下半部分
製品部門 意即整game再發售
林林總總講返自己依個時期發售咗D乜 唔算係重點
重點係最後果句
銷售額132百万円 成百万円睇落好似好多 但再睇左DD
同上年同期比係跌咗 其實唔係今次先跌 早於2020年開始已經跌緊
其中跌得最勁係發售創軌果個年度 跌咗成30%
問題嚟喇 每年都跌緊點解仲賺緊錢維持日常開支?
咁就要歸功於ライセンス部門 或稱 IP授權部門
IP授權部門 主要職責係
將自家遊戲授權外部公司(如云豹)進行多國語言翻譯
或 批出自家IP畀其他公司整遊戲(如空軌羈絆, 乜乜online)
或 TV動畫 手辦模型
或 手機遊戲嘅聯動合作
先講銷售額 同上年同期比係升咗 而且差唔多近幾年都升(2020除外)
賺嘅錢幾乎係製品部門嘅10倍
跟住再睇吓重點 數吓段文字入面有幾多隻係軌跡系列
多到都廢事數
成個IP授權部門幾乎都係靠軌跡系列賺錢
但係長遠嚟睇其實唔係一個樂觀嘅情況
依家軌跡系列仲有人氣 都可以keep到落去
但夾硬拖長嚟做令到玩家不滿 結果反映係銷量上面
到最後人氣下滑 品牌無人問津 到最後就賺唔到錢
社長為咗挽回人氣 承諾會盡快完結軌跡系列
但係完結咗 知名度就會下跌 授權就少咗 一樣最後賺唔到錢
所以F社嚟緊可能會縮短軌跡系列嘅集數 但拖長發售嘅間隔時間
中間嘅時間就會推伊蘇 或 新作 嚟填補軌跡系列完結之後嘅空缺
以上不負責任 不專業嘅分析