你地仲撐佢既, 不如睇下呢單佢曾經出POST既單位做成點.
呢單工程由上年2月開始, 做到今日(6月中)都未完成執尾工程
1
其實都明既, 內地封關你訂內地傢俬會遲, 但唔係遲成5個月都唔到架?
OK, 又當你真係遲落到貨, 咁現場野唔駛攪咁耐掛, 水電油漆攪左4個月? 大門"又"做錯方向 (係啊, 又做錯), 夾硬隻大門左右倒轉, 大佬啊, 大門開口方向有斜口位架, 唔係90度直角架....結果新門既門邊俾你攪到爛晒, 遲D仲要可能開關門都有問題.
然後你叫人入伙都要人地住到先得架....個場成個垃圾場咁叫人入伙先....
冷氣機個窗口位又唔留足夠位置安裝, 大佬你唔識仲問下D冷氣師傅先間幅牆LA...
人地真係成個夏天開住風扇過啊....夠環保啦...
做傢俬尺寸又係錯到離晒大嫂, 個電箱己經做好架LA, 都可以撞到D木骨位, 成個櫃夾硬据個洞位出來, 電制MARK埋位俾你都做錯, 抽氣扇明知假天花做幾高架, 又係唔理, 機照裝天花骨照落, 宜家想拆出來洗可能要拆晒個天花先清潔到.
上面講既都仲係部份問題, 然後油漆都未做完就清地下保護, 中通板穿左又唔補, 攪到個光面地磚花晒, 唔知以為二手屋裝修. 訂門來到又係錯款, 咁老早睇款做咩? 不如求其做算LA....
講開傢俬, D傢俬尺寸同料又係有關問題, 錯尺寸, 關唔實D門, 爆邊....明知幅牆唔正, 裝個櫃裝到斜晒都唔理, 要個客講有問題, 先同個客講因為幅牆唔正所以個櫃門自動開? 你地唔係較好平水先裝吊櫃既咩? 個櫃會唔會有日跌落黎架?
然後個櫃桶竟然俾2分底板我做底? 咁我放重少少都唔得LA...又夾硬裝D L角固定算數.....
其實成單工程, 良心裝修佬無出任何合約, 只係俾左一份簡單既報價就開工
一單三十幾萬既工程, 用左接近半年時間, 會唔會係做到咁呢?
原來魔鬼在細節, 之後有咩事就話合約無包無寫
咁合約內寫用膩子灰批牆WO, 點解會變左批牆灰?
油漆又唔係做得好, 未完工就話要清野做, 睇相都睇到有色差, 仲叫客人自己睇有無問題? 唔係你應該自己檢查一次先叫客人睇既咩? 咁你角色只係收錢?
收錢果時就話差幾萬會周轉有問題, 你野都未做好就話有問題, 咁你點人信你D師傅同廠無問題啊? 你同D拍檔又唔睇又唔跟, 只係識將D野做錯然後要番手再番手執漏.
然後成日出POST做廣告, 但係又唔係整好晒成間屋咁去影相, 點解? 因為成間屋得一個位做好咋!
其他位置仲係一堆二堆垃圾同未執好既地方
然後真係講下你點樣對你既支持者, 一直當佢地係水魚, 你要做黃店KOL無問題, 但唔好消費佢地好嗎? 你自己接單工程返來唔識做, 搵人判來成單做, 但又叫人地唔好開名? 仲要叫人唔好用靚野, 因為D客見個價錢貴就唔做. 賣人地產品又當自己野? 黃店唔係俾你咁消費掛? 最仆街係自己唔跟地盤, 叫人影相俾你當你去左, 然後用來搵工程JOB? 你會唔會賤左D啊.....
然後去你PAGE留言叫你唔好消費DAY 既POST, 你個PK秒速刪我留言同BLOCK我ACC?
做到咁內地公安咁既? 咁你不如改名叫公安裝修佬啦!