[DSE中文]9次5** 分享下考試心得方向

樓主係最後一屆AL考生
不過第一屆DSE開始就有報埋DSE中文試下考
想從考試去了解下究竟中文科教育想我地讀既係啲咩
暫時考過9次5**(如果下個月放榜5**就齊頭10次)

特別呢幾年又不斷改制 其實都有幾多野值得留意
趁住有啲時間 有人睇既話可以同大家分享下

同埋小弟有個ig page
如果有興趣都可以follow下
https://www.instagram.com/ptalkchinese/
(我2019年係DSE寫咗愛情故 2021年寫咗政治既抗爭故
兩次最後總分都有5** 有興趣既話IG入面都有得睇)

打手留名

支持鵠巴

有部分關於閱讀卷作文卷既思維好似以前有開過Post講過
入面有小小都值得睇(如果係要考dse既話)
https://lihkg.com/thread/2498812/page/1
https://lihkg.com/thread/1308721/page/1
有興趣可以回帶

搵食彈撚開

如果話仲有啲野額外分享
咁我諗要從呢2年考過咩去分析
始終下年考咩就梗係要從今年考咩去推斷
第一個表面小小就係12篇啦
其實2018到依家都已經5年
簡單小小既講法就係大部分篇章全部考晒
同埋規律上都有跡可尋
大致每年會考2篇範文 + 一首詩詞
(例如18係出師表+勸學+青玉案)
(20係六國論+岳陽樓記+登樓)
所以你問邊篇大熱 當然係未考過果啲
分別係師說、藺相如、同埋月下獨酌
咁呢三篇要讀熟真係基本認知黎
相信對正常有溫開書既人黎講呢part同常識冇分別
但如果你睇到呢度先第一次知呢3篇最重要
咁你真係有小小大獲
希望你最後唔會肥

岩岩果Part係比較表層架啦
講啲深入小小既方向啦
話說今年(其實唔止今年啦 舊年(2021)開始已經係)閱讀卷多咗一Part考文言基礎認知既題目
連續2年都有考
相信大致係反映咗未來既趨勢
同埋我地需要考慮一件事係2024年再改制
著眼點除左放係有20篇範文之外 甲部部分大幅調高係另一個好需要注意既位置
咁樣呢2年既試題走向 我個人覺得如果望遠小小就應該知道係為未來試水溫
(所以F5或者F4以下既學生係更需要注意)

指既係下面呢一類題目

上面果4題就係2021同2022新出既題目
可以望兩眼試下做
下個reply再分析

拉

In 鵠巴we trust!!!

簡單啲黎講
相比起以前直接問你隻字點解
(例如2021考我地「我樹之成而實五石」既「樹」係解種植)
(2022考我地「不可以久處約」個「約」係解窮困)

依家更加需要我地去連貫字詞係唔同地方既應用同埋含意
實際上佢都係問緊你隻字點解 但你就真係要明而唔係死背

再講多次 我比較注意既野係頭兩年係試水溫

例如上面「舍」同「與」果2題
就算你唔識解佢本身句野
其實你從「舍」入面A、C、D全部都係解捨棄
可以直接排除法搵到B係答案(解「投宿」)
而「與」果題
B、C、D都係解「和」(不過溫西山溫得唔熟既人大概唔知外與天際個與係和..)
答案要係A（解眷顧、依附，兩個字唔係完全一樣 所以都要睇題目佢問相近唔係相同）
但係未來仲係咪咁簡單呢
大約我地估計到2024~2025左右開始會慢慢提升難度
大約係去到你如果唔係4句明晒應該一定做唔到
所以中文閱讀既改制其實我係幾贊成
因為的確係向緊幫學生鞏固基礎語感既路線走
(雖然大家都知佢仲需要好長時間)

放暑假 班中五點會睇
樓主下年34月再po過啦

遲咗入嚟推po添
in 鵠巴we trust！

另外兩題倒裝句同虛詞
都係以前比較少見既題型
大約都唔難(其實用排除法就做到)

