分享吓由細到大打機嘅心路歷程

記得細細個果陣 老母喺禁止我哋打機嘅 所以最開始喺偷偷哋玩Asiadog同其他網嘅線上遊戲，例如無個性戰隊，日日放學偷玩都唔會厭。

[示意圖］


後來有一年去拜年，喺親戚屋企第一次玩PS2, GBA 同 N64模擬器，第一次覺得原來啲game可以咁有內容。之後佢比咗隻有GBA同NDS模擬器同 files 嘅USB我返屋企。小學有幾年都係玩忍者龜、忍者刑警丶機戰度過，後來仲上埋平水相逢down啲新game玩。記得細個唔識玩機戰，結果見東方不敗見到有陰影，結果走咗去裝金手指，搞到木馬號可以100%迴避東方不敗啲絕招。

[示意圖］


而N64 模擬器就主要玩Zelda 同 Smash Bros，唔知點解可以日玩夜玩都唔都唔厭。

[示意圖］

小學英文好差，後來小學個第班第一佢升紹咗RuneScape 俾我，因為佢係線上免安裝，唔洗過老豆set嘅系統管理員密碼，我就開始咗人生第一隻MMORPG。隻game 一開畫面好靚，內容好似好豐富，所以我就開睇住Yahoo 字典咁打機。我靠殺牛執牛皮，換咗game入面第一套full mithril。之後我開始做quest，但係involve 更多英文，我開始揾攻略再用google translate 翻譯，後來我開始睇得明啲英文。non member果時，小六俾條Elvarg嚇到賴尿之後，終於做完Dragon Slayer。

[示意圖］


個時喺game識咗個讀漢基嘅friend，佢就share咗個account一齊玩，終於開始咗 member嘅生活。個陣由full rune慢慢玩到full Bandos，仲試過做完While Guthix Sleep就攞到Quest cape。後來我初中同一個小同夾account，最後我哋因為一啲事貪字得個貧，養咗好耐嘅account俾人偷咗，quit埋RuneScape。宜家出嚟做嘢，冇再玩RuneScape，但係會追吓佢啲新quest，因為個Lores 都幾好睇。

[示意圖］

跑online

去到中一暑假，Team Fortress 2 變咗free-to-play，就down咗steam開始玩。隻game玩到咁上吓就開始課金買Key，收藏cosmetics。之後因為一啲事神隱咗一年玩單機game，有COD, prototype 同 Assassin’s Creed。升中三果年，我又回歸Team Fortress 2，喺一個server識咗班之後一齊班十幾年嘅朋友。我哋開頭用Skype，之後轉用RC再Discord，kind of 見證呢啲平台嘅變遷。

[示意圖］


單機game嘅話，我玩埋Assassin’s Creed 嘅 Ezio 三部曲，Ezio嘅人生可以話係我嘅政治同人生啟蒙。我又玩完COD MW3，見證captain price 一隊人嘅生離死別。其他個人覺得優質嘅game包括Fable, Witcher 2, Dead Rising 系列 etc.

[示意圖］

中五差唔多DSE 果陣諗住閉關一年，暫時闊別個群班friend。點知中六出咗GTA V，結果study leave 都玩緊GTA Online，一班人咁食大餐飯真係好正。

[示意圖］


去到大學同出嚟做嘢，因為讀書做嘢，少咗打機，多數都係夜晚同班friend吹住水玩LOL。我記得細個玩LOL果陣逆風同輸game會好燥底同爆哂粗，宜家鳩玩散步咁玩，比班台仔串都冇咩嘢，反正志在同班friend吹水。大個都少咗玩打單機game，一嚟好似啲game口味風格轉哂（Assassin’s Creed幾到Dark Soul咁），二嚟人大咗覺得孤單掛。

[示意圖］


呢排見啲friend飛哂去加拿大，但大家仍然可以跨越時差喺game重逢，其實打機從來都唔係啲家長諗得咁差啫?

[今朝睇完有感而發］
https://youtu.be/L-95oyzcuws

歡迎各位巴絲分享吓打機得到過啲咩

以往打online game見啲人可以多開，自己就買張月卡都要求屋企，仲鬼死咁有罪惡感
後期多咗pay-to-win，見到啲土豪裝備寵物永遠最勁最新，PVP頭幾名來來去去嗰幾條友，覺得好羨慕
當時同自己講，到我返工搵錢後，我都可以變到佢哋咁
成為ser內高手，做PVP第一，人人排隊約我升lv刷任！

到我卒之大個仔
Online game嘅黃金歲月已經落幕

以前冇錢課金 見人哋啲裝勁靚 好羡慕

玩online game出黎同d大人交收係最撚刺激
巨商出黎網吧交收買左$200 錢
仲有亂online $500 買ac, 唔夠兩日比條友爆鳩返
入pw 見到密碼不正確成個人慌哂, 真係慌哂

我果時發現RuneScape個Acc俾人hack 咗 都 sad 咗成個月 話哂都比咗好多時間同心機落去

wow 我都有玩 但冇member 個陣覺得冇member好多限制

你做哂non member 啲quests 就自自然然會諗辦法做 member

利申 初中冇信用卡

所有online game
一開波：我要升到好勁秒哂啲怪

升到三四十lv：屌，係咁重覆打怪升lv好悶，棄驚

細個唔係好覺 諗得好簡單 反而人大咗就諗到打到好高 level 啲嘢都拎唔到返現實 不如打少啲機

成長係咪令人諗嘅嘢複雜咗

樓主咁細個個陣就有nds模擬器？

改漏咗 N64先啱

我又係初中玩 不過只係玩左一年左右 個陣唔識上網搵料 好多問題鋪上神秘面紗 反而令隻game更引人入勝
好似我到而家都唔知入到森林pvp場點先執到死左玩家既裝

Research 完啲英文好咗 A住英文咁小學畢業

巴打是咪講緊Bounty Hunter，我記得中間有段時間wilderness 唔俾PvP

細個已經隻隻驚都諗，點解要整到隻驚咁多重覆又重覆，十次八次冇所謂，但升1lv要打幾千隻怪

後尾轉玩單機驚，個劇情令我比較有動力升lv，而且單機可以開老金，跳過個重覆嘅過程

好嘅劇情/遊戲性可以俾到滿足感自己，得到精神上嘅歡愉，有時從作中感受到作者或角色嘅思想會影響到我做人嘅思想
我會覺得咁樣係拎左啲野返現實

代價係個人諗野比較中二病

細個反而覺得每次升到神裝果下，好似去到人生巔峰咁，赤手空拳都秒啲怪好有霸氣

我都同意大個咗反而覺得啲game好似睇戲，又啲takeaway。例如spec ops the line，世界好複雜，人性好醜惡。



巴打玩咩覺得中二病?

去到Runescape都同你一樣
之後係玩War3, CS, Lol

細個中同，打機果班都識左十幾年
果份友誼係最真

跑到得拖鞋就quit咗

成班人鳩up咁打機 TK都好多歡樂

同意樓主

不過年代唔同 而家啲驚充滿住課金 速食文化
啲小朋友未必會得到我地細個打機得到既野
見啲小朋友玩埋啲手機驚
都唔會有我地細個學到咁多
如英文 打字

是的 我寫個陣都覺得時代變咗 好多有特色嘅game都商業化都好主流咁