馬鞍山樓比較(4)

係㗎，間房靜都好重要㗎，
三房單位全部都有走廊(應該係除非唔係), 所以一路覺得有走廊先正常

咁又唔一定，有啲三房都玩兩邊房嘅，有人鐘意因為小半條走廊實用啲，例如名城 新港城五期最大個隻

弧形好易入水 特別打風

走廊放到鞋櫃？咁都幾闊下 同埋我諗沒咩人會將鞋放到咁入 一來麻煩 二來污糟

如果海栢呢隻入門口個走廊唔似放到鞋櫃


反而另一隻少左個走廊彈性大好多實用啲


大家呎數差不多，下面個隻走廊位少啲，房個邊都係短啲

如果係實用400尺樓下，你就會想愈小走廊愈好

如果係下面隻則，大家個鞋櫃會放邊？
個鞋櫃會唔會好近飯枱/ sofa?

上面隻則個鞋櫃起碼可以靠長身牆嗰邊，同個飯枱有返啲距離。

利申 其實之前個comment 係比較緊新港城大兩房vs 眼鏡則。

覺得海栢下面隻則都好過眼鏡則，真心覺得眼鏡則難用。

講緊大門入屋嗰個走廊(應該叫玄關？)

有朋友住緊名城呢隻則，個主人房同小朋友房隔太遠，結果小朋友6歲都分唔到房瞓，要同父母瞓埋喺主人房。

呢隻則一樣係有大門口嘅走廊位呀。

上面個隻你點靠牆放鞋櫃？全頂住出入架喎

下面個隻梗係好架，多六十呎同lump sun 貴啲嘛上車盤最緊要出貨快嘛，住三五年就換

三百幾呎單位鞋櫃sofa同飯枱點放唔會隔好遠，唔洗膽心

百貨應百客嘅

如果啲房同邊咁緊要咁咪買番同邊囉

只係事實上兩邊係會節省左走廊位，有人鐘意

係 叫玄關

上面都放到既 下面反而唔知點搞

點會放唔到，無人叫你頂住度門

其實都難架，因為會頂住出入，鞋櫃唔可以太近大門，除非拆左個廚房做開廚，咁可以近少少

而其實個櫃都係對住飯廳

其實你係咪玩膠，正常你唔放鞋櫃，呢個位點都會放下儲物櫃組合櫃……
根本呢個格局嘅則係極度常見，兩房三房則都常見，唔好為反而反啦。

我邊有反反邊個位

得你話五門歸心難用

我只係客觀指出海柏隻則有走廊點都食左啲位亦唔係特別易用，點都唔夠眼鏡房用得盡啲空間

例子
https://www.midland.com.hk/zh-hk/property/新界-馬鞍山-馬鞍山中心2座高層C室-M301185436

改左廁所係廚房入，成七尺廳，電視都放到大部同三人梳化，仲可以偷廚房牆造鞋櫃

https://www.midland.com.hk/zh-hk/property/新界-馬鞍山-海栢花園3座中層C室-M350674419

呢隻389 都好用，成牆造櫃因為無玄關

https://ps.hket.com/article/3260824

404呢隻就算變左開廚，玄關都放唔到櫃因為會頂住出入，結果鞋櫃係梳化隔離

點睇404都似係三隻最難用，但呎數最大

銀湖都幾勁 無咩點跌價

放到 可以擺上近門 唔阻開關門就得 只不過呢個位經常要出入廚房就會窄