點解網吧呢個行業仲生存到?

我記得深水埗黃金，世界盃時有個大電視，成班人一齊睇波，好有氣氛

戰略高手應該算當時較高檔既，的機唔差，環境坐得舒服。小食杯面任飲任食
你可能記錯左，有的套餐價3個鐘、6個鐘、通宵價…

3000蚊行街

有班老泥係冇屋企，當網吧係

你講個啲有特別服務喎

去過啲大場就知就算你見唔到有人食
一出返嚟聞下啲衫同褸總係有浸煙味

邊到仲有網吧？想知以前既黃金網絡同i-one執晒未

聽間係某官員個仔開㗎
當年得佢一間係合法開VR
個條件好似係為佢而設咁
其他VR party room全部俾人拉

真係中學個時先會去

放學同d fd入去扔低錢開波

中間餓就叫碗餐肉蛋出前一丁 雖然野食而家會覺得只係普通野 但個時起網吧一路打機一路食麵覺得好好食

執左咁多都話生存到?

有時係街要hea幾個鐘咪可以去網吧

戰略高手

台灣牌子開過黎，
果時打機凳全部係賽車椅，然後有三文治，窩夫，甜品，紙包/鑵裝飲品，任飲任食，
漫畫仲齊過後來好多漫畫cafe

勁大過百個位，勁舒服，不過五十幾蚊個鐘，
最初玩一晚通頂，第二朝一人放低五舊都咪話唔甘

開頭新屎坑係幾好生意，
慢慢冇乜人，又勁多網吧新開劈價，減到30/hr，通宵180咁上下都唔夠人平，
開始服務質素，衛生，維護都差，
慢慢頂唔順租金都係收哂皮

其實而家ione 果啲都算係咁架啦，
比起之前果啲屋村網吧成台煙頭又壞機，都叫做乾爽舒適啦，亦都係最接近以前戰略高手了

2002年個陣佢有睇波時段收費

而家應該40路大嬸

好懷念當年網吧煲煙打通頂
真係好多回憶

佢應該講緊果啲非連鎖式嗰啲細網啊
真係可以係入面食
一入去果下好似入左毒氣室
一下就知唔係偷食漂出嚟果陣味

4,5年前同fd去玩aoe3 有人問我地玩緊咩game 覺得好新奇

最撚爽係去玩勁舞，識隔離d女add fd加msn

職員：你傻架？

屌你 你以為自己咁樣好醒？

去台灣旅行住過一晚網吧，除咗隔音差之外無得彈

陽光係咪收曬皮啦

廿年前仲有d 奇撚怪網吧場
美孚有間就咁頂左上手餐廳鋪唔駛裝修
個老闆用上手U 型SOFA 卡位就咁SET 幾部機俾人打

個期記得係想玩新出隻Age of Mythology

旺角d 網吧爆哂先去呢間奇撚怪野

當年仲有好多網吧開係深水埗d 鋪頭閣樓 樓底勁矮
明明係做倉都可以夾硬租埋出去做網吧

Btw. 十年前係sogo 對面間ione網吧 見到反智轉身係個度做場務收銀