Happy Kongner 討論區 (1)

佢 ok喎難得有另類感覺，唔駛得班麻甩佬

哪有錢，你老母

唯有去隔離channel睇小雲食嘢

引唔到戰reach

廣告channel
之前有條片講焗豬
食完伏到
落完單就用錫兜上
仲話即整

仲有康妍㗎
今個禮拜段片把聲勁溫柔

下次咪放ig嘢落公海啦 米加第一眼都打咗個突 話邊個放佢篇文出去

想問係咩channel

宣傳易channel talkfood
@530

其實joy 姐姐同「分身」係咪同一個人嚟？

係呀！

係咪因為Kongner太chur﹐一直燃燒生命而頂唔順

冇跟開live唔明, 米迦既然咁重視建立社群, 咁有一個原因去俾一班本身唔屬於但有機會加入社群嘅人留意到自己唔係一件好事咩?

Kongner有條好重要嘅守則 就係唔好出去出面撻kongner個朵

我知有咁嘅守則, 但reason唔等於justify
佢有咁嘅守則所以佢有呢個做法係解釋緊個因果關係而唔係採用呢個做法嘅原因

我係問點解咁做, 我唔明點解要搞個社群但只望願者上釣甚至圍爐

姐係咁啦 上面個位弟兄如果係想引導連登仔去理解米加嘅理念 咁copy ig文嗰陣應該順便打埋自己嘅理解 順便揾埋弟兄幫手推／引導篇文嘅回覆

依家佢做嘅嘢就係cnp完篇文 放喺連登 然後由得其他人入嚟亂踩場
所以先有米加喺tg講嘅「係都要將我啲嘢放落公海到」

其實我認同米加嘅post係有討論極大嘅討論空間
但喺連登講野嘅 有幾可會引流到ig下面留言
我諗呢個先係米加介懷嘅地方

上面個位弟兄如果係想引導連登仔去理解米加嘅理念 

我唔識讀心, 但假設有人係想引導某一班人去評論另一個人嘅諗法又好、做法又好, 其實即係帶風向。當然風向可以啱可以錯, 但如果引導到連作者原意都誤解埋嘅話, 點解唔一開始交返俾啲人用自己個腦去諗呢? 引導in any sense我都唔認為比起就咁copy and paste係一個更好嘅做法

然後由得其他人入嚟亂踩場
所以先有米加喺tg講嘅「係都要將我啲嘢放落公海到」

首先, 米迦講嘅係咪就係黃金法則必定要守先? 其次, 換個講法係咪有班陌生人去返佢哋IG/youtube自己敲門上門踩場就得? 咁佢係擔心踩場本身定係有生蒲人白撞?

其實我認同米加嘅post係有討論極大嘅討論空間
但喺連登講野嘅 有幾可會引流到ig下面留言

我就係覺得好多時佢哋做嘅事都係需要回響同討論空間先可以培養到個根, 唔同平台本身就有著千絲萬縷嘅連繫。米迦係介意呢度嘅留言reach唔到去IG, 變咗兩邊齋講冇交流冇意義?

就你嘅三點回應啦 咁你認為引導同唔會比copy and paste 更有用
但米加開得post我相信原意都係溝通 交流嘅姐
咁所謂嘅引導 都係想睇下弟兄同街外人嘅思考 睇下佢哋嘅諗法有幾唔同 有幾valid／invalid最重要係有溝通嘅呢個過程
但copy and paste完篇文 又唔叫弟兄幫手 由得街外人自己隻抽隻 點都唔係米加所諗嘅交流啦
最重要係 你想像嘅「copy and paste完俾街外人自己用腦諗 」 都要街外人肯打返佢哋嘅feedback出嚟
而回唔回應佢哋嘅feedback/思考 就係溝通 更甚者就係引導
畢竟大把可以做引導嘅弟兄 都有喺tg谷到 而且都有連登ac
我相信你所講嘅引導到偏離文中宗旨 其實可能甚微
出事嗰陣 問下米加想點回應 自然有弟兄會喺到講返米加想點講㗎啦

