《周公Online》

Ch.52—北境篇

炭治郎等人往群山進發的時候，發現了不少空無一人的村落，他們入村偵查，發現了一些馬匹和早已死去的村民們。

村民們被啃食到只剩下骨頭。

正當田信望等人提步離開村落時，炭治郎便叫停他們。

「我哋一齊埋葬咗佢哋先走....」炭治郎神情悲傷。

「點解啊？由得佢哋化咪得囉！」齊格菲摸摸自己的後腦。

「佢哋都係人....唔應該咁無尊嚴....」炭治郎說罷，就走回村裡。

炭治郎徒手挖開薄薄的積雪和厚厚的泥土。

田信望等人便與炭治郎合力，將全村的死人都葬進土裡。

炭治郎雙滕跪地，雙手合十說：「你哋安息啦....」

炭治郎等人完成善後工作時，已是中午，於是他們便在村內就地午膳。

「炭治郎，你知唔知道鬼舞辻無慘有咩能力？」毛澤東咀嚼乾糧。

「唔知道....因為我只係見過佢一面咋....」炭治郎咬了飯團一口。

「咁你一定認得佢，如果佢出現嗰嘅話，同我哋講。」易蘭打開了一罐啤酒。

「大家要提高警覺....因為我哋唔知道會喺邊度撞到鬼舞辻無慘....」田信望撕開軍糧包的包裝，從面拿出一條口糧棒：「希望我哋喺搵返番現實世界嘅路上，唔會遇到佢....」

