冷氣討論 (3)

我依家係想test 如果我想要室溫24度，80尺用呢部機有冇過大。回風23，室溫22.x, 出風溫度由12度升到22度，幾分鐘後出風又降到12度，我可唔可以推論如果我只吹24度，呢部機係過大？

想請教下 個客飯廳長方形 2百呎多D 西邪
裝分體機係咪用2匹半穩陣??

屋企部窗口式用左十幾年，有冇可能換得返分體式

想問吓，我屋企個廳約400尺
而家用緊2.5匹P記窗口淨冷
平時開Low cool 第5格
已經好夠凍
有時仲要落返去第4格

咁如果我下次換機(窗口機)
係咪換2匹已經好夠用？

定係要換返2.5匹？

3/4窗口變頻有冇推介房用

筆直四千內

睇下有幾西，有冇開放空間，隔熱措施做成點，如果2匹淨冷就揀gk18，但留意機身325mm, 睇下離天花夠唔夠位，如唔夠位，就要裝大金ftkc50

不過大金ftkc有個問題係冇左右自動掃風，基本上要搭風扇用，最後一個選擇就gs18，但就420外機

變頻2.5匹窗口機

想問下 屋企用緊開利42KHG022DS 上年6月屋企人買
平時set開25度 見佢個溫度係30分鐘左右就跌到25度
但佢後面部機都係全速轉左3-4個鐘先肉眼可見既減速係咪正常
平時7點開 大約去到11點幾先見到肉眼可見減速
但一較高到26度 就好快肉眼見到既減速

依種情況係咪正常

廳部窗口機13年仲係好凍
但係最近比人投訴滴水
掙扎緊成部換左去
定係剩係搵人維修搞掂滴水問題就算

屋企得230尺向西南，用三菱分體1.5變頻淨冷都好似唔夠涼，係咪因為1.5匹太少，所以正常？

230尺係一個空間定點
冇廁所？
有冇平面圖

咁樣

你呢度個廳大約170尺，廚房原裝有門？
向西南一定要做好隔熱，遮光窗簾，關晒廚廁門，開風扇，一開機用fast cool.
你用個溫度計(最好有埋濕度)度下出風幾度，可以簡單判斷下機問題定環境問題

pan 記窗口冷氣機壞左老鼠尾，開左去10再教番去1都唔識停冷動器
想問可以打去叫PAN記師父上黎整，可以點同佢講？老鼠尾是咪會帶埋黎的零件，定是要訂?

我正式宣佈，鑊頭牌新550 r32機，全方位垃圾。
想知聽日再講，我依家好撚嬲

頭先部窗口機自己熄咗，個曲架制啪咗兩次先著到，之後較細啲冷氣到而家都冇事，係咪個曲架制壞壞地？

咩事咁勞氣

鑊頭牌姐係咩

你鑊頭除咗鑊，仲會擺咩煮嘢食架？

pan

先講結論：部機性能冇問題，係program出事。
啦，今日講下鑊頭牌新款r32 550 分體我測試時遇到嘅情況，實屬土炮測試，非專業，有專業人士歡迎指教。
測試對象，1匹in 80尺房，窗向東北，唔拉窗簾室溫30.x度 , 拉窗簾28度。
可用追故mode睇返#203開始, 我最初觀察係部機好撚大風聲，好嘈，好食電，不舒適，日頭開24度竟然low cut. 我測試完都係維持呢個睇法，機性能冇問題，係program出左問題。

呢部機標嘅input power係225w to 1030w。
首先我第一次開己覺得2格風以上部機好大風聲，根據我測試，係因為部機2格風及auto fan 被鎖左約最低350w input。

除左quiet mode, 1格風外，用auto, 2格或以上，等極都冇錄到低過340w.

用powerful, 錄到最低出風係9.5度

對比另一牌powerful最低出風5.1度。
假設製冷量=k x 出風溫度 x 風量
咁我推測，鑊頭牌powerful 係用大風量去製冷，所以點解會覺得大風聲，嘈。



呢張5.6度係鑊頭牌16度quiet mode 下出風溫度，回風21.3度，溫差約16度，即係佢機性能其實係唔錯。

再睇下powerful 可以跑到成1234w, 比佢標1030w高，其實製冷能力冇問。



呢一張係7月20日功率對時間圖，設定為24度1格風。
先睇0118前面2次cut 機情況(功率突然跌到接近0w代表室外機停止製冷，只有室內機吹風，我簡稱cut機)

呢張圖第1次cut機，設定係24度2格風，可以睇到由370w, 直接cut機跌到近0w。第2次2330，設定轉為24度auto fan，一樣是350w多直接cut機。睇返最上面整晚功率圖，1格風係可以穩定行250w左右。但其後1格風穩定行緊250w，轉設定為auto, 2格風或以上，都係跳去350w以上，等左良久都係唔會跌，會直接cut. 所以，我覺得auto /2格風以上係好似鎖左最低350w咁，如果你開2格風/auto，就會一直行350w ，cut機，行350w , cut機 loop, 因為呢間房維持24度，350w input製冷太高. 睇返全晚功率圖，維持24度250w input己足夠，全晚只cut了2次。
你全晚行350w, 一定比行250w食電，由2格風轉為1格風行1晚，該牌app內電費估算大大降低，而且cut機次數只有2次，舒適度唔錯。
但問題來了，如果1格風覺得風力太小，要大風啲呢？你1開2格風就會由250w 跳去350w, 食電是其次，製冷量提升咁多，就會頻繁low cut, 影響舒適度，結果呢間房用呢部機就好似強逼你用1格風或quiet mode 一樣，或逼你搭風扇用咁。
即係如果呢部機，裝去一間需要維持溫度要350w input嘅房，就沒有問題，但裝係呢間80尺房，就有啲問題。


最後我附上同屋另一間房他牌功率時間圖，設定為24度，auto fan對比，呢個牌auto 風係可以smooth下降到260w, 唔似鑊頭牌auto fan 370w直cut。

鑊頭牌呢部機最神奇問題就係auto風行唔到低過350w, 但佢1格風，quiet mode 又行到250w.
目的係咪想auto風大風啲製冷高啲cspf高啲呢？但你咁樣反而更食電，又low cut 犧牲舒適度。工程師，唔該正視呢個問題。