PT 的士佬 你問我答 2

巴打加油呀
轉左行可能仲好，仲舒服

有冇咁勁？平時有揸開車代步？正常無揸開車操兩日就上路應該連cut線都驚到仆街既

有揸開車，我一夠18歲就考電單車私家車，考完即買車揸，揸咗廿幾年，揸車就無大問題，最大問題係唔熟路由其港島區，錯一個路口，可以兜好遠

報揸dc應該唔批
Ams,pt 狗果d就100% 批

一唔開阿爸就唔識碌街客

UBER狗

Uber有咩問題 唔好好似fb 啲廢佬口吻啦

人人做法唔同姐

正更 有冇得提前講定想放邊日？通常 會唔會托手爭？

幾枝都大旗咁勁

$400 係邊到去邊到？
我尖咀入天水圍都係300

繁時有加乘

係咪通常休周日多????

都好啦。賠左幾多遺散費？
唔出去再搵工？

請問如果有一日返工前病左，係唔係都要硬食車租？

今時今日乜仲有呢D架咩

有得佢啦, 不過我發覺通常廢佬同外掛狗先會屌人用uber

無錯呢期早上七至九有加乘，$294係深水埗去機場，我本身都諗住如唔響機都出青衣，就算有隊排我覺得排隊嘥時間，點知一離開機場，響機映灣園，兩個印度生意人兩站，最後一站觀塘，走到龍翔道塞咗20分鐘，原來黃大仙對開兩單TA，好似三百幾車費，百幾加乘，我都係第一次四百幾，所以cap圖。其實有樣野唔明，去到映灣園見有幾架紅的都等緊客，點解客都call uber taxi？加乘費用係唔係同個客收？

應該外國人唔識廣東話 費事同啲司機雞同鴨講

咪call Uber 定好晒位 唔洗同個司機攪咁耐

我個車主兼早更，其實係我學的士時嘅同學兼街坊，不過之前係點吓頭打吓招呼街坊唔熟果隻，識落先知，車都四架，有的士有樓收租，早近半退休，嫌疫情期間車行打理佢架車，每個月比得好少錢佢，成日話租唔出，所以自已考個的士牌做埋早更，我未替佢時，佢係連踩咗三個月無放過假，最近我幫佢替兩日佢先有得休息，佢成日想我替三日，佢可以隔住放，因為都幾辛苦，講番正題，早更車主由淨係用uber，到而家見親我都叫我唔好用，見親我都問仲有冇用uber，煩到仆街，因為佢試過無加乘時間比uber食咗佢八五折周圍同人講，實情係佢唔知幾時有加乘啫，我唔會同佢講，佢鍾意碌街繼續碌排站繼續排

巴打你一星期兩日
係唔係已經搵返正職？

點解個車主咁有錢都要做得咁辛苦

岩岩報左考試，想請教下果d地方同路線題目就係運輸署寫左出黎果d?

揸的士咪正職囉
細個已經知道我唔鍾意做office工，所以廿幾年做野都係自由自在周街去，所以最司機揸車都類似，又無人管住，無客時鍾意去邊就去邊