原來買樓仲要畀咁貴管理費，咁買樓仲有咩意義？

哩個問題我都有諗過，到底佢地啲數透唔透明？收既管理費真係等於個管理開支？如果唔係既話佢地有咩權咁樣收人管理費？

我住嗰度每個月都會將d月結帳目，應收未收管理費同銀行月結單貼告示版，有D商廈都會。你留意下。根據《建築物管理條例》，多於50個單位嘅大廈要做核數。經審核財務報表會開會通過。如有需要，也可根據條例附表3的規定，由不少於5%業主要求召開法團會議。

大廈管理盤帳當然唔會一定收支平衡，有時會預留多D盈餘做未來維修，有時因為太多支出搞到赤字。有D大廈會將一部分收到費用入Capital fund/sinking fund/xxx fund。

大廈管理費係for你住宅公共設施日常管理費用，公契（DMC)已經有講明。你住緊個度公用水電，升降機，泳池，電閘，保安人工，清潔滅蟲，公用地方維修，經理人酬金等等。管理費唔係物業管理公司收入，經理人酬金先係。有D盤係按支出百分比收，所以投訴亂使錢。有D設施維修高使用率低，咪嘥錢囉。

物業管理公司會整埋財務預算，預算下年會收幾多管理費同經理人酬金，呢樣亦會開會通過。

所以法團會議／業主會議唔好因為我討厭政治唔去聽，簡單至維修保養續約，通過財務預算，通過審計報告，甚至大型維修及集資都要開會通過。

終於有個正常人