意合之下有嘅
於是就結案，判咗個妹仔打三十大板，後嚟死咗。
(似唔似常威姦咗戚家少奶呢)

然之後嘅一段方唐鏡居家日常劇情就講呀細鬼魂現身同方唐鏡講，呢16年幫佢贏嘅官司已經幫佢儲到998件陰質事。同埋交代16年前佢哋聽咗個和尚講，上山搵金蜻蜓，導致呀細死咗。
呢段居家日常都帶咗女主角秀秀岀嚟。佢係方唐鏡買嘅妹仔，呀細做鬼之後嘅心上人。

接住就係一場方唐鏡擺大壽，席間拒絕咗北京福壽堂管家福全嘅委托，唔肯幫佢哋老闆福端康打假藥案官司。
因為福家同當家太后係遠親，勢力好大。
呢段劇情期間方唐鏡叫人賣咗秀秀去做一個肺癆鬼嘅老婆。尾段，福全攞住太后賜嘅玉佩將方唐鏡趕走。仲聲稱方唐鏡唔係方唐鏡，係一個不明來歷嘅人。將方唐鏡嘅身份抹殺咗。仲偷咗方唐鏡嘅身份。

之後方唐鏡同呀細上路去好遠搵秀秀。
將秀秀救返之後就返咗方唐鏡鄉下。
期間有官兵岀現揖拿秀秀歸案，因為肺癆鬼死咗。
然後揭露呀細本名係宋世傑，方唐鏡用宋世傑嘅名幫秀秀打官司。

上半場完
上半場望落個劇情都算緊湊
第一場交待主角
第二場交待第二男主角
第三場交待少少女主角同奸角
然後就舖緊去個故事嘅轉捩點
上半場就用個轉捩點做結尾

下半場

幫秀秀打毒害親夫嘅官司
肺癆鬼家姐聲稱秀秀落砒霜喺碗藥度毒死咗肺癆鬼
期間傳咗仵作做證人，聲稱銀針探喉發黑，證明係俾人毒死嘅。
然後搞一輪就話要開肚睇下啲內臟有無發黑。
結果又係死後先俾人灌毒。
(戚家十三口)

幫秀秀翻案之後就一場三角戀嘅戲
然後一場宋世傑覺悟，放下仇恨想投胎
結果俾閰王拒絕
閰王話一定要有兩個靈魂，如果唔係就蒼生受苦代佢還

之後幾場就係劇情鬆散嘅情節
對個故事無推進嘅

當中就係又談情
然後一場純粹係唱宋世傑為民請命好叻叻

尾二一場
之後方唐鏡去佛寺拜神，同宋世傑和解
同時和尚何淡如帶岀方、宋就係金蜻蜓嘅宿命
佢哋註定為世間帶嚟公義。
和尚嘅鬼魂交低咗張狀紙，係控告福端康賣假藥。

最終戰
宋世傑、方唐鏡代表受害人家屬狀告福端康。
福全假扮方唐鏡於堂上為福端康辯護。
原來啲假藥有鴉片，食一粒唔會有事。
公堂之上福端康以身試藥證明自己清白。
方唐鏡以身試藥同時要宋世傑嘅鬼魂殺咗佢。做成試藥身亡嘅假象去入福端康。

全劇完

下半場乘接咗個轉捩點之後，成個劇情就開始鬆散
尾二一場先講金蜻蜓嘅宿命，亦都係呢場先牽引落去最終戰。導致個最終戰無乜戲劇張力，為做而做咁。

多謝你 非常詳細
睇完呢段文字…. 寧願翻煲九品芝麻官同算死草就算，就咁睇啲文字，成個劇連一個正面嘅中心思想或者思考位都無

講真
一水南天都好過大狀王
至少入面啲角色有抱負，有矛盾，個衝突位係真係要掙扎嘅

一水ok ga
起碼嗰陣我睇，會對號入座覺得勉勵緊我哋要堅持。劇本唔會懶複雜但都有追看性

呢位巴打寫得好仔細清晰，我都認同某啲位，如《正義朋友》甚至《翻案》可以去得快啲，留返多啲時間俾最後嗰場大戰（第二幕前中段我一路睇一路真心擔心佢會唔會夠膽死唔講返萬壽堂單案…）

但我覺得呢套劇上到神枱，係因為佢最終嘅命題，係探討亂世下如何處世、入世：
「人在浪裡翻，倍感上路難 -〉縱使上路難 -》 無懼要問斬」、
「鬥死鬥生，要在時限 -〉放下時限」、
「無常道，無字成為字間，老莊勝孔孟」等等
佢演繹到角色喺心態上嘅轉變同推進，仲有大量例子不能盡錄


成套劇嘅意境（如「雪」、「月亮」）、歌詞，其實由頭到尾都慢慢鋪墊緊呢樣嘢，可能我劇齡尚淺視野唔夠闊但係我覺得《大狀王》演繹到呢個意境，傳遞到呢個訊息好犀利，好用心。案情劇情同埋故事情節只係一個手段（雖然有空間可以發展得更加好）去帶出最後命題同勸勉/鼓勵亂世下嘅我地如何輕身上路入世，見山過山

有啲咁嘅睇法，你唔止劇齡尚淺

有邊套作品可以入到巴打你法眼，不如分別下

*分享

邊城