Ch.13
李佐等人入城後,鍾伊健先是安頓他們,再告訴城內的人,李佐等人參與過救人行動。
於是城內的人紛紛自發性帶李佐等人到去酒館裡用膳。
李佐等人終於可以好好休整,而鍾伊健等人亦前去旅館休息。
一路上,李佐等人互相交談,唯獨是常為義雙手交叉胸前,默不作聲,仔細地視察城內的環境。
當李佐等人去到沒有酒客的酒館後,便選了酒館內最長的長桌。
常為義坐下的時候,炎明熹四人同一時間坐在他的對面。
炎明熹四人定睛一看,才發現常為義就坐在自己的對面。
炎明熹四人便對常為義露出厭惡的表情。
常為義見到炎明熹四人的對自己的表情,就冷冷地「哼」了一聲。
忍受不了常為義的姚焯菲便開口說:「不如你坐第二度啦....」
常為義用那冷如寒冰的語氣問:「點解我唔可以坐喺呢度?」
「因為我哋見到你個樣就食唔落嘢啊!」鍾柔美站起身來,怒罵常為義。
「喂!你哋唔好喺度亂講嘢喎!」艾倫亦站起身來。
「佢個樣無問題喎!做咩姐妳!?」愛德華反問。
「佢個樣無問題!?你係咪盲㗎矮仔!?」鍾柔美對愛德華高聲地說。
愛德華一聽到「矮仔」這兩個字,馬上變成被引爆了的炸彈一樣,站起身來拍桌怒吼:「講還講唔好人身攻擊喎!妳哋個樣又好好睇咩!?」
「起碼好過你同佢囉。」炎明熹冷冷地說。
「妳哋好過份喎!越講越離譜!」艾倫亦都發怒。
「一係佢走,一係你哋同佢一齊走。自己揀。」姚焯菲雙手交叉胸前。
「妳哋係咪俾啲半獸人屍體嚇到傻咗啊....?」步上天皺著眉頭問。
沉默已久的常為義突然站起身來,走到炎明熹四人身後。
當炎明熹四人欲開口罵常為義時,常為義突然出了一記又快又重的拳!直打鍾柔美的右眼!教她的右眼暫時失明。
接著,常為義一手捉起姚焯菲,狠狠地將她丟向吧檯!
其餘未站起身的人見狀,紛紛站起身來。
常為義連忙捉住炎明熹和詹天文的頭,然後用力對撞!
「你痴咗線啊!?做咩打自己人啊!?」左勾拳指著常為義罵道:「就算佢哋講嘢過份,都唔應該咁㗎嘛!」
常為義冷冷地「哼」了一聲,回答說:「如果有任何人因為我嘅樣貌而踐踏我生而為人嘅基本權利嘅話,我係唔會同佢客氣....」
「樣衰無人權啊!你聽過未啊!?」李佐一臉怒容,用長槍指著常為義。
「你要怪就怪你父母基因唔優良,生到你咁!而唔係走去反抗!」趙天龍指著常為義怒罵。
常為義瞪大雙眼,望著趙天龍,語氣低沉地說:「你再講多一次....」
頓時間,酒館裡的空氣充斥著濃厚的火藥味。
就在那個時候,有一個身穿武士服、腰間配著一把武士刀的中年男人走入了酒館。
「大家好,我姓柳,名偉宗。或者叫我『柳生』。請大家多多指教。」柳偉宗掃視了酒館內部一眼。
眾人的注意力紛紛放在柳偉宗的身上。
「我頭先喺門口度已經聽到你哋嘈交嘅內容,班女仔係抵打,但係未至於咁重手。然而有兩條友仔嘅價值觀錯到離晒譜。」柳偉宗頓了一頓,續道:「不過麻煩打人嘅嗰一位,扶番起被打嘅女仔起身先,事關我有重要嘢要講。」
常為義思考了數秒後,便聽從柳偉宗之言。
而李佐和趙天龍則一直瞪著常為義。
當炎明熹四人被「安放」好之後,柳偉宗就開始他的宣佈:「宜家嘅情況係所有喺城郊嘅農村都俾班半獸人襲擊,村裡面所有嘅男性同老弱都俾佢哋殺死,而後生嘅女性就俾佢哋捉晒。」
「城裡面嘅守軍呢?」常為義問。
「全部走晒佬。」柳偉宗回答說。
「既然有城市,咁即係有政府。你哋有無通知所屬嘅政府?」常為義再問。
「佢哋比守軍走得更快,所以座城嘅控制權喺我同伊健佢哋嘅手中。」柳偉宗回答完常為義,便隨意地走到其中一張酒桌前,然後坐在桌上,續道:「班半獸人隨時會嚟攻城,而城內嘅戰鬥力只得我同伊健佢哋,同埋你哋。」
「咁附近仲有無其他嘅城?」常為義問。
「有,但要行成一、兩日。」柳偉宗回答說。
正當常為義欲開口說話時,有一個年輕的男居民突然衝入酒館高呼:「又有女人俾人救咗喇!」
柳偉宗一聽,當場緊張起來,問:「係邊個救咗佢哋?」
那年輕的男居民吞了一口口水後,便回答說:「九個著住綠色裝備,揸住長條型嘅武器嘅男人、一個揸住紅色劍嘅男仔、一個拎住斧頭同鎚仔嘅大隻佬、一個魔法師同埋一個生得好矮,成個人咁嘅動物!」
「即刻帶我去睇吓!」柳偉宗說罷,便跟隨那年輕的男居民走向城門。
清醒的人亦都跟著柳偉宗二人,唯獨是熊天馬在酒館裡看守重傷的炎明熹四人。
然而那時,熊天馬的心裡開始敵視常為義。
待續