我呀媽50幾歲，成日重複講以前d野，放唔底

首先 我就可能係大家眼中既不孝仔
但我想聽下大家既意見

我呀媽唔知係記仇定點 好記得佢對人好但人地對佢衰
一直會講返係佢好既時候幫過d親戚
但係困難既時候就無人幫佢

除左親戚，仲會話呀爸對外人好，但永遠就對佢要求多 又惡

每次傾 傾傾下又會走返去呢d話題
叫佢放開，搵d世藝
佢就會話唔識 要人帶住佢 手把手咁
之後佢就會無所事事又諗返以前d野

我覺得好煩 我係佢個仔 唔係佢條仔喎
我唔介意佢搵個個伴 但佢驚搵到個好似我呀爸咁

幫佢裝交友app， 有人搵佢啦 佢就同人講：「我咩都唔識架，我好依賴人架，你唔好浪費時間係我到啦。」

佢既諗法係，如果個人真心鍾意我既，唔會介意。

大姐呀咩人都俾你嚇走啦。
佢想有個好有學識既人，唔介意佢蠢，手把手帶領佢睇呢個世界。

我已經唔知可以點幫我呀媽了

救命 我要點做

所有女性都係鍾意俾人氹伯母不例外

50 幾仲玩交友app?

同人地講左幾句就幫人地打定底
人地對你第一印象就係 你係一個包袱

點氹呀 無心搵個個 我就唔幫佢買VIP la

仲有佢記以前d野個part 我要點氹
氹得多重覆得多 我覺得煩 煩就唔想理佢
唔理佢就無所事事 亂諗返以前d野

點解開呢個loop

有好多人都係 離過婚或者離開左
搵個伴過下日晨遮
80歲命既 仲有廿幾三十歲命

交友app
仲買埋vip

識新朋友好過啦
行山GROUP，好多佢依啲年紀

交友APPS超過7成機會呃人／有心浪費人時間

同你諗吓，佢咁嘅性格，邊有中佬容忍到！

明白既，我媽都好似你媽係咁，不過我媽好多朋友有自己興趣又鍾意去街扮靚，其實佢都係想人關心佢，寂寞想人重視佢，成日話唔識係想人理下佢，我建議你媽識d 女姓朋友先，要有返多d 社交，有朋友傾心事，習慣左先諗男人果方面。

我叫佢去識人，佢唔會主動去識人
最後係要我帶佢去識人

我試過去搵教會，諗住教會會有人一齊
但佢唔會主動去教會， 我唔帶佢就唔去

Again 我係你個仔 唔係你條仔呀

點識女性朋友？去邊識？

好似樓上咁講, join 下行山group, 頭幾次你同佢一齊去囉，傾傾下就熟

伯母係咪冇嘢做太悶所以成日亂諗嘢？

冇計，唯有做仔得閒帶佢出下街分散下注意力

冇信仰又唔介意嘅話嘅叫佢返教會
要有人陪嘅，教會係個好地方黎

oh，原來已經帶左

小心連養老份本都厄埋

你要放手唔理佢
唔係到時真係變咗佢條仔

你已經俾咗辦法佢
交友app 行山group 教會
唔用係佢自己選擇

可能啦。。
得星期六日得閒 帶得幾多次。。
星期一到星期五都係亂諗野既 好難改善

我知我講到好負面 真係盡做架咋

我有時諗 佢係唔係有咩心理定精神病
定係典型既老一輩係咁？

佢嘅人生只係得屋企
無得怪佢

佢識上網就玩Facebook 啦
有煮食烘焙group街坊group乜都有
好多人傾計㗎喎仲好似傾得好開心

唔會零興趣掛

少少啦
佢哋無接觸太多人事物
我哋眼中嘅小事佢就會覺得好大件事

睇精神科都幫唔到
佢要見識多啲人，比人呃下講下是非先，經歷下複雜嘅人際開係先成長

搞咁多野，教佢証連登大把人同佢傾計啦

Candy crush啦