比較需要講既係應該點樣練
中六既話我覺得還好 改制前最後一屆
估計佢唔會出到好難
(因為你地都仲係用緊舊制12篇讀)
所以(我估)應該都類似用到排除法做
其實練多幾條就可以
呢啲就真心推介買啲坊間參考書…
我行開書局見過有2本係幾好…
不過唔開名啦… 其實你揭兩揭就會見到
有某一兩本係本身勁多呢類型既練習
買兩本返屋企做 做返百幾題mc check下answer
熟能生巧就唔會錯

反而有啲佢未出但係可能會出既都要睇
例如你見到2021年主要係考「實詞認知」
2022就多咗「虛詞認知」同埋「倒裝句」
咁單純死操佢考過既野 其實都唔夠
依我所見 如果你真係要讀得好完整
包括傳統「實詞字譯句譯」、
「倒裝」、「虛詞」、「詞類活用」、「古今異義」、「通假」
其實呢啲全部都要識 先至會穩陣
(當然真係讀到咁完整應該係aim 有*)

支持
利申 鵠巴打手

然後你要依據呢啲野既特色去判斷點樣溫
舉個好簡單既例啦
「古今異義」同埋「通假」呢2項
其實係無規律(或者咁講 中學生應該難啲學到個規律)
舉個比較常見既例子

古今異義:
「賤人」(廉頗藺相如列傳)
古義係「身份低賤的人」
今義係「品德低下的人」
即係以前係用黎串你窮 依家就係串你賤
咁完全唔同咗 而依家唔會再用
就叫古今異義

通假:
「知」古字經常通「智」
呢個詞成日出現都係形容智慧
例如「知明而行無過」(勸學)

但係呢2個concept
你基本上係唔會自己研究到邊隻字係通假/古今異義
呢啲就要係雞精書上面背晒佢
呢方面唔長篇大論啦
大部分參考書都有list比你
但係以前一般人都唔會睇
依家有啲危險感既話就會覺得係應該要識

而「詞類活用」、「虛詞應用」、「字詞理解」
其實就係要靠操卷
例如一個字本義係動詞 突然作形容詞/名詞用就叫詞類活用
反之亦然 例子係12篇應該多不勝數

(e.g 我樹之成而實五石) 樹本是名詞 此處解種植即動詞
就係一個例子

呢一類即使你本身冇讀過果個詞
你可以憑前文後理即場推論
咁佢係有機會考12篇入面既字
都有機會考額外既考材 冇得估

(相比起岩岩講既通假同古今異義
都幾可肯定一定係出12篇入面既字
佢應該唔會無啦啦整隻新字比你咁癲)

所以大致就係我上面個cm講
你應該要買啲練習書 喪做呢方面既練習
熟能生巧就搞掂

其實上面比較長一大段
分析左一個題型既做法
教育應該教識啲人點讀書
其實大致你要學既未必只係呢個題型
而係學習點樣自己去自學
你分析到原來依家文憑試既走向係返樸歸真
真係考返基礎文言知識
然後你分辨到有一堆文言基礎知識要知
然後再從個人理解去判斷
「通假」、「古今異義」只可死背
「詞類活用」、「虛實詞認知」、「倒裝句」係靠操
然後你就跟住呢個結論
買參考書/係學校筆記入面抄低所有要背既字 背咗佢
然後再買練習書 操晒所有要操既題型 整熟佢
咁你就會有信心讀得好呢part

老實講望落其實都係4分 聽落幾少
(仲要你要考慮分分鐘果2題好淺..你唔溫都可能識...)
當然唔算好抵(呢個都係中文科唔抵讀既原因之一)

但係你學習既應該係學習既方法
一理通百理明
其實所謂既每一種題型、作文、綜合乃至唔同科目
都係用呢種學習模式去思考的

樓主幾時好似會考都冇C咁進軍大型補習社

會考都冇C巴打做緊咩?

樽你dexter wong

原來佢咁靚仔 偽毒

我愛鵠巴 雖然唔係你學生
但你啲片令我明咗好多野