眾人沉默了。

「所以我哋要加快速度！」齊格菲一口就把肉乾吃掉。

「呢條村入面唔係有馬咩？攞晒啲馬咪得囉！反正啲人都死晒啦！」齊格菲指著仍在馬廄裡的馬匹們。

炭治郎一聽，馬上出言反駁：「唔得！雖然啲村民死晒，但係我哋唔可以攞佢哋嘅財產！要將啲馬放走！」

「我知你好心！但係喺處理緊要嘢嗰陣好心，就係好心做壞事！」齊格菲從腰囊裡拿出另一塊肉乾。

「齊格菲你講得啱！」伊之助站起來向齊格菲舉了個拇指。

「炭治郎，我明你意思，但當務之急係要搵番去現實世界嘅路，我相信你喺現實世界裡面係有對你嚟講重要嘅人。」龍文君一口氣就將一瓶「寶礦力」飲掉半瓶。

「我同阿望佢哋都有，所以唔好俾啲小義去影響大義。」龍文君說。

炭治郎見龍文君之言頗有道理，便聽從齊格菲的意見。

午膳過後，炭治郎等人便前去馬廄取馬。

炭治郎等人安好馬具後，就上馬趕路。

經過一個下午的路程，炭治郎等人抵達群山之下的森林前。

由於即將入黑，炭治郎等人便在森林裡紮營。

炭治郎等人起了一個火堆並且圍著它坐，然後就享用晚膳。

晚飯過後，田信望說：「大家輪流守夜，一有咩依郁，就叫醒晒訓咗嘅人。」

於是炭治郎等人就開始討論如何分配崗位，最後炭治郎和田信望自動請纓，做第一更的守夜人。

炭治郎和田信望在火堆旁抽出兩枝燃燒中的柴枝，作照明用。

炭治郎二人圍著營地的外圍走。

炭治郎用他超靈敏的嗅覺去偵察有沒有「鬼」的氣味。

田信望一直將左手放在「壓切」的刀柄上。

就在二人一組的輪更替換下，很快就去到新一天。

炭治郎等人吃完早飯後繼續上路。

就在進入山路的時候，炭治郎等人就下馬，牽馬步行。

那時，炭治郎突然嗅到一道未曾嗅過的氣味。

「好特別嘅烏鴉氣味....！唔屬於呢個世界同現實世界....！」炭治郎到處張望。

擁有超強聽覺的善逸，亦都聽到未曾聽過的聲音！

「係烏鴉！」善逸望向聲音源頭的方向。

「但唔係『鬼殺隊』嘅烏鴉....」善逸一直望著同一個方向。

田信望很快就察覺到炭治郎和善逸的異樣，於是便問：「炭治郎、善逸，有咩發現？」

炭治郎停了下來，回答說：「我聞到一陣好特別嘅烏鴉氣味....」

「我都聽到烏鴉嘅聲。」善逸說。

田信望等人亦停下來。

「烏鴉姐，有乜咁出奇姐。」齊格菲說罷，提步繼續走。

「唔係普通嘅烏鴉....係....」炭治郎登時想不到合適的形容詞。

「咁就繼續行啦。」易蘭亦提步走。

炭治郎和善逸見同伴們不在意，便把烏鴉一事藏在心裡。

炭治郎等人在黃昏的時候抵達山腰，並且找到一個山洞，他們就進去休息。

「好在有個山洞....如果唔係今晚要食風。」齊格菲拍拍雙手。

入夜後，山上的寒風越刮越大，溫度亦直線下降。

呼嘯的寒風吹進山洞內，教聽者全身哆嗦。

炭治郎等人很快就建造出一個火堆取暖。

火光照亮了整個山洞，令炭治郎等人可以看清楚洞內環境。

炭治郎等人圍著火堆坐，並且拿出由村民奉獻的水、糧，互相分享。

在用膳的過程中，炭治郎等人互相交談。

「炭治郎，點解你同善逸仲有伊之助先殺到『鬼』嘅？」毛澤東問。

「因為我哋身上戴住『日輪刀』，『日輪刀』係由喺陽光山上不斷吸收陽光嘅獨特礦石整出嚟。」炭治郎握緊「日輪刀」的刀柄。

「可唔可以俾我睇吓？」易蘭問。

炭治郎二話不說，直接將自己的「日輪刀」傳給易蘭。

易蘭接過「日輪刀」後就拔刀出鞘，細看一番。

「好刀。」易蘭將「日輪刀」還給炭治郎。

炭治郎將自己的「日輪刀」放在膝旁。

「你哋越講我就越㷫烚烚！」齊格菲興奮得咬緊牙關，站起來高呼：「真係好想同鬼舞辻無慘打啊！」

「仲有本大爺我！」伊之助亦站起來。

齊格菲和伊之助互相對望一眼後，就彼此走近，擊掌大笑。

「係喇，齊格菲大哥你嚟自邊度？」炭治郎問。

「我？『艾澤拉斯』！」齊格菲向拇指指向自己，語氣相當自豪。

「『艾澤拉斯』？」炭治郎一臉好奇。

「嗰度係一個好正嘅地方！乜嘢都有！但就係成日都要開片咁解姐。」齊格菲雙手叉腰。

就在那時，善逸突然聽到洞外有動靜，膽小的他以為是鬼舞辻無慘來到，於是便站起身來，跑到炭治郎身後躲起來，大叫：「鬼舞辻無慘啊！佢喺出面啊！」

炭治郎等人一聽，先是呆了一秒，然後全部人馬上拿起武器，站起身來，面向洞口。

一個高大的身影逐步進入炭治郎等人的眼簾。

炭治郎定睛一看，發現來者並不是鬼舞辻無慘，而是一個碧眼啡髯、身穿厚衣的大漢，那大漢雙手分別拿著圓木盾和短柄斧。

「以眾神之父之名，殺晒你哋....！」大漢語音未落，就衝向炭治郎等人！

待續

內容重複咗

認真比個建議，不如你重新開過個post，我諗因為啲人之前真係等得不耐煩所以放棄再追你個故（例如有時你話嗰日出故，但過咗兩三日都冇出到，啲人本身由期望變到失望，成日都係咁，後來咪唔再睇你個故）

但你重新開過個post有個好處，首先新post可能會多啲人見到，第二就係，你已經寫咗唔少段落（但都係得幾頁，你自己睇下有幾多讀者），你重開post，就算係post返一樣嘅文，咁都可以穩定返出post個時間，又可能吸引到新嘅讀者