其次就係公海／ig／yt嘅問題
我相信Ching你應該唔熟米加 米加上個直播先講完 以前嘅佢 任何喺佢youtube片下嘅留言 佢都會覆返
再者 你望下ig個post 差唔多個個cm米加都會覆
你覺得米加會驚有陌生人踩上youtube／ig咩 佢梗係樂意奉陪啦
而點解甚咁少post喺公海到出現呀 你估其他弟兄唔識喺連登開post咩
米加concern嘅係 連登個場佢控唔到場 再者佢又唔係有恩與大多數連登仔 佢唔會點理到連登
米加講嘅其實就真係唔洗守嘅 如果你對kongner冇歸屬感／認同感嘅話
但大多數人都會選擇守 畢竟米加諗嘅講嘅都係以kongner利益為重 作為弟兄見米加有咁嘅諗法 自然會肯守

第三點你都講中咗㗎啦 米加寧願嗰個post嘅連登仔嘅留言變晒喺ig到留 都好過喺連登到講 原因同上

問題係, 如果單純係copy and paste嘅轉載而唔加任何意見, 咁其實同你喺IG睇到米迦嘅post一樣係咁原汁原味, 由班人喺下面留言會唔會就叫冇交流? IG可以係呢個形式點解連登唔得?

大佬, 引導唔一定係一個好嘅溝通嚟嫁。好嘅就引導, 唔好就變誘導, 搞清楚你係牧羊人放緊羊定真係「溝通」先喇

轉載人唔係代言人, 冇人有義務亦唔應該要去引導大眾, 亦冇人有資格代米迦去俾咩feedback, 除非米迦本人授權咩人去任意further解讀或者引導喇, 但我諗米迦嘅post未需要好似本書咁要導讀。

不過有一個矛盾位係, 你講到tg好多人可以做引導, 但同時tg又會守住一個莫名其妙嘅守則就係唔share post上公海, 咁咪即係有能力嘅人唔會去做引導, 咁又何來// 我相信你所講嘅引導到偏離文中宗旨 其實可能甚微//
呢個講法呢?

我唔理解點解街外人有意見分歧就叫「隻揪」, 而就算真係隻揪又點解唔係交互論點嘅溝通? 如果係因為爭拗/辯論唔等於討論, 咁呢個情況一樣會喺IG出現, 呢個就係討論者/讀者嘅問題, 就唔係平台嘅問題。

當然連登as討論區好冇討論風氣, 但我唔會認為全部留言都毫無價值, 如果有assumption覺得連登就係everyone else trash, 咁其實呢套諗法都係擺落咩平台都一樣work, 至少我見唔到youtube用戶就真係比較優越。

當然如果你話連登呢個平台, 米迦冇得以阿公account去回應/澄清/控場, 我係理解嘅, 但係就算佢可以回應或又佢揾觀眾回應, 又係咪真係可以制止到一班想為此而回應/討論/爭拗嘅人? 我認為係無可能, 因為呢個始終係讀者/討論者/使用者識唔識溝通、溝唔溝通到嘅問題。溝通唔係三言兩語就學得識, 溝通都要trial and error, 咁連登點解唔可以係其中一個trial and error嘅平台?

再講, 就當今日米迦喺所有官方平台嘅cm都覆哂, 一個社群成長落去, 規模大啲佢係咪仲有呢個能力覆哂cm? 認同佢嘅人都唔會想呢個社群流於圍爐, 我亦唔認為會想社群嘅規模止步於此, 人手睇唔哂覆唔哂係遲早都會發生嘅事。社群終有一日要脫離米迦嘅看管下自己成長, 呢個都係以社群出發嘅考量

守則係應該對社群有利益先要守, 而唔係單單對kongner有認同感/歸屬感所以守, 令其如果社群係咁重視批判同溝通, 咁就更加應該揾更理性更合理嘅原因去決定守唔守一啲規則。

其實你都見到 連登一出完個post之後 就出現咗好似「香江19」 「沈旭輝評論係on9」呢幾個用户嘅留言
你都見到同佢地兩個／嗰種人講都係嘥氣 呢種都係連登特色嚟 所以點解多數唔多想上連登出post就係咁解 佢哋都係想要句 「你啱 唔好咁激動啦 你好有道理」

特別係呢種連登留言 講到都有啲心灰意冷 由以前得米加一個自己出post宣傳kongner 到成個社會運動完咗之後出嘅kongner post 連登嘅討論情況都係一樣 呢個就係點解米加／弟兄唔多想上連登開post宣傳／share嘅原因

