召喚lihkg商用車學神 (26)

想考20，報邊間好？李健，鏗鏘？

咁我細車都係1take
同埋托賴我師傅都算講到
不過我都同意商用車係真係更加明顯啲
可能因為架車大咗闊咗
學細車嗰陣個學生未必明個師傅點解話自己揸到側埋一邊
未必明點解話隻彎轉得唔靚
大車就唔同 一側就壓線 一拎唔正線就撞隔離車
同埋條街啲marking位都好似多過細車
學17師傅會話「到中門就開始扭啦」
18直頭「到前面渠蓋先好攞軚」
細車：「前啲！前啲先！係啦依家扭啦！」

我本身都有閃過過轉師傅嘅念頭
不過我覺得 佢屌又屌得有道理
換著個溫文爾雅 知書識禮嘅
然後下下都「好好好好」或者唔多出聲
咁教我更加唔知自己衰咩
（我17就係咁 我啊sir甚少開口講嘢 都係靠其他導師模擬考試/代堂先知自己有咩可以做得更好）

同埋自己又真係唔係乜牌都冇白紙一張
仲要拎住個17牌 12.8米載客都係咁揸
我係個官都唔會期望條友碌到好似考細車咁啦
只係有時我真係經驗唔夠/心態未夠好
但佢就會肉緊咗 越屌我就越冇自信

其實佢都會講佢想我做到啲咩
但可能就係佢唔多識轉個方式去表達
只會咬住個結果叫我去做個畫面出嚟
變相有時我覺得自己已經做到佢想要嘅畫面
但原來仲係有落差

吊極力子嗰度就真係好想問佢可唔可以熄冷氣吊
明明第一堂feel到磨合點個震
今日係咁撈亂咗架車本身嘅震動
又或者係因為今日多上斜/慢溜所以要再攞得精準啲掛

加油啦
揸車呢啲野真係工多藝熟
我第一堂學重型一樣踩迫力踩到師傅彈上大銀幕

如果極力子腳掣唔掂 專心練三節泊位調頭唔好行路線 慢慢摸熟再出街 練好極力子同迫力你出街會有信心好多

我都係自動波上18
9月尾考
不過我仲未開始學希望都可以好快上手

師兄揸過巴士一定明揸車只要練得多就冇問題，又唔係要揸賽車

加油師兄

唔通你撞正我師傅

https://youtu.be/jIT5Qet4kks

隔咗一日終於搵返條片，如果考重型個車頭唔飛過對面線就係咁嘅效果

宜家已經月尾喎
ching你仲有幾多節學？

姐係黃紙冇得keep返
宜家變咗歷史文物啦

連登果然人才濟濟
宜家應該差未有人考小巴

試多一兩堂 真係唔得就同師傅夾個平日專操調頭
多謝巴打建議

建議你快手上咗一堂先
上完 有信心 最多隔兩個星期再上
當你八月頭第一堂 隔兩個星期第二堂 其實都差唔多八月尾

都多謝你 希望九月底可以同你一齊報喜