正式拍過7次拖左右,最後一次係3年前散咗
以前我都好幾外向,每個月都去船p,飲酒,一大班人
當中試過畀d大隻/外型唔錯既男仔呃上床 , 但個陣細個 , 唔覺得有問題
呢幾年肺炎期間少咗出去玩,多左留家睇書
可能心態隨年紀變大而變啦, 而家我已經冇興趣去蘭桂芳
同以前玩開既姐妹冇聯絡喇(佢地仍然係成日去蒲)
好 入返正題..
work from home期間識左一個男仔
事緣係跑步,我帶唔夠水,附近又冇補給站,當時天氣太熱,我暈暈地挨住欄杆,呢個男仔就埋嚟俾左佢支水我,同俾一個風扇仔俾我。
之後,我去跑步偶然都會撞到對方,係我鼓起勇氣問佢拎電話,約佢一齊跑步。
慢慢熟落左,了解到佢。
佢性格相當內向,feel到佢好保護自己
可能因為佢細個拎綜援有關..
佢拍拖次數得一次 ,我第一次問佢真係唔相信,佢樣子唔差的~但佢個樣係好明顯冇自信
佢對我好有心,我生日佢會送野俾我,同埋佢都幾多學識
帶我去博物館,隨口都講到好多典故,藝術野知識俾我聽(雖然我麻麻地想聽)
簡單黎講,同呢個男仔出街,係同以往拍拖既男仔完全兩個世界
呢個男仔帶我去行山,去博物館
以前個d就帶我去飲酒
同埋呢個男仔係做公務員,佢唔食煙唔飲酒,放工就自己做運動,標準宅男/連登仔
我做公營機構既,我同佢收入差唔多
我諗我可能中意左佢同佢一齊我覺我好開心,好治癒
問過身邊既姐妹朋友, 佢地話內向男仔唔諗得過,長久落去會悶死我,最尾都會分手
年底都30了,我應唔應該試下同呢個男仔發展?