至於轉載呢單野 其實無論係米加 黑子 定係其他有流連與連登嘅弟兄 都認得出share post嗰條友係聽開kongner台嘅人嚟
咁佢聽開kongner 又認同kongner講嘅嘢 咁我地expect佢想轉載米加嘅文時 就梗係問過米加點搞先啦 或者可以令下面留言冇咁大戰feel
但最尾都係用咗街外人嗰種copy and paste式嘅share就算

當然 如果今日share篇文嘅係個三唔識七嘅街外人 share咗去fb或者其他forum 我哋都唔會喺下面要提佢唔好撻朵啦

至於米加有冇時間覆唔覆得曬呢啲 都係睇米加想唔想覆嘅姐 佢需要人吹雞嗰陣就會喺tg叫人㗎啦 呢層你真係唔需要擔心

最後就係一個非常重要嘅concept希望你釐清

守則係應該對社群有利益先要守, 而唔係單單對kongner有認同感/歸屬感所以守, 令其如果社群係咁重視批判同溝通, 咁就更加應該揾更理性更合理嘅原因去決定守唔守一啲規則。

我地作為弟兄 匯集喺kongner呢個社群到 唔係因為利益 而係因為認同kongner同米加嘅理念而集合埋一齊
所以作為弟兄 如果做嘅嘢係想為kongner好 就自然會喺落手之前 由kongner嘅角度出發 思考下做嘅嘢對kongner嘅利弊 唔得嘅 問下米加 問下三子 問下弟兄 我相信佢哋會好樂意回答
我相信會守kongner嘅規則嘅人 係純粹認同守則對kongner理念嘅影響 而唔係利益掛帥 就係一件咁感性嘅行為嚟
我地會守 因為我地鍾意個社群 就係咁多




黑子有冇嘢講

首先澄清咗先

我地作為弟兄 匯集喺kongner呢個社群到 唔係因為利益 而係因為認同kongner同米加嘅理念而集合埋一齊

我原句係「守則係應該對社群有利益先要守」, 意思即係社群有益先要守, 而唔係對個人有益先要守。既然你都識得講要「思考下做嘅嘢對kongner嘅利弊」, 要考慮乜嘢先對社群有益咪就係同利益掛帥。我唔清楚你係誤解定矛盾, 總之我認為我哋呢個為冇分歧

認同理念唔等於認同做法, 理念okay唔等於做法okay。我覺得你將 個人歸屬感/認唔認同理念 同 守則合唔合理拉埋一齊嚟講只係綑綁式叫人守norm, 而唔係去justify呢啲norm點解應該要守, 希望你睇清楚啲字之餘都概念區分清楚先。

連登有一堆用戶留言就係唔識討論亦唔會溝通, 係咪代表連登就係一個無人討論嘅地方?
你咁強調引導, 有能者又唔去引導畀班烏合之眾令連登就係充斥呢種意識形態又有咩意思? 咁不如連happy kongner討論區(1)都唔應該繼續留言, 點解仲justify到自己喺你口中一個有如此惡劣特色嘅討論區開post圍爐呢? 班人呢班烏合之眾入到嚟, 其實就已經違反咗你本身口中嘅顧慮。

同埋我真係完全唔理解點解你要人再further引導又好誘導又好, 係咪你認為米迦篇短文講得唔夠清晰? 講得太隱悔? 更何況, 解釋都唔等於要加入自己意見去引導, 所以我一直都問緊你 到底你係想灌輸你嘅想法俾其他人, 定係真係想引起交流同討論? In a sense你呢種引導嘅思想都係無視咗佢哋嘅自主, 我唔認為美其名為引導嘅灌輸係一種溝通

睇完，我反而想問你地兩位交流完，有冇達成d咩共識？
如果有問題/達唔到共識既話，不如今晚等kongner 開台直播，直接問下米加

睇到你話無跟開live唔明，我誠意邀請你今晚睇直播同埋留言問問題

啱呀，始終我哋唔係Kongner 三子，弟兄都未必可以100%解釋得好好背後嘅原因

不如今晚/星期六一齊去問下米cfu

欣賞兩位一直都好肯闡釋自己嘅睇法
呢啲正正係我哋需要嘅溝通

唔該晒各位