老婆反覆感染念珠菌，有乜計？

1.換囇所有底褲，去M&S買白色1set5條嗰啲底褲，你預1個月換一次先，有改善先3個月換一次。底褲用滴露手洗，唔好放廁所晾乾，每次著之前用風筒最熱風吹一次，等佢涼咗先著，有念珠菌嗰期係會有好多分泌，可以用抑菌護墊先，每1,2個鐘換一次。
sex toy情趣內衣掉得既可以掉，唔想掉既浸滴露5分鐘然後用水沖洗（比例跟衣物/浸浴都得）
2.你同佢一齊睇醫生，睇婦科+種菌，寧願貴都一定要睇婦科，一定要等有結果先用藥，我試過幾個醫生睇我都話係念珠菌，種咗菌又話無問題，最後睇婦科先知係細菌感染。
3.等結果嗰期可以用滴露洗外陰先，唔洗好多滴露，跟佢浸浴嗰個比例就可以
4.食女性益生菌，iherb fem嗰隻，一日2粒飯後食
5.食cranberry supplements，iherb跟最多人買嗰隻都得，一日三粒飯後食
6.呢一個月著裙，唔好著打底褲（記住個目的係通風）
7.飲3L水，平均分開慢慢飲(目的係多啲去廁所沖走啲菌）
8.呢個月停任何甜野凍野（壞菌好鍾意甜，唔食甜可以餓死佢）
9.盡量早訓保持開朗
10.喺街去廁所自己拎紙巾，去廁所之前消毒雙手，唔好坐廁板，掉張紙巾入馬桶防止佢淺水
11.唔好用有香味紙巾，去小便印乾，唔好向前向後擦

利申過來人，因為同屋企人一齊洗衫傳染咗俾我，本身自己係好注重私處衛生，無諗過咁都中，不過依家已康復同埋有一段時間無復發過