傢居站訂造傢俬有冇伏？

石搵石佬做

櫃度完就訂

香港人好多訂下牆身櫃就當裝修左

雲石公價幾錢左右？傢居站報$900/尺，做下邊嗰條都差唔多一萬…

我就唔知公價幾多，我試下分析下

當我自己搵人做

整個木殼，裝埋 1工
雲石黎到黐埋，打磨埋 1工

你預呢啲小野搵人黎搵人做一日貴少少，預鬆啲當$2000 ，呢到純人工都$4000，如果設計公司就可能本身有師傅，就可以慳返$1000左右

仲未計你運輸，買料

木料我當你$800應該搞得掂
運輸唔知你啲雲石點黎，你自己預


咁你自己計下。 成本價就咁多， 人地賺你1萬合唔合理囉

搵設計公司做最安全
傢私舖未必同你收口，自己度尺買料9成唔準，想要效果好，唔會訂到落黎又執呢執路，最好搵人設計好，有師傅跟好先收貨

Simplylife 黑店唔洗講，淘寶啲傢俬好多都靚過佢多多聲

利申：我冇淘寶傢俬

你要搵師父做埋收口喎，就算訂櫃都一定兩邊同上下留返起碼2吋唔會做盡，要現場做收口冚返住條隙。

另外你有冇睇過啲面料，傢俬店我見九成以上都用防火板，出嚟效果好多時都好港式，未必係你想像中咁

就算訂櫃都一定兩邊同上下留返起碼2吋唔會做盡
我都覺得好神奇
訂造但係唔貼係咩玩法
（佢哋怕做到啱啱好，到時爭少少入唔到，有extra cost 好麻煩）

你果間問題，正常係貼哂， 佢會去你到，度下你牆同地下啲平水企水

靚果啲通常預10mm 收口，黎到現場線， 如果粗野，又或者你屋企啲牆身同地下離晒大譜，就跟一條25mm既收口條黎到線， 最後剩返1mm至2mm 罅，打填縫膠就起貨

老老實實有冇邊間好推介

冇

自己度，淘寶訂落黎裝

我都想玩下
不過怕有木蝨就仆街
因為一件玩具全屋收皮實比人少爆

CORS
料同設計都靚 而且師傅現場裝會幫你收哂口
但就真係貴 home-square 有現鋪

有冇巴絲試過美森？
上去傾 講到咩都包咁

其實大家覺得呢啲櫃，傢俬舖賺你幾多先合理，唔係你地純粹用價錢比較，永遠淘寶贏


傢俬鋪： 要上門度，包運輸，黎到裝， 包有咩事售後服務， 公司要賺， 做果班要賺


自己度： 自己搬，自己度，出事自己硬食， 懶叻度得fit果啲入唔到就成個櫃掉得，但可以慳返公司賺果筆

跟我果個人做做下突然消失，好似孤兒仔咁不停自己打去hotmail 跟同嘈，之後先話條友無做，又唔講邊個人會跟，度尺度到錯鬼哂，講到明衣櫃做上天花板，做出黎有成一條手指長既gap, 之後又嘈左好耐先求其整個框封左個gap


利申：親身經歷

我用呢間訂廳房櫃，服務幾好，不過價錢偏貴少少，可能我唔識講價

真係想問邊間好就入Facebook 既傢居裝修group 睇人推薦
好多人會分享自己成果或提自己既疑問

係咪有3D圖？跟得足唔足？

有，佢話改到滿意為止，覆得算快

衣櫃幾多呎，最後埋單幾錢？師兄介唔介意分享下3D圖同完成品

心思思想訂，但又擔心佢喺香港冇人跟會爭咁啲

我未裝好，唔知質素點，電視櫃c字櫃床櫃連床通通加埋六萬

如果指明要收口要另外加錢
個人理解係認真少少裝

因為我聽到裝嗰陣時有個師傅屌另一個
大哥你唔好咁求其
陣間我收唔到口