我00年出世的
細細個已經係坐係哥哥背後睇佢打機
我記得我仲讀緊幼稚園個時佢係玩aoe2
有時佢會比我玩下 比我打最簡單嘅電腦
除咗aoe2之外 仲有lf2
我會同佢對打或者合作闖關
佢用wasd ghj 我用上下左右 -+enter
仲有玩heat project
佢個時除咗自己玩之外仲會同個fd一齊玩
有時會比我玩下 佢個fd仲會扮對手做靶比我射
依家諗返佢個fd真係幾好人
去到我小一個時 佢有玩一隻叫亂online嘅game
我記得佢隻角色係用拳頭的
佢仲幫我創造咗隻角色係用大刀的
我之前玩個時 成日唔小心將啲裝揼落地下 之後比人執走咗 之後佢就會幫我整過
去到我讀小二個陣 佢就去咗英國讀書
佢每次聖誕暑假返黎都會玩唔同嘅game
我印象最深應該係war3 佢個時係玩信長的
佢有時都會比我玩下 對下電腦
佢淨係比我玩信長 但係我偷睇到其實仲有其他map
係後來我表哥黎我屋企嘅時候幫我裝咗war3
我先有機會玩到其他map 然後war3就一路玩到中學
有一年呀哥係英國返黎 佢係屋企玩lol
我又係佢後面睇住佢玩
到我大個少少就自己download落嚟同佢玩
細個個時就佢carry我 到我勁少少嘅時間就我carry佢
近依幾年呀哥已經少咗打機 要工作要忙結婚
我已經有啲懷念以前坐係呀哥後面睇佢打機嘅日子
有冇人同我一樣都係睇住親人嘅背影打機長大?