，我都係Kongner社群裡面其中一位弟兄黎，見到你都好有心機去推Kongner嘅Post，睇得出你都係好嚮往Kongner社群嘅一員黎
。首先係講「守唔守規則」前 (我覺得要唔需要用到「規則」呢個字嘅) ，我地應該探討一下一個社群點解會出現一個Norm。
正所謂人係群居嘅動物，咁人生活喺社會裡面就必然需要同大量唔同嘅人交流，咁當中就會有啲係比較親近，例如 屋企人 朋友等等，我地會同佢地有多啲交流，甚至分享返大家關注議題嘅睇法，咁另一種就係比較功能性嘅，我地成日都會遇到，但只係會落入目的性嘅範疇，例如樓下看更無咩投訴就連樣都唔會記得啦。我地每個人心裡面都會有把尺，去將所有人劃分唔同嘅距離，距離越遠嘅我地認知越少，就好自然會用最「以偏概全」嘅方式去理解。
舉個好簡單嘅例子係，當你唔熟Kongner呢個社群嘅人，只會覺得係一班Too Long Didn't Read、執著一堆阿媽係女人嘅現象，而無咩實質做過任何嘢嘅一群人。相反如果你係社群嘅一員，本身你就會有一個想擁護嘅「共同價值」，而呢種價值會驅使你有行動力去實現某啲嘢，就好似你去落力去推介Kongner一樣。
如果係屋企人/朋友嘅細群體嘅話，我哋都仲可以透過接觸同交流去建立關係，但一個社群--好似Kongner咁--有可能大部分大家都係素未謀面嘅人，大家有住唔同嘅背景、認知、性格、利益衝突等等，大家好老實講都係只靠一種感覺，就從外塑造自己係社群嘅一員，好老實講就會出現常有嘅狀況 -- 都唔知邊個係「鬼」，咁所以就要將大家相對次要嘅分歧，用更加重要嘅理念去包起黎。姐係條條大路通羅馬，但大家嘅目的地都係嚮往住羅馬一樣。咁大家有共同理念、想守護嘅野嘅情況下，就好自然大家雖然唔識，但始終會有住比較近嘅社會距離。
咁回歸返維繫社群最基本，亦都係最重要嘅一點，唔係講話大家要遵守咩規則，個群體先會得而存活落去呢種消極諗法，反而大家係要透過溝通，更加了解「共同理念」係啲咩黎，當中唔止係自己嘅諗法，而係其他人點解會為咗「共同理念」，就好自然去避免做某啲事，咁睇返就好似大家都會遵守某啲規則一樣。
Sor for 講到1999，我用比較簡單嘅例子：姐係好似你入咗一個芒亨(Monster Hunter)遊戲群，咁你本身會入群嘅理由好簡單，就係想同其他人一齊打芒亨啦，咁都係好合理嘅，如果唔係你都唔會入啦。咁你就好自然有以下嘅諗法：「我入Grp當然希望個群好。佢唔好就會氣氛唔好，啲人打機就無晒生氣，無生氣就唔黎玩，個Grp就會關門，關門我就無芒亨玩，你敢話唔關我事？」
咁好自然你就會明白，同埋去遵守返大家唔做嘅嘢 -- 就係避免過多係個群裡面討論太多其他遊戲嘅話題。
咁回歸返正題先，個著眼點唔係「米迦講過咩所以要點點點」，而係我要做啲咩先可以令到呢個群「好」，當中嘅「好」係大家一齊 齊上齊落 嘅行為，當然要齊上齊落嘅話，溝通就係一樣好重要嘅嘢黎。溝通唔止要令人了解自己嘅諗法，當然都要了解點解人地會有呢種習慣。
好多弟兄都會習慣唔喺公開直接拋Kongner嘅名出黎，原因唔係單純因為「米迦講過」，而係大家都明白社群/想推展社群畀其他人，首先唔係道理岩/錯，而係要同人展開「溝通」，就好似以家咁樣
。點解大家會習慣去用自己方式講一次，其實同人有得溝通先開展到下一個階段，如果只係Post篇文出黎，然後留言下面都只係大家嘅情緒發洩 -- 有大把人Too Long Didn't Read，然後睇都無睇過就講自己爽嘅嘢
，其實係完全無太大作用，一黎諗住爽果班人繼續情緒宣洩，二黎其他有心嘅弟兄會覺得唔服氣同人討論，然後又會有人會覺得係冒犯，Block你已讀你，甚至又會無啦啦罵戰
，咁有呢種效果之後，其他唔識嘅人當然會「以偏概全」留低唔好嘅印象。連登雖然係一個討論區，有好多人會睇，但好難做到深入嘅「交流」，「交流」並唔係只係大家有留言就做到，而係對方會有進一步去了解你嘅睇法嘅階段。咁呢個地方會比較多人唔睇人講咩嘢等等，所以就咁Post出黎就算人流多 討論多都無咩太大好結果。
仲有一點係，本身IG米迦可以覆到其他留言嘅人，同佢地有更好嘅交流，但相反喺連登就算真人上黎唔知點信，二黎就算留言覆你，原本留言都未必睇到
(平台問題)，咁已經都係一個難關。同埋有「共同理念」嘅話，其實係唔會曲解原文嘅意思，就算係大家都會「唔明講到明」為止。
