247 fitness
簡介:開創香港二十四小時健身室先河嘅始祖，用特許經營嘅方式短時間擴充成為香港最多分店嘅健身室
相信應該係最多會員既gym
優點:價錢合理
分店多極方便，出開街搵個地方等人嘆冷氣屙個屎都非常方便
比較多後生仔女，可以操埋眼睛
缺點:可能因為特許經營嘅方式，唔同分店嘅老闆有機會根本唔係健身人士，唔太明真正健身嘅人嘅需要，所以場地質素其實參差，真係有質素嘅其實得幾間，其他純粹係有barbell同升級版嘅康文署
繁忙時間非常迫
Go24
簡介:老闆係個健身鬼佬，同247唔同，知道真正健身人士嘅需要，所有分店明顯比較有風格同氣氛
優點:所有分店質素都好，適合所有目標嘅健身人士！
多勁人，可以偷師，訓練氣氛極佳！
缺點:24小時gym嚟講，價錢偏貴
分店少，total 得7間，唔太方便。地方冷門，唔少旺區都無分店
Anytime fitness
簡介:美國牌子，全球連鎖既24小時gym，喺香港都係用特許經營嘅方式營運。一卡在手全球通行！
優點: 因為特許經營嘅緣故，所有分店嘅風格都係一樣，但質素就比247好，個感覺好明顯係美式健身室風格，機都用名牌靚野，同go24一樣適合所有目標嘅人健身！但個氣氛就冇go24嗰種別樹一格
全球通行，去旅行或者公幹都有得做gym!
分店唔少，已經發展到旺區甚至唔少住宅區都開始有分店
缺點:價錢稍貴，貴過247
品牌喺香港未算佔有率好高，比較少後生仔女會員
Pure
簡介:香港最貴價最高檔既連鎖健身室！分店質素好！
優點:直程係名牌，分店質素好，極舒適健身環境！同女女講係pure操即出水
分店都算係方便，但主要係旺區
玩埋瑜珈直程係身心同眼睛享受
缺點:貴！
唔係開24
有時會有暴發戶會員都幾難頂！
Physical
簡介：堪稱香港健身界小強，執咗10幾年都仲喺度！可以話係臭名遠播嘅健身室！
優點:平，平到有啲難以置信，但當然平嘢冇好嘢，佢哋會諗方法喺其他地方賺返你
尚算方便，分店都唔少
缺點:地方污糟
啲人質素垃圾，健身設施殘缺不堪
多sales，無時無刻都想撩你講嘢，吸你血
